സ്വര്‍ണാഭരണം എന്തിന്? 4,802 രൂപയ്ക്ക് ഡിജിറ്റൽ സ്വര്‍ണം വാങ്ങിയാലോ??

സ്വര്‍ണാഭരണം എന്തിന്? 4,802 രൂപയ്ക്ക് ഡിജിറ്റൽ സ്വര്‍ണം വാങ്ങിയാലോ?? നിക്ഷേപം റിസര്‍വ് ബാങ്കിൻെറ ഗോൾഡ് ബോണ്ടുകളിൽ തന്നെയാകട്ടെ. ഓൺലൈനായി നിക്ഷേപം നടത്തിയാൽ ഗ്രാമിന് 50 രൂപയുടെ ഇളവ് ലഭിയ്ക്കും.

കേന്ദ്ര സര്‍ക്കാരിന് വേണ്ടി റിസര്‍വ് ബാങ്ക് പുറത്തിറക്കുന്ന ഗോൾഡ് പദ്ധതിയുടെ നാലാം ഘട്ട വിതരണം ആരംഭിച്ചു. ജൂലൈ 14 വരെയാണ് സ്കീമിൽ നിക്ഷേപം നടത്താനുള്ള അവസാന തിയതി. ഒരു ഗ്രാമിന് 4852 രൂപയാണ് വില. എന്നാൽ ഓൺലൈനായി നിക്ഷേപം നടത്തുന്നവര്‍ക്ക് 4802 രൂപയിലും കുറഞ്ഞ നിക്ഷേപം നടത്താം.

Also Read: സ്വ‍ര്‍ണ വില കുതിയ്ക്കുന്നു; 100 രൂപ മുതൽ മുടക്കിയും സ്വര്‍ണത്തിൽ നിക്ഷേപിയ്ക്കാം

ഒരു ഗ്രാമോ, ഒരു ഗ്രാമിൻെറ വിവിധ യൂണിറ്റുകളോ ആയി നിക്ഷേപം നടത്താം. നിശ്ചിത കാലാവധി എത്തുമ്പോൾ സ്വര്‍ണത്തിൻെറ മൂല്യം അനുസരിച്ചുള്ള നേട്ടവും പലിശ നിരക്കും ലഭിയ്ക്കും. വ്യക്തികൾക്ക് നാല് കിലോഗ്രാം വരെ ഇങ്ങനെ നിക്ഷേപം നടത്താം.