ലൈഫ് ഇൻഷുറൻസ്, ലോൺ, റിയൽ എസ്റ്റേറ്റ്; 2021 ബിസിനസിന് അനുകൂലമായിരിക്കുമെന്ന് പ്രവചനങ്ങൾ

കൊച്ചി: പൊതുവേ സാമ്പത്തിക മുരടിപ്പിൽ ആയിരുന്നപ്പോഴാണ് കൊറോണയുടെ വരവ്. അപ്രതീക്ഷിതമായി എത്തിയ കൊവിഡും ലോക്ക്ഡൗണും ഒക്കെ ചുറ്റുമുള്ള ഏതാണ്ട് എല്ലാ ബിസിനസുകളെയും സാരമായി ബാധിച്ചു. പകര്‍ച്ചവ്യാധി പടര്‍ന്ന് മാസങ്ങൾ പിന്നിടുമ്പോൾ ബിസിനസുകൾ പ്രതിസന്ധി വിട്ട് കരകയറി തുടങ്ങു ന്നതാണ് ഇപ്പോഴത്തെ കാഴ്ച. 2021-23 സാമ്പത്തിക വര്‍ഷങ്ങളിൽ കമ്പനികളുടെ ശരാശരി വരുമാനം ഉയര്‍ന്നേക്കും എന്നും വായ്പാ ലഭ്യത ഉൾപ്പെടെ ബിസിനസുകൾക്ക് ഗുണകരമായേക്കും എന്നും വിവിധ റിപ്പോര്‍ട്ടുകൾ സൂചിപ്പിയ്ക്കുന്നു.

പലിശ നിരക്കുകൾ ഏറ്റവും കുറഞ്ഞ നിരക്കുകളിൽ ഒന്നിലാണ് എന്നതിനാൽ ബിസിനസ് ലോണുകളും കൂടുതലായി ഉപയോഗിയ്ക്കപ്പെട്ടേക്കും. കൊവിഡ് പ്രതിസന്ധി മെഡിക്കൽ ഇൻഷുറൻസ് ഉൾപ്പെടെയുള്ള ഇൻഷുറൻസുകൾക്കും ആവശ്യക്കാര്‍ ഉയരുന്നതിന് കാരണമായിട്ടുണ്ട്.

Also Read: പ്രതിസന്ധിഘട്ടത്തിൽ നിനച്ചിരിയ്ക്കാതെ ടിപ്പ് കിട്ടിയത് 3.6 ലക്ഷം രൂപ; അമ്പരന്ന് നഴ്സിങ് വിദ്യാര്‍ത്ഥി

ഈ ട്രെൻഡ് തുടര്‍ന്നേക്കും എന്നാണ് സൂചന. കഴിഞ്ഞ കുറേ വര്‍ഷങ്ങളായി മന്ദീഭവിച്ച് കിടന്നിരുന്ന റിയൽ എസ്റ്റേറ്റ് മേഖലയിലും ഉണര്‍വ് പ്രകടമാണ്. റെസിഡൻഷ്യൽ പ്രോപ്പര്‍ട്ടികൾക്ക് ഡിമാൻഡ് ഏറുന്നുണ്ട്. താങ്ങാനാവുന്ന വിലയിലെ പ്രോപ്പര്‍ട്ടികൾക്ക് ഡിമാൻഡ് ഏറും. റിയൽ എസ്റ്റേറ്റ് മേഖലയ്ക്ക് ഉണര്‍വേകാൻ സര്‍ക്കാര്‍ പ്രഖ്യാപിച്ച നടപടികളും ഫലം കണ്ടേക്കും.

പലിശ നിരക്കുകൾ കുറഞ്ഞ് നിൽക്കുന്നതും ഉയര്‍ന്ന പണ ലഭ്യതയും ഈ രംഗത്തെ സുതാര്യമായ നടപടികളും എല്ലാം റിയൽ എസ്റ്റേറ്റ് മേല തിരിച്ച് വരാൻ സഹായകരമാകും എന്നാണ് സൂചന.കൊവിഡ് പ്രതിസന്ധി ഡിജിറ്റൽ പെയ്മെൻറുകളും വര്‍ധിപ്പിയ്ക്കും. ഈ രംഗത്ത് പ്രവര്‍ത്തിയ്ക്കുന്ന സ്ഥാപനങ്ങളും മികച്ച ബിസിനസ് നേടും എന്നും റിപ്പോര്‍ട്ടുകൾ ഉണ്ട്. കൊവിഡ് സാമ്പത്തിക പ്രതിസന്ധിയിൽ നിന്ന് ഇന്ത്യ വിചാരിച്ചതിലും വേഗത്തിൽ കരകയറിത്തുടങ്ങുന്നതും ബിസിനസുകൾക്ക് അനുകൂലമായേക്കും