പാൻ കാർഡില്ലാതെയും പേഴ്സണൽ ലോൺ കിട്ടും; സൂത്രവഴി ഇതാ

ജീവിതച്ചെലവുകൾ‌ നിത്യേന ഉയരുന്നതിനിടെ, ഒരു അത്യാവശ്യ ഘട്ടം നേരിടേണ്ടി വന്നാൽ ഭൂരിഭാഗം സാധാരണക്കാർക്കും ഏതെങ്കിലും തരത്തിലുള്ള വായ്പകളെ ആശ്രയിക്കേണ്ടതായി വന്നേക്കാം. ചിലർ ജീവിതശൈലി ഉയർത്തുന്നതിനും മറ്റ് ആവശ്യങ്ങൾക്കായുമൊക്കെ വായ്പകളെ തേടുന്നു. അതേസമയം ചില വായ്പകൾക്ക് നിരവധി രേഖകൾ‌ സഹിതമാണ് അപേക്ഷിക്കേണ്ടത്. എന്നാൽ യോഗ്യരായ അപേക്ഷകർക്ക്, പേഴ്സണൽ ലോണുകൾ താരതമ്യേന വേഗത്തിൽ ലഭിക്കുന്നു.ഭൂരിഭാഗം ബാങ്കുകളും ധനകാര്യ സ്ഥാപനങ്ങളും പേഴ്സണൽ ലോണിന്റെ അപേക്ഷയോടൊപ്പം പാൻ കാർഡ് (PAN Card) വിശദാംശങ്ങൾ ചോദിക്കുന്നുണ്ട്. ബാങ്കുകളിൽ പാൻ കാർഡ് ഇല്ലാതെ സാമ്പത്തിക ഇടപാടുകൾ പൂർത്തിയാക്കാൻ ബുദ്ധിമുട്ട് നേരിടും. എന്നിരുന്നാലും പാൻ കാർ‍ഡ് വിശദാംശം നൽകാതെയും പേഴ്സണൽ ലോൺ എടുക്കാൻ കഴിയും. ഭാഗ്യം കൂടെയില്ലെങ്കിൽ അൽപ്പം ബുദ്ധിമുട്ടേണ്ടി വരുമെന്ന് മാത്രം.


ശ്രദ്ധിക്കേണ്ട കാര്യങ്ങൾ

പാൻ കാർഡിന് അപേക്ഷിച്ചിട്ടു നിൽക്കുന്ന വേളയിൽ, ഏതെങ്കിലും അടിയന്തര കാരണങ്ങളാൽ പണത്തിന് അത്യാവശ്യം നേരിടുന്ന സാഹചര്യവും ഉരുത്തിരിയാം. അത്തരത്തിൽ പാൻ കാർഡ് കൈവശമില്ലാത്തപ്പോൾ‌ വായ്പയ്ക്ക് അപേക്ഷിക്കുന്നതിന് മുന്നെ ശ്രദ്ധിക്കേണ്ട ചില കാര്യങ്ങളുണ്ട്.

• ഉയർന്ന ക്രെഡിറ്റ് സ്കോർ നിലനിർത്തുക. ഉയർന്ന ക്രെഡിറ്റ് സ്കോർ ഉള്ളവർക്ക് വായ്പ ലഭിക്കാനുള്ള സാധ്യത വർധിക്കും.
• അവസാന മൂന്ന് മാസത്തെ ബാങ്ക് സ്റ്റേറ്റ്മെന്റ് സമർപ്പിക്കുക.
• ലളിതമായ നിബന്ധനകളുള്ള വായ്പ സ്ഥാപനത്തെ സമീപിക്കുക.
• വോട്ടർ ഐഡി, ഇലക്ട്രിസിറ്റി ബിൽ, ലാൻഡ്ഫോൺ ബിൽ തുടങ്ങിയവ പോലുള്ളവ തിരിച്ചറിയൽ രേഖയായി സമർപ്പിക്കാം.
• നേരത്തെ വായ്പ എടുത്ത് തിരിച്ചടച്ചിട്ടുള്ള ചരിത്രമുള്ളവർക്ക് പുതിയ വായ്പ കിട്ടാനുള്ള സാധ്യത കൂടുതലാണ്.

വിവിധതരം ജോലിയുള്ളവർക്ക് പാൻ കാർഡില്ലാതെ പേഴ്സണൽ ലോണിന് അപേക്ഷിക്കുന്നതിനായുള്ള മാനദണ്ഡം ചുവടെ ചേർക്കുന്നു.

ജീവിതം സുരക്ഷിതമാക്കാൻ മുതിർന്ന പൗരന്മാർക്കുള്ള 5 നിക്ഷേപ പദ്ധതികൾ
സ്വയം തൊഴിൽ ചെയ്യുന്നവർ

• അപേക്ഷകർ 21-നും 65-നും ഇടയിൽ പ്രായമുള്ളവരായിരിക്കണം.
• ബിസിനസിൽ നിന്നുള്ള ചുരുങ്ങിയ ലാഭവിഹിതം 15,000 രൂപ ഉണ്ടായിരിക്കണം.
• വരുമാനം നേരിട്ട് ബാങ്ക് അക്കൗണ്ടിൽ എത്തുന്ന വിധമായിരിക്കണം.
• ക്രെഡിറ്റ് സ്കോർ 600-ന് മുകളിൽ ഉണ്ടാകണം.

ശമ്പളക്കാരായ ജീവനക്കാർ

• അപേക്ഷകർക്ക് 21-നും 60-നും ഇടയിൽ പ്രായം.
• കൈവശം ലഭിക്കുന്ന ചുരുങ്ങിയ ശമ്പളം 13,500 രൂപ.
• ശമ്പളം നേരിട്ട് ബാങ്ക് അക്കൗണ്ടിൽ വരവ് വെയ്ക്കണം.
• വ്യക്തിഗത ക്രെഡിറ്റ് സ്കോർ 600-ന് മുകളിൽ വേണം.

പാൻ കാർഡ് ഇല്ലാതെ വ്യക്തിഗത വായ്പ നൽകുന്ന മൊബൈൽ ആപ്പുകൾ

• ധനി (പരമാവധി വായ്പ 15 ലക്ഷം)
• മണിടാപ് (3,000 രൂപ മുതൽ 5 ലക്ഷം)
• ക്രെഡിറ്റ്ബീ (പാൻ കാർ‍ഡില്ലാതെ പരമാവധി 1 ലക്ഷം വായ്പ)
• പോക്കറ്റ്ലി (500 രൂപ മുതൽ 10,000 രൂപ വരെ)
• സ്റ്റാഷ്ഫിൻ (പാൻ കാർഡില്ലാതെ 5 ലക്ഷം വരെയുള്ള വായ്പ)
• റുപീലെൻഡ് (പാൻ കാർഡില്ലാതെ 1 ലക്ഷം വരെ വായ്പ)
• എംപോക്കറ്റ് (500 രൂപ മുതൽ വായ്പ)
• ക്യാഷ്ഇ (പാൻ കാർഡില്ലാതെ 2 ലക്ഷം രൂപ വരെ)
• ഇന്ത്യലെൻഡ്സ് (ഇൻസ്റ്റന്റ് പേഴ്സണൽ ലോൺ 50 ലക്ഷം വരെ)

ഉയർന്ന ശമ്പളം വേണ്ട, ചായയടിച്ചോളാം; ചൈനീസ് യുവാക്കളുടെ ഈ മനംമാറ്റത്തിന് പിന്നിലെന്ത്?
ചുരുക്കത്തിൽ

പാൻ കാർഡ് വിശദാംശങ്ങൾ നൽകാതെ വായ്പ സംഘടിപ്പിക്കാൻ ഏറെ ബുദ്ധിമുട്ടാണെങ്കിലും ലോൺ ലഭിക്കാനുള്ള മാർഗങ്ങളും ഇവിടെയുണ്ട്. വായ്പ നൽകുന്നവർ പാൻ കാർഡ് വിശദാംശത്തിനല്ല പ്രാധാന്യം നൽകുന്നത്. അപേക്ഷിച്ചയാളുടെ ക്രെ‍ഡിറ്റ് സ്കോർ വിലയിരുത്തിയാണ് വായ്പ അനുവദിക്കണോയെന്ന തീരുമാനം എടുക്കുക. ഭൂരിഭാഗം സാഹചര്യങ്ങളിലും 750-ന് മുകളിൽ ക്രെഡിറ്റ് സ്കോർ ഉള്ളവരെയാകും പേഴ്സണൽ ലോണിന് പരിഗണിക്കുക. അതുപോലെ വ്യക്തിയുടെ വരുമാനവും കടബാധ്യതയുടെ അനുപാതം എത്രയുണ്ടെന്നതും പരിശോധിക്കും. എന്നിരുന്നാലും പാൻ കാർഡ് വിശദാംശങ്ങളോടെ പേഴ്സണൽ ലോണിന് അപേക്ഷിക്കുന്നതാകും ഉചിതം.