വിവിധ ആവശ്യങ്ങൾ
വ്യത്യസ്തങ്ങളായ ആവശ്യങ്ങൾക്ക് ഉപകരിക്കുന്നു എന്നതാണ് ഇവയുടെ ഏറ്റവും വലിയ മെച്ചം. വീട് പുതുക്കി പണിയുക, കുട്ടികളുടെ വിദ്യാഭ്യാസം, അടിയന്തിരമായി വേണ്ടി വരുന്ന മെഡിക്കൽ ചിലവുകൾ, കുടുംബത്തിലെ വിവാഹം, അവധിക്കാല യാത്രകൾ ഇങ്ങനെ നിരവധി ആവശ്യങ്ങൾ പേഴ്സണൽ ലോൺ വഴി സാധ്യമാവും. ലളിതമായ തിരിച്ചടവ് വ്യവസ്ഥകളായിരിക്കും ഇത്തരം വായ്പകൾക്കുണ്ടായിരിക്കുക. എന്നാൽ വിവിധ ബാങ്കുകളുടെ വ്യവസ്ഥകളിൽ വ്യത്യാസം ഉണ്ടായിരിക്കും.
കാലാവധിക്കുള്ളിൽ നിങ്ങൾക്ക് വായ്പ തിരിച്ചടയ്ക്കാനുള്ള ശേഷി ബാങ്ക് വിലയിരുത്തും. ഇത് നിരവധി ഘടകങ്ങളെ ആശ്രയിച്ചാണ് തീരുമാനിക്കപ്പെടുന്നത്. നിങ്ങളുടെ ക്രെഡിറ്റ് റേറ്റിങ്, വീട്ടാൻ ബാക്കിയുള്ള കടബാധ്യതകൾ, നിലവിലെ വരുമാനം, വായ്പ കാലാവധിക്കുള്ളിൽ തൊഴിൽ വിപണിയിൽ നിങ്ങൾക്കുള്ള യോഗ്യത മുതലായവയെല്ലാം വിലയിരുത്തപ്പെടുന്നു. നിങ്ങൾ സാമ്പത്തികമായി സ്ഥിരതയുള്ള വ്യക്തിയും, നല്ല ക്രെഡിറ്റ് സ്കോർ ഉള്ള വ്യക്തിയുമാണെങ്കിൽ നിങ്ങൾക്ക് ഉയർന്ന തുക വായ്പ ലഭിക്കാൻ സാധ്യതയുണ്ട്.
ക്രെഡിറ്റ് സ്കോർ നിങ്ങളുടെ സാമ്പത്തിക സുസ്ഥിരതയെ കാണിക്കുന്നു. 750 ഓ അതിനു മുകളിലോ ആണ് നിങ്ങളുടെ ക്രെഡിറ്റ് സ്കോറെങ്കിൽ വായ്പ ലഭിക്കാൻ കൂടുതൽ സാധ്യതയുണ്ട്.
പലിശ നിരക്കുകളുടെ കാൽക്കുലേഷൻ
രണ്ട് തരത്തിലാണ് സാധാരണയായി പലിശനിരക്കുകൾ കണക്കാക്കുന്നത്. ആന്വൽ റെഡ്യൂസിങ് ബാലൻസിങ് മെത്തേഡ് വഴിയാണെങ്കിൽ വരുന്ന ഒരു വർഷത്തേക്ക് നിങ്ങൾ പലിശ നൽകേണ്ടതാണ്. ഇവിടെ ആ വർഷത്തിന്റെ തുടക്കത്തിൽ വായ്പ തുക എത്രയാണോ അതിനാണ് ആ വർഷത്തേക്കുള്ള പലിശ ഈടാക്കുന്നത്.
മന്ത്ലി അല്ലെങ്കിൽ ഡെയ്ലി റെഡ്യൂസിങ് ബാലൻസ് മെത്തേഡ് ആണ് രണ്ടാമത്തെ രീതി. ഇവിടെ ഔട്സ്റ്റാൻഡിങ് ലോൺ തുകയ്ക്കു മാത്രമാണ് പലിശ കണക്കാക്കുന്നത്. നിങ്ങൾ ഓരോ തവണ ഇഎംഐ അടയ്ക്കുമ്പോഴോ, നേരത്തേ വായ്പാ തുകയിലേക്ക് പണം അടയ്ക്കുമ്പോഴോ ( പ്രീ പേയ്മെന്റ്) ആകെ വായ്പാ തുക കുറയുകയും, ആനുപാതികമായി പലിശ നിരക്കുകൾ കുറയുകയും ചെയ്യും.
വിവിധ ബാങ്കുകളുടെ വ്യവസ്ഥകൾ വ്യത്യസ്തമാണ്. ഇവിടെ എസ്ബിഐ, എച്ച്ഡിഎഫ്സി, ബാങ്കുകളിൽ വ്യക്തിഗത വായ്പ ലഭിക്കുന്നതിനുള്ള മാനദണ്ഡങ്ങളാണ് പരിശോധിക്കുന്നത്.
എച്ചഡിഎഫ്സിബാങ്കിൽ വ്യക്തിഗത വായപ ലഭിക്കാനുള്ള യോഗ്യത
- പ്രൈവറ്റ് ലിമിറ്റഡ് കമ്പനികളിലെ ജോലിക്കാർ
- കേന്ദ്ര-സംസ്ഥാന-തദ്ദേശ സ്ഥാപനങ്ങളടക്കമുള്ള പൊതുമേഖലാ സ്ഥാപനങ്ങളും, സർക്കാർ സ്ഥാപനങ്ങളും
- പ്രായപരിധി 21 മുതൽ 60 വരെയുള്ളവർ
- കുറഞ്ഞത് രണ്ട് വർഷമായി ജോലി ചെയ്യുന്നവർ .അതിൽ ഒരു വർഷം നിലവിലെ എംപ്ലോയറുടെ കീഴിൽ ആയിരിക്കണം
(വായ്പകളെ സംബന്ധിച്ച് ബാങ്കുകളുടെ വെബ്സൈറ്റിൽ ലഭ്യമായ വിവരങ്ങളാണ് നൽകിയിരിക്കുന്നത്. ബാങ്കുകൾക്ക് എപ്പോൾ വേണെങ്കിലും ഇവയിൽ മാറ്റം വരുത്താൻ അധികാരമുണ്ട്. വായ്പകൾക്കായി അപേക്ഷിക്കും മുമ്പ് ഏറ്റവും പുതിയ മാനദണ്ഡങ്ങൾ മനസ്സിലാക്കേണ്ടത് വായ്പകൾ എടുക്കേണ്ടവരുടെ ഉത്തരവാദിത്തമാണ്)
എസ്ബിഐയിൽ വ്യക്തിഗത വായപ ലഭിക്കാനുള്ള യോഗ്യത
- എസ്ബിഐയിൽ സാലറി അക്കൗണ്ടുകളുള്ള വ്യക്തികൾ
- മാസവരുമാനം 15,000 രൂപ
- ഇഎംഐ/എൻഎംഐ അനുപാതം 50% ൽ താഴെ
താഴെ പറയുന്നവയിൽ ജോലി ചെയ്യുന്നവർ
- കേന്ദ്ര-സംസ്ഥാന-അർദ്ധസർക്കാർ സ്ഥാപനങ്ങൾ
- കേന്ദ്ര പൊതുമേഖലാ സ്ഥാപനങ്ങൾ
- ലാഭമുള്ള സംസ്ഥാന പൊതുമേഖലാ സ്ഥാപനങ്ങൾ
- ദേശീയ തലത്തിൽ അറിയപ്പെടുന്ന വിദ്യാഭ്യാസ സ്ഥാപനങ്ങൾ
- ബാങ്കുമായി ബന്ധമുള്ളതോ അല്ലാത്തതോ ആയ തിരഞ്ഞെടുത്ത കോർപ്പറേറ്റുകൾ