ഇനി ഒരു ലക്ഷം രൂപയ്ക്കു മുകളിലുള്ള തുക എഫ് ഡി അക്കൗണ്ടിലേക്ക്

കൊച്ചി: ഒരു ലക്ഷത്തിനു മുകളിലുള്ള ബാലൻസ് തുക സേവിങ്സ്അക്കൗണ്ടിൽ നിന്നും ഓട്ടോമാറ്റിക് ആയി ഫിക്സഡ് ഡെപ്പോസിറ് ആയി മാറുന്ന എക്സ് എല്റേറ്റ് അക്കൗണ്ട് അവതരിപ്പിച്ച് യെസ് ബാങ്ക്. ഇത് വഴി മികച്ച റിട്ടേൺ ഉപഭോക്താക്കൾക്ക് ലഭിക്കുമെന്ന് ബാങ്ക് അധികൃതർ പറയുന്നു.

ഒരു വർഷത്തേക്ക് ആണ് തുക സ്ഥിര നിക്ഷേപമായി മാറുക. എഫ്ഡി അക്കൗണ്ട് ബാലൻസ് തുക 25, 000 രൂപക്ക് താഴെയാകുമ്പോൾ തുക സേവിങ്സ് അക്കൗണ്ടിലേക്ക് തിരിച്ചു വരും. ഒന്നിലേലേറെ അക്കൗണ്ടുമായി ഇത് ബന്ധിപ്പിക്കാനുമാകും എന്നതാണ് മറ്റൊരു സവിശേഷത.

Also Read: സ്വര്‍ണ പണയ വായ്പകൾ ഉയരുന്നു

സേവിങ്സ് അക്കൗണ്ടിൽ ഒരു ലക്ഷം രൂപക്ക് താഴെയുള്ള തുകക്ക് 5 ശതമാനം പലിശ ലഭിക്കും. ഒരു ലക്ഷം രൂപക്ക് മുകളിൽ ഉള്ള എഫ് ഡിയിലേക്ക് പോകുന്ന തുകയ്ക്ക് 7.25% പലിശ ലഭിക്കും. മുതിർന്ന പൌരൻമാർക്ക് 7.75% ആയിരിക്കും പലിശ നിരക്ക്. യെസ് ബാങ്ക് എ ടി എം വഴി എത്ര തുക വേണമെങ്കിലും സൗജന്യമായി പിൻവലിക്കാം.