കൊച്ചി: ഏജൻറിൻറെ നിർബന്ധത്തിനു വഴങ്ങി ഇൻഷുറൻസ് പോളിസി എടുത്തിട്ട് പോളിസി നിങ്ങളെ നിരാശരാക്കിയോ? അതോ നിങ്ങളുടെ ആവശ്യങ്ങൾക്ക് അനുയോജ്യമായ മറ്റൊരു പോളിസി ശ്രദ്ധയിൽപ്പെട്ടോ? എന്തായാലും ഇൻഷുറൻസ് എടുത്തിട്ട് ഇനി കാശു പോയല്ലോ എന്ന നിരാശ വേണ്ട. പോളിസിയിൽ അതൃപ്തനാണെങ്കിൽ പോളിസിയെടുത്ത് നിശ്ചിത ദിവസങ്ങൾക്കുള്ളിൽ ക്യാൻസൽ ചെയ്താൽ പ്രീമിയം തുക റീഫണ്ട് ലഭിക്കും.
Also Read: ഇനി ജനറൽ ഇൻഷുറൻസ് തെരഞ്ഞെടുക്കുമ്പോൾ ശ്രദ്ധ വേണം
15 ദിവസമാണ് പോളിസി ഉടമയ്ക്ക് ഇത്തരത്തിൽ അനുവദിക്കുന്നത്. പോളിസി വാങ്ങിയതിന് ശേഷമുള്ള 15 ദിവസമാണ് കണക്കാക്കുക. കാലാവധിയ്ക്കുള്ളിൽ പോളിസി ഇഷ്ടമായില്ലെങ്കിൽ ഓൺലൈനായും ഫ്രീ ലുക്ക് ക്യാൻസലേഷൻ ഫോം റിക്വസ്റ്റ് ഫോം പൂരിപ്പിച്ച് നൽകാം.
പോളിസി പിൻവലിയ്ക്കാനുള്ള കാരണം പോളിസി ഉടമകൾ വ്യക്തമാക്കിയിരിക്കണം എന്നതും ബാങ്ക് അക്കൌണ്ട് വിവരങ്ങൾ ഉൾപ്പെടെ നൽകിയിരിക്കണം എന്നും നിർബന്ധമാണ്..ഇൻഷുറൻസ് കമ്പനി ശാഖകൾ വഴി നേരിട്ടും കാൻസലേഷൻ റിക്വസ്റ്റ് സമര്പ്പിക്കാനാകും. ഇതാവും കൂടുതൽ സുരക്ഷിതം.യൂണിറ്റ് ലിങ്ക്ഡ് ഇൻഷുറൻസ് പ്ലാനുകളിൽ ഒഴികെ നിബന്ധനകൾക്ക് വിധേയമായി റീ ഫണ്ട് ലഭിക്കും
y