പെട്രോൾ വിലയിൽ മാറ്റമില്ല; ഡീസൽ വില കൂടി

തിരുവനന്തപുരം: സംസ്ഥാനത്ത് ഡീസൽ വില കുതിക്കുന്നു. അതേസമയം പെട്രോൾ വില മാറ്റമില്ലാതെ തുടരുകയാണ്. ഇന്ന് ഡീസലിന് 09 പൈസയാണ് ഇന്ന് വര്‍ധിച്ചത്. തിരുവനന്തപുരത്ത് ഡീസലിന് 80 രൂപ 75 പൈസയാണ് ഇന്നത്തെ വിലനിലവാരം. തിരുവനന്തപുരത്ത് ഒരു ലിറ്റർ പെട്രോളിന് 86.09 രൂപയാണ്.

കൊച്ചി നഗരത്തിൽ പെട്രോൾ വില 84.58 രൂപയും ഡീസൽ വില 79.22 രൂപയുമാണ്. അതേസമയം കോഴിക്കോട് നഗരത്തിൽ പെട്രോളിന് 84.95 രൂപയും ഡീസലിന് 79.59 രൂപയുമാണ്.

കേന്ദ്ര സർക്കാർ വില കുറച്ച ശേഷം ഒരാഴ്ച കൊണ്ട് പെട്രോളിന് 1 രൂപ 26 പൈസയും ഡീസലിന് 1 രൂപ 83 പൈസയുമാണ് കൂടിയത്.