മാറ്റമില്ലാതെ പെട്രോള്‍, ഡീസല്‍ വില; നിരക്കുകള്‍ അറിയാം

കൊച്ചി: രാജ്യത്ത് പെട്രോൾ, ഡീസൽ വില മാറ്റമില്ലാതെ തുടരുന്നു. കേരളത്തിൽ ഇന്ന് പെട്രോളിന് 82.15 രൂപയും ഡീസലിന് 77.92 രൂപയാണ് വില. കഴിഞ്ഞദിവസം ഡീസലിന് 22 പൈസ വർധിച്ചിരുന്നു. തുടർച്ചയായി ഇന്ധന വില മാറ്റമില്ലാതെ തുടരുന്നതിനിടെയാണ് എട്ടാം തീയതി ഡീസലിന് കേരളത്തിലടക്കം മിക്ക സംസ്ഥാനങ്ങളിലും ഡീസലിന് വില ഉയർന്നത്. അതേസമയം പെട്രോൾ വില കഴിഞ്ഞ പന്ത്രണ്ട് ദിവസമായി മാറ്റമില്ലാതെ തുടരുകയാണ്.

Also Read: അമേരിക്ക അപകടത്തില്‍; 33 സംസ്ഥാനങ്ങളില്‍ കൊവിഡ് കുതിച്ചുയരുന്നു; തിരിച്ചടിയായത് ഇളവുകള്‍

തിരുവനന്തപുരത്ത് ഒരു ലിറ്റര്‍ പെട്രോളിന് 82.15 രൂപയും ഡീസലിന് 77.92 രൂപയുമാണ് വില. കൊച്ചിയില്‍ 80.37 രൂപയാണ് ഒരുലിറ്റര്‍ പെട്രോളിന്റെ വില. ഡീസലിന് 76.19 രൂപയും. കോഴിക്കോട് പെട്രോള്‍ ലിറ്ററിന് 80.71 രൂപയും ഡീസലിന് 76.55 രൂപയുമാണ് ഇന്നത്തെ വില.

Also Read: കാണ്‍പൂര്‍ വെടിവെയ്പ് കേസിലെ പ്രതി വികാസ് ദുബെ കൊല്ലപ്പെട്ടു

ഡല്‍ഹിയില്‍ ഇന്ന് 80.43 രൂപയാണ് ഒരു ലിറ്റര്‍ പെട്രോളിന്റെ വില. ഡീസലിന് ലിറ്ററിന് 80.78 രൂപയും. രാജ്യതലസ്ഥാനച്ച് പെട്രോളിനെ മറികടന്ന് ഡീസൽ വില ഉയരുകയാണ്. ഇന്നലെ ഡീസലിന് 25 പൈസയാണ് ഡൽഹിയിൽ ഉയർന്നത്. മെട്രോ നഗരമായ മുംബൈയില്‍ പെട്രോള്‍ ലിറ്ററിന് 87.19 രൂപയും ഡീസല്‍ ലിറ്ററിന് 79.05 രൂപയുമാണ് വില.


ആഗോള വിപണിയിലെ ക്രൂഡ് ഓയില്‍ വിലയും ഡോളര്‍ രൂപ വിനിമയവും കണക്കാക്കിയാണ് രാജ്യത്തെ ഇന്ധനവില നിര്‍ണയിക്കുന്നത്. രാജ്യാന്തര വിപണിയില്‍ ക്രൂഡ് ഓയില്‍ വില കുറയുകയും ഡോളര്‍ വിനിമയ നിരക്ക് ഉയരുകയും ചെയ്തു. ഇന്ന് ഒരു ബാരല്‍ അസംസ്‌കൃത എണ്ണയ്ക്ക് (ക്രൂഡ് ഓയില്‍) 42.03 ഡോളറാണ് വില. ഇന്നലെ 43.24 ഡോളറിലായിരുന്നു വ്യാപാരം. അതേസമയം 75.16 രൂപയിലാണ് ഡോളര്‍ വിനിമയം നടക്കുന്നത്. ഇന്നലെ 74.96 രൂപയിലായിരുന്നു ഡോളര്‍ വിനിമയം നടന്നത്.