സംസ്ഥാനത്ത് പെട്രോൾ, ഡീസൽ വില വീണ്ടും കൂടി; ഒരാഴ്ചയ്ക്കിടെ വർധന 4 രൂപയോളം

ന്യൂഡൽഹി: രാജ്യത്ത് തുടര്‍ച്ചയായി എട്ടാം ദിവസവും ഇന്ധനവില വര്‍ധിച്ചതോടെ സംസ്ഥാനത്ത് ഒരാഴ്ചയ്ക്കിടെ പെട്രോള്‍, ഡീസൽ വിലകളിൽ നാല് രൂപയിലധികം വര്‍ധനവ്. ഡീസലിന് 60 പൈസയും പെട്രോളിന് 62 പൈസയുമാണ് ഇന്ധന കമ്പനികള്‍ വര്‍ധിപ്പിച്ചത്. സംസ്ഥാനത്ത് ഇതോടെ പെട്രോൾ വില 77.50 രൂപയായും ഡീസൽ വില 77.50 രൂപയായും വര്‍ധിച്ചു.

കൊച്ചിയിൽ 75.82 രൂപയാണ് ഇന്നത്തെ പെട്രോള്‍ വില. ലിറ്ററിന് 69.97 രൂപയ്ക്കാണ് ഡീസലിന് വിൽപന നടക്കുന്നത്. തിരുവനന്തപുരത്ത് പെട്രോള്‍ ലിറ്ററിന് 77.50 രൂപയും ഡീസൽ ലിറ്ററിന് 71.56 രൂപയുമാണ് വില. കോഴിക്കോട് നഗരത്തിൽ പെട്രോള്‍ വില ലിറ്ററിന് 76.14 രൂപയായും ഡീസൽ വില 70.30 രൂപയായും ഉയര്‍ന്നു.

Also Read: യാത്രക്കാരില്ലാത്തതിനാല്‍ തിരുവനന്തപുരം- എറണാകുളം പ്രത്യേക തീവണ്ടിയില്‍ കോച്ചുകള്‍ കുറച്ചു

രാജ്യതലസ്ഥാനമായ ഡൽഹിയിൽ 75.78 രൂപയാണ് ഇന്ന് പെട്രോളിന് വില, ഡീസൽ ലിറ്ററിന് 74.03 രൂപയും. മുംബൈയിൽ പെട്രോളിന് 82.70 രൂപയ്ക്കും ഡീസലിന് 72.64 രൂപയ്ക്കും വിൽപന നടക്കുന്നു.

എട്ട് ദിവസത്തിനിടെ രാജ്യത്ത് ഇന്ധനവിലയിൽ 4.41 രൂപയിലധികമാണ് വര്‍ധനയുണ്ടായത്. ഇന്ന് മാത്രം ഡീസലിന് 60 പൈസയും പെട്രോളിന് 62 പൈസയും വില വര്‍ധിച്ചു. ലോക്ക് ഡൗൺ കാലത്ത് അനക്കമില്ലാതിരുന്ന ഇന്ധനവില കഴിഞ്ഞ ഒരാഴ്ചയായി കുതിക്കുകയാണ്.

പ്രധാന നഗരങ്ങളിലെ ഇന്ധനവില ഇങ്ങനെ: