ആപ്പ്ജില്ല

പെട്രോൾ, ഡീസൽ വിലയിൽ മാറ്റമില്ല

പെട്രോൾ, ഡീസൽ വിലയിൽ മാറ്റമില്ല. കേരളത്തിൽ ഇന്ന് ഒരു ലിറ്റർ പെട്രോളിന് 82.15 രൂപയും ഡീസലിന് 77.70 രൂപയുമാണ് വില. കഴിഞ്ഞ രണ്ട് ദിവസമായി പെട്രോളിനും ഡീസലിനും ഇതേ നിരക്ക് തുടരുകയാണ്.

Samayam Malayalam 1 Jul 2020, 7:49 am
കൊച്ചി: രാജ്യത്ത് പെട്രോൾ, ഡീസൽ വിലയിൽ മാറ്റമില്ല. കേരളത്തിൽ ഇന്ന് ഒരു ലിറ്റർ പെട്രോളിന് 82.15 രൂപയും ഡീസലിന് 77.70 രൂപയുമാണ് വില. കഴിഞ്ഞ രണ്ട് ദിവസമായി പെട്രോളിനും ഡീസലിനും ഇതേ നിരക്ക് തുടരുകയാണ്.
Samayam Malayalam diesel and petrol rate in kerala today on 1st july 2020 across metro cities
പെട്രോൾ, ഡീസൽ വിലയിൽ മാറ്റമില്ല


തിരുവനന്തപുരത്ത് ഒരു ലിറ്റർ പെട്രോളിന് 82.15 രൂപയും ഡീസലിന് 77.70 രൂപയുമാണ് വില. കൊച്ചിയിൽ 80.37 രൂപയാണ് ഒരുലിറ്റര്‍ പെട്രോളിന്റെ വില. ഡീസലിന് 75.98 രൂപയും. കോഴിക്കോട് പെട്രോൾ ലിറ്ററിന് 80.71 രൂപയും ഡീസലിന് 76.34 രൂപയമാണ് ഇന്നത്തെ വില.

ഡൽഹിയിൽ ഇന്ന് 80.43 രൂപയാണ് ഒരു ലിറ്റർ പെട്രോളിന്റെ വില. ഡീസലിന് ലിറ്ററിന് 80.53 രൂപയും. മെട്രോ നഗരമായ മുംബൈയിൽ പെട്രോള്‍ ലിറ്ററിന് 87.19 രൂപയും ഡീസൽ ലിറ്ററിന് 78.83 രൂപയുമാണ് വില.

Also Read: പെട്രോൾ, ഡീസൽ വിലയിൽ മാറ്റമില്ല

ആഗോള വിപണിയിലെ ക്രൂഡ് ഓയിൽ വിലയും ഡോളര്‍ രൂപ വിനിമയവും കണക്കാക്കിയാണ് രാജ്യത്തെ ഇന്ധനവില നിര്‍ണയിക്കുന്നത്. ക്രൂഡ് ഓയിൽ വിലയും ഡോളർ വിനിമയ നിരക്കും മാറ്റമില്ലാതെ തുടരുകയാണ്. ഇന്ന് ഒരു ബാരൽ അസംസ്കൃത എണ്ണയ്ക്ക് (ക്രൂഡ് ഓയിൽ) 41.74 ഡോളറാണ് വില. ഇന്നലെ 41.45 ഡോളറിലായിരുന്നു വിൽപന നടന്നിരുന്നത്. 75.56 രൂപയിലാണ് ഡോളര്‍ വിനിമയം നടക്കുന്നത്.

കൊവിഡ് പ്രതിസന്ധി തുടങ്ങിയതിന് ശേഷം മാറ്റമുണ്ടാകാതിരുന്ന ഇന്ധന വില ജൂണ്‍ ഏഴ് മുതലാണ് കൂടാന്‍ തുടങ്ങിയത്. നിലവില്‍ ഈ മാസത്തെ ഏറ്റവും ഉയര്‍ന്ന നിരക്കിലാണ് രാജ്യത്തെ ഇന്ധന വില. കേന്ദ്ര-സംസ്ഥാന സര്‍ക്കാരുകള്‍ നികുതി നിരക്ക് വര്‍ധിപ്പിച്ചതും രാജ്യത്തെ പെട്രോളിയം കമ്പനികള്‍ നഷ്‍ടം നികത്താന്‍ നിരക്ക് വര്‍ധിപ്പിക്കുന്നതുമാണ് വില വര്‍ധനയ്ക്കുള്ള കാരണം.

നഗരംപെട്രോൾ (രൂപ)ഡീസൽ (രൂപ)
തിരുവനന്തപുരം82.1577.70
കൊച്ചി80.3775.98
കോഴിക്കോട്80.7176.34
ന്യൂഡൽഹി80.4380.53
മുംബൈ87.1978.83

അതേസമയം രാജ്യത്തെ ഇന്ധന വില വര്‍ധന സാധാരണക്കാരെ ബാധിച്ചിട്ടില്ലെന്ന് കേന്ദ്ര പെട്രോളിയം മന്ത്രി ധര്‍മേന്ദ്ര പ്രധാന്‍ പറഞ്ഞു. ദേശീയ, ആഗോള സമ്പദ്‌വ്യവസ്ഥ വെല്ലുവിളി നിറഞ്ഞ ഒരു കാലഘട്ടത്തിലൂടെയാണ് കടന്നുപോകുന്നത്. ഇത് ലോകമെമ്പാടുമുള്ള ഇന്ധന ആവശ്യകതയെയും വിതരണത്തെയും ബാധിച്ചു. ഒരു കുടുംബത്തില്‍ പ്രശ്‌നം വരുമ്പോള്‍ ഭാവിയിലെ വെല്ലുവിളികളെ നേരിടാന്‍ വ്യക്തി ശ്രദ്ധയോടെ സാമ്പത്തിക കാര്യങ്ങള്‍ കൈകാര്യം ചെയ്യുന്നു. ഇതുപോലെ ഇന്ധന വില വര്‍ധനവിനെ കാണണമെന്നും ധര്‍മേന്ദ്ര പ്രധാന്‍ പറഞ്ഞു.

ആര്‍ട്ടിക്കിള്‍ ഷോ

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക്പേജ് ലൈക്ക് ചെയ്യൂ
ട്രെൻഡിങ്