കുതിച്ചുയർന്ന് ഡീസൽ വില, പെട്രോളിന് 81 രൂപ കടന്നു; 17-ാം ദിവസവും ഇന്ധന വിലയിൽ വർധന‌

കൊച്ചി: രാജ്യത്ത് തുടര്‍ച്ചയായ പതിനേഴാം ദിവസവും ഇന്ധന വിലയില്‍ വര്‍ധന. മൂന്ന് ദിവസം കൊണ്ട് 8.01 രൂപ പെട്രോളിനും ‍ഡീസലിന് 8.68 രൂപയുമാണ് വർധിച്ചത്. സംസ്ഥാനത്ത് പെട്രോള്‍ ലിറ്ററിന് 20 പൈസയും ഡീസല്‍ ലിറ്ററിന് 52 പൈസയുമാണ് കൂടിയത്. ഇന്ന് പെട്രോള്‍ ലിറ്ററിന് 81.48 രൂപയും ഡീസല്‍ ലിറ്ററിന് 76.64 രൂപയുമാണ് വില.

തിരുവനന്തപുരത്ത് പെട്രോളിന് ലിറ്ററിന് 81.48 രൂപയും ഡീസലിന് 76.64 രൂപയുമാണ്. കൊച്ചിയില്‍ ഒരുലിറ്റര്‍ പെട്രോളിന് 79.72 രൂപയാണ് വില. ഡീസലിന് 74.94 രൂപയും. കോഴിക്കോട് പെട്രോളിന് 80.05 രൂപയും ഡീസലിന് 75.29 രൂപയുമാണ് ഇന്നത്തെ വില.

രാജ്യതലസ്ഥാനമായ ന്യൂഡൽഹിയിൽ ഇന്ന് 79.76 രൂപയാണ് ഒരു ലിറ്റര്‍ പെട്രോളിന്‍റെ വില. ഡീസലിന് 79.40 രൂപയും. മുംബൈയിൽ പെട്രോള്‍ ലിറ്ററിന് 79.76 രൂപയും ഡീസൽ ലിറ്ററിന് 77.76 രൂപയുമാണ് വില.

Also Read: അയവില്ലാതെ എണ്ണ കമ്പനികൾ; തുടർച്ചയായ 16-ാം ദിവസവും ഇന്ധന വിലയിൽ വർധന



ആഗോള വിപണിയിലെ ക്രൂഡ് ഓയിൽ വിലയും ഡോളര്‍ രൂപ വിനിമയവും കണക്കാക്കിയാണ് രാജ്യത്തെ ഇന്ധനവില നിര്‍ണയിക്കുന്നത്. ഇന്ന് ഒരു ബാരൽ അസംസ്കൃത എണ്ണയ്ക്ക് (ക്രൂഡ് ഓയിൽ) 42.99 ഡോളറാണ് വില. അതേസമയം ഇന്ന് ഡോളര്‍ 75.81 രൂപയിലാണ് വിനിമയം നടക്കുന്നത്.

ഇന്ധന വില വർധന

ഇന്ത്യയിൽ അയൽരാജ്യങ്ങളേക്കാളും ഉയർന്ന വിലയിലാണ് പെട്രോൾ, ഡീസൽ വ്യാപാരം നടക്കുന്നത്. ജനങ്ങളുടെ സാമ്പത്തികശേഷി കുറവാണെങ്കിലും വികസിത രാജ്യങ്ങളിലെ നിലവാരത്തിലാണ് ഇന്ത്യയിലെ ഇന്ധന വില. ലോക് ഡൗൺ ഇളവുകൾ പ്രഖ്യാപിച്ച ജൂൺ ഏഴു മുതലാണ് രാജ്യത്ത് ഇന്ധന വില വർധിക്കാൻ തുടങ്ങിയത്.

രാജ്യാന്തര എണ്ണവില ഏറ്റവും താഴ്ന്ന ലോക്ക് ഡൗൺ സമയത്ത് ഇറക്കുമതിത്തീരുവയിൽ (എക്സൈസ് ഡ്യൂട്ടി) ചരിത്രത്തിലെ വലിയ വർധന വരുത്തുകയാണ് കേന്ദ്രസർക്കാർ ചെയ്തത്. പെട്രോൾ ലീറ്ററിന് 13 രൂപയും ഡീസൽ ലീറ്ററിന് 10 രൂപയുമാണ് വർധിപ്പിച്ചത്. ഇതിനെ തുടർന്നാണ് വിലവര്‍ധിപ്പിക്കേണ്ട സാഹചര്യമുണ്ടായതെന്ന് എണ്ണക്കമ്പനികള്‍ പറയുന്നു.

രാജ്യാന്തര വിപണിയില്‍ നിലവിൽ ക്രൂഡ് ഓയിലിന് 45 ഡോളറിൽ താഴെയാണ് വില. അന്താരാഷ്ട്ര വിപണിയിലെ ക്രൂഡ് ഓയിൽ വിലയും ഡോളര്‍ രൂപ വിനിമയവും കണക്കാക്കിയാണ് രാജ്യത്തെ ഇന്ധനവില നിര്‍ണയിക്കുന്നത്. നിലവിൽ ക്രൂഡ് ഓയിലിന്റെയും ഡോളറിന്റെയും വിനിമയ നിരക്ക് കുറഞ്ഞിരിക്കുന്ന സാഹചര്യത്തിൽ ഇത് ഇന്ധനവിലയിലും പ്രതിഫലിക്കേണ്ടതല്ലേ.