ലോക്ക് ഡൗണ്‍ കാലത്ത് മാറ്റമില്ലാതെ ഇന്ധനവില

കൊച്ചി: സംസ്ഥാനത്ത് തുടർച്ചയായി ഇന്നും ഇന്ധനവില മാറ്റമില്ലാതെ തന്നെ തുടരുന്നു. തിരുവനന്തപുരത്ത് പെട്രോള്‍ ലിറ്ററിന് 73.001 രൂപയും ഡീസൽ ലിറ്ററിന് 67.19 രൂപയുമാണ് ഇന്നത്തെ നിരക്ക്.

Also Read: ഇളവുകൾ പിൻവലിക്കും; കോട്ടയത്ത് കടുത്ത നിയന്ത്രണങ്ങൾ വരുന്നു, ആശങ്കയെന്ന് കളക്‌ടർ

കൊച്ചിയില്‍ പെട്രോൾ ലിറ്ററിന് 71.42 രൂപയ്ക്കും ഡീസല്‍ ലിറ്ററിന് 65.70 രൂപയ്ക്കുമാണ് വ്യാപാരം നടക്കുന്നത്. കോഴിക്കോട് പെട്രോള്‍ ലിറ്ററിന് 71.71 രൂപയാണ് ഇന്നത്തെ നിരക്ക്. ഡീസൽ ലിറ്ററിന് 66.01 രൂപയ്ക്കും വ്യാപാരം നടക്കുന്നു. അതേസമയം, രാജ്യതലസ്ഥാനമായ ഡൽഹിയിലും മുംബൈയിലും ഇന്ധനവിലയില്‍ മാറ്റമില്ല.

ഡൽഹിയില്‍ ലിറ്ററിന് 69.59 രൂപയാണ് ഇന്നത്തെ പെട്രോള്‍ വില. ഡീസല്‍ ലിറ്ററിന് 62.29 രൂപയ്ക്ക് വ്യാപാരം നടക്കുന്നു. മുംബൈയില്‍ പെട്രോള്‍ ലിറ്ററിന് 76.31 രൂപയും ഡീസല്‍ ലിറ്ററിന് 66.21 രൂപയുമാണ് ഇന്നത്തെ നിരക്ക്.

Also Read: സൗദിയില്‍ കുറ്റവാളികള്‍ക്കുള്ള ചാട്ടവാറടി നിര്‍ത്തലാക്കുന്നു; പകരം തടവും പിഴയും

അന്താരാഷ്ട്രവിപണിയില്‍ ക്രൂഡ് ഓയിൽ വില കുത്തനെ ഇടിഞ്ഞിട്ടും അത് രാജ്യത്തെ ഇന്ധനവിലയെ സാരമായി ബാധിച്ചിട്ടില്ല. വ്യാഴാഴ്ച യുഎസ് വിപണിയില്‍ ക്രൂഡ് ഓയില്‍ വിലയില്‍ റെക്കോഡ് ഇടിവായിരുന്നു സംഭവിച്ചത്.

ആഗോള വിപണിയിലെ ക്രൂഡ് ഓയില്‍ വിലയ്ക്ക് പുറമെ ഡോളര്‍ വിനിമയ നിരക്കും രാജ്യത്തെ ഇന്ധനവിലയെ സ്വാധീനിക്കുന്നുണ്ട്. ഒരു ബാരലിന് 21.81 രൂപയാണ് ഇന്നത്തെ ക്രൂഡ് ഓയില്‍ വില. അതേസമയം, കൊവിഡ് 19 ഭീതിയില്‍ ലോകത്ത് പെട്രോളിയം ഉപഭോഗത്തില്‍ വൻ ഇടിവാണ് ഉണ്ടായിട്ടുള്ളത്. ഈ സാഹചര്യത്തിലാണ് ക്രൂഡ് ഓയില്‍ വിലയില്‍ ഇടിവുണ്ടാകുന്നത്. അതേസമയം, കഴിഞ്ഞ ദിവസത്തെ റെക്കോഡ് ഇടിവില്‍ നിന്ന് വിപണി കരകയറിയിട്ടുണ്ട്.

ഇന്നത്തെ ഇന്ധനവില വിവിധ നഗരങ്ങളില്‍:

Also Read: ജീവനക്കാര്‍ക്ക് കൊവിഡ്; 24 മണിക്കൂറിനുള്ളിൽ ഡല്‍ഹിയിലെ രണ്ടാമത്തെ ആശുപത്രിയും അടച്ചുപൂട്ടി

ആഗോള വിപണിയിലെ ക്രൂഡ് ഓയിൽ വിലയും ഡോളര്‍ രൂപ വിനിമയവും കണക്കാക്കിയാണ് രാജ്യത്തെ ഇന്ധനവില നിര്‍ണയിക്കുന്നത്. ഇന്ന് ഒരു ബാരൽ അസംസ്കൃത എണ്ണയ്ക്ക് (ക്രൂഡ് ഓയിൽ) 20.83 ഡോളറാണ് വില. കൊറോണ ഭീതിയിൽ ഉപഭോഗം കുറഞ്ഞതാണ് ആഗോള വിപണിയിലെ എണ്ണവില കുറയുവാൻ കാരണമായത്. അതേസമയം ഇന്ന് ഡോളര്‍ 76.28 രൂപയിലാണ് വിനിമയം നടക്കുന്നത്.