പെട്രോൾ, ഡീസൽ വിലയിൽ മാറ്റമില്ല

കൊച്ചി: രാജ്യത്ത് പെട്രോൾ, ഡീസൽ വിലയിൽ മാറ്റമില്ല. കേരളത്തിൽ ഇന്ന് ഒരു ലിറ്റർ പെട്രോളിന് 82.10 രൂപയും ഡീസലിന് 77.58 രൂപയുമാണ് വില. ഈ മാസത്തെ ഏറ്റവും കൂടിയ നിരക്കിലാണ് സംസ്ഥാനത്ത് പെട്രോൾ വിൽപന നടക്കുന്നത്.

തിരുവനന്തപുരത്ത് ഒരു ലിറ്റർ പെട്രോളിന് 82.10 രൂപയും ഡീസലിന് 77.58 രൂപയുമാണ് വില. കൊച്ചിയിൽ 80.32 രൂപയാണ് ഒരുലിറ്റര്‍ പെട്രോളിന്റെ വില. ഡീസലിന് 75.86 രൂപയും. കോഴിക്കോട് പെട്രോൾ ലിറ്ററിന് 80.66 രൂപയും ഡീസലിന് 76.22 രൂപയമാണ് ഇന്നത്തെ വില.

രാജ്യതലസ്ഥാനത്ത് കഴിഞ്ഞ മൂന്ന് ദിവസങ്ങളിലായി ഡീസൽ വില പെട്രോളിനേക്കാൾ കൂടുതലാണ്. ഡൽഹിയിൽ ഇന്ന് 80.38 രൂപയാണ് ഒരു ലിറ്റർ പെട്രോളിന്റെ വില. ഡീസലിന് ലിറ്ററിന് 80.40 രൂപയും. മെട്രോ നഗരമായ മുംബൈയിൽ പെട്രോള്‍ ലിറ്ററിന് 87.14 രൂപയും ഡീസൽ ലിറ്ററിന് 78.71 രൂപയുമാണ് വില.

Also Read: ഇന്ധന വില; സംസ്ഥാനത്ത് പെട്രോളിന് 82 രൂപ കടന്നു, ഡീസൽ വില കുറഞ്ഞു

ശനിയാഴ്ച പെട്രോള്‍ ലിറ്ററിന് 25 പൈസയും ഡീസലിന് 20 പൈസയുമായിരുന്നു കൂടിയത്. തുടർച്ചയായ 21-ാം ദിവസവും രാജ്യത്ത് ഇന്ധന വില വർധിച്ചിരിന്നു. തുടർച്ചയായ 82 ദിവസം ഇന്ധന വില മാറ്റമില്ലാതെ തുടർന്നതിന് ശേഷം ജൂൺ ഏഴ് മുതലാണ് വില ഉയരാൻ തുടങ്ങിയത്.


അന്താരാഷ്ട്ര വിപണിയിൽ എണ്ണ വില കുറഞ്ഞിട്ടും രാജ്യത്ത് ഇന്ധന വില വർധിച്ചിരുന്നു. ജൂണ്‍ 6ന് അന്താരാഷ്ട്ര വിപണിയില്‍ എണ്ണവില വീപ്പയ്‌ക്ക്‌ 42 ഡോളറായിരുന്നു. എന്നാൽ ജൂണ്‍ 12ന് ഇത് 38 ഡോളറായി കുറഞ്ഞു. എന്നിട്ടും പെട്രോള്‍, ഡീസല്‍ വിലയില്‍ കുറവുണ്ടായില്ല. പൊതുമേഖലാ എണ്ണകമ്പനികൾ വില വർധിപ്പിച്ചതാണ് ഇന്ധനവില കൂടാനുള്ള പ്രധാനകാരണം.

ആഗോള വിപണിയിലെ ക്രൂഡ് ഓയിൽ വിലയും ഡോളര്‍ രൂപ വിനിമയവും കണക്കാക്കിയാണ് രാജ്യത്തെ ഇന്ധനവില നിര്‍ണയിക്കുന്നത്. ക്രൂഡ് ഓയിൽ വിലയും ഡോളർ വിനിമയ നിരക്കും മാറ്റമില്ലാതെ തുടരുകയാണ്. ഇന്ന് ഒരു ബാരൽ അസംസ്കൃത എണ്ണയ്ക്ക് (ക്രൂഡ് ഓയിൽ) 40.67 ഡോളറാണ് വില. 75.63 രൂപയിലാണ് ഡോളര്‍ വിനിമയം നടക്കുന്നത്.