Petrol Diesel Rate Today:റഷ്യൻ ഇന്ധനം പ്രൈസ് ക്യാപ്പിനു മുകളിൽ വാങ്ങിക്കൂട്ടി ഇന്ത്യയും, ചൈനയും

Petrol Diesel Rate News : കൊച്ചി: അസംസ്കൃത എണ്ണവില ഇടിഞ്ഞു. ബാരലിന് 84.71 ഡോളറാണ് ഇപ്പോഴത്തെ വിലനിലവാരം.യുഎസിലെ ബാങ്കിങ് രംഗത്തെ തകർച്ച കാരണം 80 ഡോളറിന് താഴേക്ക് കഴിഞ്ഞ മാസം ക്രൂ‍ഡ് ഓയിൽ വില ഇടിഞ്ഞിരുന്നു. ‌

ഇന്ത്യ, ചൈന എന്നീ രാജ്യങ്ങൾ പ്രൈസ് ക്യാപ്പിനു മുകളിൽ റഷ്യൻ ഇന്ധനം വാങ്ങുന്നതായി റിപ്പോർട്ടുകൾ. ജി 7 രാജ്യങ്ങൾ നിശ്ചയിച്ച പ്രൈസ് ക്യാപ്പായ, ബാരലിന് 60 ഡോളർ എന്ന നിരക്കിനു മുകളിലാണ് ഇന്ധനം വാങ്ങുന്നതെന്നാണ് റിപ്പോർട്ടുകൾ.


റഷ്യയുടെ ഫ്ലാഗ്ഷിപ്പ് ക്രൂഡ് ഓയിലായ 'Urals' നിലവിൽ 60 ഡോളറിനു മുകളിലാണ് വ്യാപാരം നടത്തുന്നത്. ഈ മാസം ഇതു വരെ ഈ ക്രൂഡ് ഓയിൽ ഏറ്റവും കൂടുതൽ കയറ്റുമതി നടത്തിയിരിക്കുന്നത് ഇന്ത്യയിലേക്കും, ചൈനയിലേക്കുമാണെന്ന് റിപ്പോർട്ടുകൾ പറയുന്നു. ഇന്ത്യയിലേക്ക് 70% 'Urals' കയറ്റുമതിയാണ് ഏപ്രിലിൽ, ഇതുവരെ നടത്തിയിട്ടുള്ളത്. ചൈനയിലേക്ക് 20% കയറ്റുമതി നടന്നു.

Also Read : ക്രെഡിറ്റ് കാർഡ് തിരിച്ചടവുകൾ ഇഎംഐ ആക്കി മാറ്റാം; 36% വരെ പലിശ നൽകുന്നതിൽ നിന്ന് രക്ഷ നേടാം
പ്രൈസ് ക്യാപ് ഏർപ്പെടുത്തിയതോടെ റഷ്യൻ ഇന്ധനത്തിന്റെ വില ഉയർന്നിരുന്നു. ഇന്ധനവില്പനയിലൂടെ റഷ്യയ്ക്ക് ലഭിക്കുന്ന വരുമാനത്തിന് ഇതിലൂടെ തിരിച്ചടി നേരിടുമെന്ന് വിലയിരുത്തലുകളുണ്ടായിരുന്നു. എന്നാൽ പ്രൈസ് ക്യാപ് ഏർപ്പെടുത്തിയതിനു ശേഷവും ഇന്ത്യയും ചൈനയും വൻ തോതിൽ റഷ്യൻ ഇന്ധനം ഇറക്കുമതി ചെയ്യുന്നത് തുടരുകയാണ്.

ഇന്ധനവില
മുംബൈയിൽ ഒരു ലിറ്റർ പെട്രോളിന് 106.31 രൂപയും, ഡീസൽ ലിറ്ററിന് 94.27 രൂപയുമാണ് ഇപ്പോഴത്തെ വില. ന്യൂഡൽഹിയിൽ ഒരു ലിറ്റർ പെട്രോളിന് 96.72 രൂപയും, ഡീസൽ 89.62 രൂപയുമാണ്.

കൊച്ചിയിൽ ഒരു ലിറ്റർ പെട്രോളിന് 107.77 രൂപയും, ഡീസൽ, ലിറ്ററിന് 96.69 രൂപയുമാണ്. തിരുവനന്തപുരത്ത് പെട്രോളിന് 109.73 രൂപയും, ഡീസലിന് 97.20 രൂപയുമാണ് വില നിലവാരം. കോഴിക്കോട് ഒരു ലിറ്റർ പെട്രോളിന് 108.28 രൂപയും, ഡീസലിന് 97.20 രൂപയുമാണ് വില.

Also Read : ഇന്ധനച്ചിലവുകൾ കുറയ്ക്കാം; ഈ 4 മാർ​ഗങ്ങൾ ക്രെഡിറ്റ് കാർഡുകളിൽ പ്രയോജനപ്പെടുത്താം
സംസ്ഥാന സർക്കാർ കഴിഞ്ഞ ബജറ്റിൽ പ്രഖ്യാപിച്ച സെസ്, ഇന്ധനത്തിന് ബാധകമായതോടെ,2023 ഏപ്രിൽ 1 മുതൽ കേരളത്തിൽ പെട്രോൾ-ഡീസൽ വില വർധിച്ചിരുന്നു. രാജ്യാന്തര വിപണിയിലെ ക്രൂഡ് ഓയിൽ വില, രൂപയുടെ വിനിമയ നിരക്ക് തുടങ്ങിയവയ്ക്കനുസരിച്ചാണ്, എണ്ണക്കമ്പനികൾ രാജ്യത്തെ ഇന്ധന വില നിശ്ചയിക്കുന്നത്.

കേന്ദ്ര സര്‍ക്കാര്‍, പെട്രോൾ, ഡീസൽ തീരുവ കുറച്ചതിന് ശേഷം കഴിഞ്ഞ ഏതാനും മാസങ്ങളായി രാജ്യത്തെ ഇന്ധന വിലയിൽ മാറ്റമുണ്ടായിട്ടില്ല. ക്രൂഡ് ഓയിൽ വില ഇടിയുന്ന സാഹചര്യങ്ങളിലും ഇന്ത്യയിലെ എണ്ണക്കമ്പനികൾ, മാസങ്ങളായി ഇന്ധന വിലയിൽ മാറ്റം വരുത്താൻ തയ്യാറായിട്ടില്ല. നേരത്തെയുണ്ടായിരുന്ന നഷ്ടം നികത്തുക എന്ന ലക്ഷ്യത്തോടെയാണിത്.

രൂപ
ഡോളറിനെതിരെ 82.11 എന്ന നിലവാരത്തിൽ ഇടിവിലാണ് രൂപയുടെ ഇപ്പോഴത്തെ വിനിമയനിരക്ക്.

ഇന്ധനവില ഒറ്റ നോട്ടത്തിൽ


Read Latest Business News and Malayalam News