സംസ്ഥാനത്തെ ഇന്ധനവില സര്‍വകാല റെക്കോര്‍ഡില്‍

തിരുവന്തപുരം: സംസ്ഥാനത്തെ ഇന്ധനവില സര്‍വകാല റെക്കോര്‍ഡില്‍ എത്തിയിരിക്കുന്നു. പെട്രോളിന് 25 പൈസയും ഡീസലിന് 34 പൈസയുമാണ് ഇന്നത്തെ വര്‍ധനവ്. അതേസമയം
ഡീസല്‍ വില 80 കടന്നിരിക്കുകയാണ്. ഇന്ധനവില ദിനംപ്രതി വര്‍ധിക്കുന്നതോടെ ജനങ്ങള്‍ ആശങ്കയിലായിരിക്കുകയാണ്. കേന്ദ്ര- സംസ്ഥാന സര്‍ക്കാരുകള്‍ വില വര്‍ധന നിയന്ത്രിക്കാന്‍ ഇതുവരെ നടപടികളൊന്നും ആരംഭിച്ചിട്ടില്ല.

തിരുവനന്തപുരത്ത് ഇന്ന് പെട്രോള്‍ ലിറ്ററിന് 87.13 രൂപയും ഡീസല്‍ ലിറ്ററിന് 80.37 രൂപയുമാണ് വില. കൊച്ചിയില്‍ പെട്രോളിന് 85.61 രൂപയും ഡീസലിന് 78.84 രൂപയും കോഴിക്കോട് പെട്രോളിന് 85.98 രൂപയും ഡീസലിന് 79.21 രൂപയുമാണ് വില. സാംസ്കാരിക നഗരത്തിൽ പെട്രോളിന് 86.2 രൂപയും ഡീസലിന് 79.39 രൂപയുമാണ് വില.

രാജ്യാന്തര വിപണിയിൽ എണ്ണവില വ്യതിയാനമുണ്ടാകുന്നതിന്‍റെ പ്രതിഫലനമായാണ് ഇന്ത്യയിലും പെട്രോൾ-ഡീസൽ വിലയിൽ മാറ്റമുണ്ടാകുന്നത്. അതേസമയം മുംബൈയിലെ പെട്രോള്‍ വില 91 രൂപ കടന്നു. രാജ്യ തലസ്ഥാനത്ത് പെട്രോളിന് 83.73 രൂപയും ഡീസലിന് 75.09 രൂപയുമാണ് വില.