​അസംസ്കൃത എണ്ണവിലയിൽ വർധന

റഷ്യയിൽ നിന്നുള്ള ഇന്ധനത്തിൽ കുറവ് വരുത്താനുള്ള ശ്രമങ്ങൾ ഫ്രാൻസ് തുടരുന്നു. ഇതിന്റെ ഭാഗമായി രാജ്യത്തെ പബ്ലിക് ലൈറ്റുകൾ ഓഫ് ചെയ്യാൻ ഫ്രഞ്ച് പ്രസിഡന്റ് ഇമ്മാനുവേൽ മാക്രോൺ ആഹ്വാനം ചെയ്തു. യൂറോപ്യൻ രാജ്യങ്ങൾക്കു പുറമെ ഇറ്റലിയും റഷ്യയിൽ നിന്നുള്ള ഇന്ധനങ്ങളുടെ ഇറക്കുമതി നിയന്ത്രിക്കാൻ ശ്രമം തുടങ്ങി.

റിപ്പോർട്ടുകൾ അനുസരിച്ച് റഷ്യയിൽ ഇന്ധനങ്ങൾ വിൽക്കാനാവാതെ കെട്ടിക്കിടക്കുകയാണ്. 70 ബില്യൺ ഡോളറിൽ കൂടുതലാണ് ഇപ്പോഴത്തെ സര്‍പ്ലസ്. ഇതിനിടെ തങ്ങളുടെ രാജ്യത്തേക്കുള്ള ദ്രവീകൃത പ്രകൃതി വാതകത്തിന്റെ ഇറക്കുമതി കുറയ്ക്കാൻ സ്പെയിന്‍ തീരുമാനിച്ചു.

യൂറോപ്യൻ രാജ്യങ്ങൾ റഷ്യൻ ഊർജ്ജത്തിന് പകരം കണ്ടെത്താനുള്ള ശ്രമങ്ങൾ നടത്തുന്നത് വിനാശകരമായ പരിണിത ഫലങ്ങൾ ഉണ്ടാക്കുമെന്ന് കരുതുന്നതായി റഷ്യൻ പ്രസിഡന്റ് വ്ലാഡിമിർ പുടിൻ. ഇത് സ്പോട് മാർക്കറ്റിൽ ഗ്യാസിന്റെ വില ഉയർത്തുകയും, അതിന്റെ ഫലമായി ഊർജ്ജ ഇന്ധനങ്ങളുടെ വില ഉയരുകയും ചെയ്യും. ഉപഭോക്താവ് അവസാനം കൂടുതൽ തുക നൽകേണ്ട സ്ഥിതിയുണ്ടാക്കുകയും ചെയ്യുമെന്നും അദ്ദേഹം പറഞ്ഞു.

ക്രൂഡ് ഓയിൽ വില
രാജ്യാന്തര വിപണിയിൽ ക്രൂഡ് ഓയില്‍ വിലയില്‍ വർധന. ബാരലിന് 99.76 ഡോളറിലാണ് വ്യാപാരം നടക്കുന്നത്. ഡോളറിനെതിരെ രൂപയുടെ മൂല്യത്തിൽ കനത്ത ഇടിവ് തുടരുന്നു. മൂല്യം ഏതാനും നാളുകളായി സ്ഥിരമായി 77 ന് മുകളിൽ തുടരുന്നത് സമ്മർദം വർധിപ്പിക്കുന്നുണ്ട്. നിലവിൽ രൂപയുടെ മൂല്യം ഡോളറിനെതിരേ 79.86 ൽ നിൽക്കുന്നു.

കുതിച്ചുയരുന്ന പണപ്പെരുപ്പം നേരിടുന്നതിനായി മെയ് 21നാണ് കേന്ദ്ര ധനമന്ത്രി നിർമലാ സീതാരാമൻ ഇളവുകൾ പ്രഖ്യാപിച്ചത്. എക്സൈസ് തീരുവയിലെ ഇടപെടലോടെ പെട്രോൾ ലിറ്ററിന് എട്ട് രൂപയും, ഡീസൽ ലിറ്ററിന് ആറ് രൂപയും കുറച്ചത്. ഇതോടെ പെട്രോൾ ലിറ്ററിന് 9.50 രൂപയും, ഡീസൽ ലിറ്ററിന് ഏഴു രൂപയും വില കുറയുമെന്നായിരുന്നു വിലയിരുത്തൽ. എന്നാൽ കേന്ദ്രത്തിനു പിന്നാലെ സംസ്ഥാന സർക്കാരും നികുതി കുറച്ചു. പെട്രോൾ നികുതി 2.41 രൂപയും, ഡീസലിന് 1.36 രൂപയുമാണ് കുറച്ചത്. ഇതോടെ ഫലത്തിൽ സംസ്ഥാനത്ത് പെട്രോൾ ലിറ്ററിന് 10.52 രൂപയും, ഡീസൽ ലിറ്ററിന് 7.40 രൂപയും കുറഞ്ഞു.

പ്രധാന നഗരങ്ങളിലെ ഇന്ധന വില
രാജ്യത്ത് പൊട്രോൾ വിലയിൽ മാറ്റമില്ല. ന്യൂഡൽഹിയിൽ ഒരു ലിറ്റർ പെട്രോളിന് 96.72 രൂപയാണ് പുതുക്കിയ വില. ഡീസൽ ലിറ്ററിന് 89.62 രൂപയിൽ വിൽപ്പന നടത്തുന്നു. മുംബൈയിൽ ഒരു ലിറ്റർ പെട്രോളിന് 111.35 രൂപയും ഡീസൽ ലിറ്ററിന് 97.28 രൂപയുമാണ്. തിരുവനന്തപുരത്ത് ഒരു ലിറ്റർ പെട്രോളിന് 107.71 രൂപയും ഡീസൽ ലിറ്ററിന് 96.52 രൂപയുമാണ് വില. കൊച്ചിയിൽ പെട്രോൾ ലിറ്ററിന് 105.70 രൂപയാണ് വില. ഡീസൽ ലിറ്ററിന് 92.64 രൂപയാണ് വില. കോഴിക്കോട് ഒരു ലിറ്റർ പെട്രോളിന് ഇന്ന് 105.89 രൂപയും ഡീസലിന് 96.52 രൂപയുമാണ് വില.