Petrol Price in Kerala: വോട്ടുചൂട് മാറി; രണ്ട് മാസത്തിന് ശേഷം ഇന്ധന വിലയും കൂടി

തിരുവനന്തപുരം: അഞ്ച് സംസ്ഥാനങ്ങളിലെ തെരഞ്ഞെടുപ്പ് ഫലങ്ങൾ പുറത്തു വന്നതിന് പിന്നാലെ ഇന്ധന വിലയിൽ വര്‍ധനവുണ്ടായി.കുതിക്കാൻ പോകുന്നതിന് തൊട്ടുമുൻപുള്ള തുടക്കമാണ് ഈ ണവസ്ഥ എന്നാണ് വിലയിരുത്തൽ. അഞ്ച് സംസ്ഥാനങ്ങളിലെ തെരഞ്ഞെടുപ്പിനെ തുടര്‍ന്നാണ് ദിനം പ്രതി ഒന്നും രണ്ടും രൂപ വീതം കുതിച്ചിരുന്ന ഇന്ധന വില പൊടുന്നനെ കുറയാൻ തുടങ്ങിയത്. ഒന്നര മാസത്തിനകം ഇന്ധന വിലയിൽ കുറഞ്ഞത് പത്ത് രൂപയോളമാണ്.

രാജ്യത്തെ മുഖ്യ നഗരങ്ങളിലെല്ലാം ഇന്ധനവിലയിൽ മാറ്റമുണ്ടായിട്ടുണ്ട്. നിലവിൽ തിരുവനന്തപുരത്ത് പെട്രോൾ ലിറ്ററിന് 10 പൈസ വര്‍ധിച്ച് 73 രൂപ 50 പൈസ ആയപ്പോൾ ഡീസലിന് വില മാറ്റമില്ലാതെ തുടരുകയാണ്. ഡീസൽ വില ലിറ്ററിന് 69 രൂപ 49 പൈസ എന്ന നിരക്കിലാണ് വ്യാപാരം പുരോഗമിക്കുന്നത്.

അതേസമയം കൊച്ചിയിൽ പെട്രോളിന് 72 രൂപ 21 പൈസയും ഡീസലിന് വിലയിൽ മാറ്റമില്ല. ഡീസൽ വില 68 രൂപ 17 പൈസയുമാണ് ഇന്നത്തെ നിരക്ക്. പെട്രോളിന് 72 രൂപ 53 പൈസയിലും ഡീസലിന് 68 രൂപ 49 പൈസയിലുമാണ് ഇന്ന് കോഴിക്കോട് വ്യാപാരം പുരോഗമിക്കുന്നത്. അതേസമയം തൃശൂര് പെട്രോൾ 72 രൂപ 71 പൈസയും ഡീസലിന് 68 രൂപ 65 പൈസയുമാണ്.

രാജ്യ തലസ്ഥാന നഗരിയായ ഡൽഹിയിൽ പെട്രോൾ വിലയിൽ പറയത്തക്ക മാറ്റമില്ലാതെ തുടരുകയാണ്. 70.21 ആയപ്പോൾ മുംബൈയിൽ വില കൂടിയിട്ടുണ്ട്. പെട്രോളിന് 75.90 രൂപയാണ്. ഡീസലിന് യഥാക്രമം 64.66 രൂപയും 67.65 രൂപയിലുമാണ് രണ്ടിടത്തും വ്യാപാരം പുരോഗമിക്കുന്നത്.