Petrol Price in Kerala: പെട്രോള്‍ വില കൂടി; ഡീസൽ വിലയിൽ കുറവ്

തിരുവനന്തപുരം: സംസ്ഥാനത്ത് പെട്രോള്‍ ഡീസൽ വിലയിൽ മാറ്റം. പെട്രോള്‍ ലിറ്ററിന് ആറ് പൈസ കൂടിയപ്പോള്‍ ഡീസലിന് 7 പൈസ കുറഞ്ഞു. ആഗോള വിപണിയിലെ നേരിയ വ്യതിയാനങ്ങളാണ് ആഭ്യന്തര വിപണിയിലും പ്രതിഫലിക്കുന്നത്. ഇന്നലെയും പെട്രോള്‍ ഡീസൽ വിലയിൽ സമാനമായ മാറ്റങ്ങള്‍ ഉണ്ടായിരുന്നു. തിരുവനന്തപുരത്ത് പെട്രോള്‍ ലിറ്ററിന് 75.96 രൂപയും ഡീസൽ ലിറ്ററിന് 72.2 രൂപയുമാണ് വില. കോഴിക്കോട് പെട്രോളിന് 74.96 രൂപയും ഡീസലിന് 71.16 രൂപയുമാണ് ലിറ്ററിന്‍റെ നിരക്ക്. പെട്രോളിന് 8 പൈസ കൂടിയപ്പോൾ ഡീസലിന് 7 പൈസ കുറഞ്ഞു. കൊച്ചിയിൽ പെട്രോളിന് 74.63 രൂപയും ഡീസലിന് 70.83 രൂപയുമാണ് വില.

തലസ്ഥാന നഗരിയായ ഡൽഹിയിൽ പെട്രോൾ ലിറ്ററിന് 72.63 രൂപയും ഡീസൽ ലിറ്ററിന് 67.15 രൂപയുമാണ് വില. രാജ്യ വ്യാപാര തലസ്ഥാനമായ മുംബൈയിൽ പെട്രോളിന് 78.25 രൂപയും ഡീസലിന് 70.33 രൂപയുമാണ് വില.