ഇന്ധനവില മേലോട്ട് തന്നെ: പെട്രോൾ 86 കടന്നു; ഡീസൽ 81ലേക്ക്

തിരുവനന്തപുരം: സംസ്ഥാനത്ത് ഇന്ധനവില കുതിക്കുന്നു. ഇന്ന് പെട്രോൾ വിലയിൽ 17 പൈസയും ഡീസലിന് 29 പൈസയുമാണ് ഇന്ന് വര്‍ധിച്ചത്. തിരുവനന്തപുരത്ത് ഡീസലിന് 80 രൂപ 46 പൈസയാണ് ഇന്നത്തെ വിലനിലവാരം. തിരുവനന്തപുരത്ത് ഒരു ലിറ്റർ പെട്രോളിന് 86.03 രൂപയാണ്.

കൊച്ചി നഗരത്തിൽ പെട്രോൾ വില 84.52 രൂപയും ഡീസൽ വില 78.94 രൂപയുമാണ്. അതേസമയം കോഴിക്കോട് നഗരത്തിൽ പെട്രോളിന് 84.89 രൂപയും ഡീസലിന് 79.30 രൂപയുമാണ്.

കേന്ദ്ര സർക്കാർ വില കുറച്ച ശേഷം ഒരാഴ്ച കൊണ്ട് പെട്രോളിന് 1 രൂപ 20 പൈസയും ഡീസലിന് 1 രൂപ 54 പൈസയുമാണ് കൂടിയത്.