Petrol Rate: സംസ്ഥാനത്ത് ഇന്ധനവിലയിൽ വർധന

തിരുവനന്തപുരം: സംസ്ഥാനത്ത് ഇന്ധനവില കൂടി. ഇന്ന് പെട്രോളിന് ഏഴ് പൈസയും ഡീസലിന് ആറ് പൈസയുമാണ് കൂടിയിരിക്കുന്നത്. പെട്രോൾ ലിറ്ററിന് 75.421 രൂപയും ഡീസൽ ലിറ്ററിന് 70.447 രൂപയുമാണ് വില. അതേസമയം ആഗോള വിപണിയിൽ ക്രൂഡ് ഓയിൽ വില കുറഞ്ഞു.

ഇന്നലെയും പെട്രോൾ, ഡീസൽ വിലയിൽ വര്‍ധന രേഖപ്പെടുത്തിയിരുന്നു. രണ്ടാം മോദി സര്‍ക്കാരിൻ്റെ ആദ്യ ബജറ്റിൽ എക്സൈസ് നികുതിയും സെസും വര്‍ധിപ്പിച്ചതിനെ തുടര്‍ന്നാണ് ഇന്ധനവില കുത്തനെ ഉയര്‍ന്നത്. ഇന്ധന നിരക്കിൽ ഒരു രൂപ വീതം എക്സൈസ് നികുതിയും റോഡ് അടിസ്ഥാന സൗകര്യ സെസുമാണ് കേന്ദ്ര സർക്കാർ ചുമത്തിയിരിക്കുന്നത്.

തിരുവനന്തപുരത്ത് പെട്രോള്‍ ലിറ്ററിന് 75.421രൂപയിലും ഡീസൽ ലിറ്ററിന് 70.447 രൂപയിലുമാണ് വ്യാപാരം നടക്കുന്നത്. കൊച്ചിയിൽ പെട്രോള്‍ ലിറ്ററിന് 74.1 രൂപയിലും ഡീസൽ . 69.11 രൂപയിലുമാണ് വ്യാപാരം. കോഴിക്കോട് പെട്രോൾ ലിറ്ററിന് 74.43 രൂപയും ഡീസൽ ലിറ്ററിന് 69.43 രൂപയുമാണ് ഇന്നത്തെ നിരക്ക്.

രാജ്യതലസ്ഥാനമായ ഡൽഹിയിൽ പെട്രോളിന് 72.03 രൂപയും ഡീസലിന് 65.43 രൂപയുമാണ് നിരക്ക്. രാജ്യവ്യാപാര തലസ്ഥാനമായ മുംബൈയിൽ പെട്രോളിന് 77.71 രൂപയും ഡീസലിന് 68.61 രൂപയുമാണ് വിലനിലവാരം.


വിവിധ നഗരങ്ങളിലെ ഇന്ധനവില അറിയാം:



ആഗോള വിപണിയിലെ ക്രൂഡ് ഓയിൽ വിലയും ഡോളര്‍ രൂപ വിനിമയവും കണക്കാക്കിയാണ് രാജ്യത്തെ ഇന്ധനവില നിര്‍ണയിക്കുന്നത്. ഇന്ന് ഒരു ബാരൽ ക്രൂഡ് ഓയിലിന് 54.82 ഡോളറിലാണ് വ്യാപാരം. അതേസമയം ഇന്ന് ഡോളര്‍ 71.03 രൂപയിലാണ് വിനിമയം നടക്കുന്നത്.