തിരുവനന്തപുരം: സംസ്ഥാനത്ത് ഡീസൽ വിലയിൽ വീണ്ടും വര്ധനവ്. ഡീസൽ ലിറ്ററിന് 16 പൈസ കൂടി 71.41 രൂപയിലാണ് വ്യാപാരം ആരംഭിച്ചിരിക്കുന്നത്. അതേസമയം പെട്രോൾ വിലയിൽ മാറ്റമില്ലാതെ ലിറ്ററിന് 78.07 രൂപയിൽ വ്യാപാരം തുടരുകയാണ്. ആഗോള വിപണിയിലെ വ്യതിയാനങ്ങളാണ് ആഭ്യന്തര വിപണിയിലും പ്രതിഫലിച്ചത്.
ഒരാഴ്ചയായി ഡീസൽ വില മാറ്റമില്ലാതെ തുടരുകയായിരുന്നു. ഇന്നലെ മുതലാണ് ഡീസൽ വിലയിൽ വർധനവ് രേഖപ്പെടുത്തി തുടങ്ങിയത്. നവംബറിൽ പെട്രോൾ വിലയിൽ വൻ വ്യതിയാനങ്ങള് ദൃശ്യമായിരുന്നു. എന്നാൽ ഡീസൽ വിലയിൽ കാര്യമായ മാറ്റങ്ങള് രേഖപ്പെടുത്തിയിട്ടില്ല.
Also Read: ഇനി തടസമില്ലാതെ വൈദ്യുതി: ആഗോള കമ്പനിയുമായി പങ്കാളിത്തത്തിൽ ഏർപ്പെട്ട് കെഎസ്ഇബി
നേരത്തെ കേന്ദ്ര സര്ക്കാരിൻ്റെ ആദ്യ ബജറ്റിൽ എക്സൈസ് നികുതിയും സെസും വര്ധിപ്പിച്ചതിനെ തുടര്ന്നാണ് ഇന്ധനവില കുത്തനെ ഉയര്ന്നത്. ഇന്ധന നിരക്കിൽ ഒരു രൂപ വീതം എക്സൈസ് നികുതിയും റോഡ് അടിസ്ഥാന സൗകര്യ സെസുമാണ് കേന്ദ്ര സർക്കാർ ചുമത്തിയത്.
തിരുവനന്തപുരത്ത് പെട്രോള് ലിറ്ററിന് 78.06 രൂപയിലും ഡീസൽ ലിറ്ററിന് 71.41 രൂപയിലുമാണ് ഇന്ന് വ്യാപാരം നടക്കുന്നത്. കൊച്ചിയിൽ പെട്രോള് ലിറ്ററിന് 76.71 രൂപയും ഡീസൽ 70.05 രൂപയുമാണ്. കോഴിക്കോട് പെട്രോൾ ലിറ്ററിന് 77.04 രൂപയും ഡീസൽ ലിറ്ററിന് 70.38 രൂപയുമാണ് ഇന്നത്തെ നിരക്ക്.
രാജ്യതലസ്ഥാനമായ ഡൽഹിയിൽ പെട്രോളിന് 74.63 രൂപയും ഡീസലിന് 66.34 രൂപയുമാണ്. രാജ്യവ്യാപാര തലസ്ഥാനമായ മുംബൈയിൽ പെട്രോളിന് 80.29 രൂപയും ഡീസലിന് 69.58 രൂപയുമാണ് വില നിലവാരം.
Also Read: രാജ്യാന്തര ഡിജിറ്റൽ ഉച്ചകോടി ഏപ്രിലിൽ
വിവിധ നഗരങ്ങളിലെ ഇന്ധനവില അറിയാം:
നഗരം | പെട്രോൾ (രൂപ) | ഡീസൽ (രൂപ) |
തിരുവനന്തപുരം | 78.06 | 71.41 |
കൊച്ചി | 76.71 | 70.05 |
കോഴിക്കോട് | 77.04 | 70.38 |
ഡൽഹി | 74.63 | 66.34 |
മുംബൈ | 80.29 | 69.58 |
ആഗോള വിപണിയിലെ ക്രൂഡ് ഓയിൽ വിലയും ഡോളര് രൂപ വിനിമയവും കണക്കാക്കിയാണ് രാജ്യത്തെ ഇന്ധനവില നിര്ണയിക്കുന്നത്. ഇന്ന് ഒരു ബാരൽ ക്രൂഡ് ഓയിലിന് 66.58 ഡോളറാണ് വില. അതേസമയം ഇന്ന് ഡോളര് 71.16 രൂപയിലാണ് വിനിമയം നടക്കുന്നത്.
Also Read: പൂര നഗരിയിലെ നൈറ്റ് ഷോപ്പിങ് കാഴ്ച്ചകൾ