തിരുവനന്തപുരം: സംസ്ഥാനത്ത് പെട്രോൾ, ഡീസൽ വില മാറ്റമില്ലാതെ തുടരുന്നു. പെട്രോൾ ലിറ്ററിന് 78.212 രൂപയിലും ഡീസൽ ലിറ്ററിന് 70.757 രൂപയിലാണ് വ്യാപാരം തുടരുന്നത്. ആഗോള വിപണിയിലെ വ്യതിയാനങ്ങളാണ് ആഭ്യന്തര വിപണിയിലും പ്രതിഫലിച്ചത്.
ഈ ആഴ്ച പെട്രോൾ വിലയിൽ വര്ധനവ് രേഖപ്പെടുത്തിയിരുന്നു. ഒക്ടോബറിൽ ഇന്ധനവിലയിൽ വൻ വ്യതിയാനങ്ങള് ദൃശ്യമായിരുന്നു. ഒക്ടോബറിലെ ആദ്യ ദിവസം മാത്രമാണ് ഇന്ധനവില വര്ധിച്ചത്. എന്നാൽ സെപ്റ്റംബറിൽ ഇന്ധനവിലയിൽ വൻ വര്ധനവാണ് രേഖപ്പെടുത്തിയത്. ആഗോള വിപണിയിലെ എണ്ണ വിലയിൽ ഉണ്ടായ വ്യതിയാനമാണ് ഇതിന് കാരണം.
Also Read: രാത്രി ഷോപ്പിങ് ആഘോഷിക്കണോ? തൃശ്യൂരിലേക്ക് വണ്ടി കയറാം
നേരത്തെ കേന്ദ്ര സര്ക്കാരിൻ്റെ ആദ്യ ബജറ്റിൽ എക്സൈസ് നികുതിയും സെസും വര്ധിപ്പിച്ചതിനെ തുടര്ന്നാണ് ഇന്ധനവില കുത്തനെ ഉയര്ന്നത്. ഇന്ധന നിരക്കിൽ ഒരു രൂപ വീതം എക്സൈസ് നികുതിയും റോഡ് അടിസ്ഥാന സൗകര്യ സെസുമാണ് കേന്ദ്ര സർക്കാർ ചുമത്തിയത്.
തിരുവനന്തപുരത്ത് പെട്രോള് ലിറ്ററിന് 78.21 രൂപയിലും ഡീസൽ ലിറ്ററിന് 70.76 രൂപയിലുമാണ് ഇന്ന് വ്യാപാരം നടക്കുന്നത്. കൊച്ചിയിൽ പെട്രോള് ലിറ്ററിന് 76.84 രൂപയും ഡീസൽ 69.41 രൂപയുമാണ്. കോഴിക്കോട് പെട്രോൾ ലിറ്ററിന് 77.18 രൂപയും ഡീസൽ ലിറ്ററിന് 69.74 രൂപയുമാണ് ഇന്നത്തെ നിരക്ക്.
Also Read: എംആധാര് ആപ്പ്;ആധാര് സേവനങ്ങൾ ഇനി വിരൽത്തുമ്പിൽ
രാജ്യതലസ്ഥാനമായ ഡൽഹിയിൽ പെട്രോളിന് 74.76 രൂപയും ഡീസലിന് 65.73 രൂപയുമാണ്. രാജ്യവ്യാപാര തലസ്ഥാനമായ മുംബൈയിൽ പെട്രോളിന് 80.42 രൂപയും ഡീസലിന് 68.93 രൂപയുമാണ് വില നിലവാരം.
വിവിധ നഗരങ്ങളിലെ ഇന്ധനവില അറിയാം:
നഗരം | പെട്രോൾ (രൂപ) | ഡീസൽ (രൂപ) |
തിരുവനന്തപുരം | 78.21 | 70.76 |
കൊച്ചി | 76.84 | 69.41 |
കോഴിക്കോട് | 77.18 | 69.74 |
ഡൽഹി | 74.76 | 65.73 |
മുംബൈ | 80.42 | 68.93 |
Also Read: നിർബന്ധിത പിരിച്ചുവിടൽ; ബിഎസ്എൻഎലിലും എംടിഎൻഎലിലും വിരമിക്കാൻ ഒരുങ്ങുന്നത് 94,000 പേർ
ആഗോള വിപണിയിലെ ക്രൂഡ് ഓയിൽ വിലയും ഡോളര് രൂപ വിനിമയവും കണക്കാക്കിയാണ് രാജ്യത്തെ ഇന്ധനവില നിര്ണയിക്കുന്നത്. ഇന്ന് ഒരു ബാരൽ ക്രൂഡ് ഓയിലിന് 64.04 ഡോളറാണ് വില. അതേസമയം ഇന്ന് ഡോളര് 71.45 രൂപയിലാണ് വിനിമയം നടക്കുന്നത്.