പെട്രോൾ, ഡീസൽ വിലയിൽ മാറ്റമില്ല

കൊച്ചി: രാജ്യത്ത് പെട്രോൾ, ഡീസൽ വില മാറ്റമില്ലാതെ തുടരുന്നു. കേരളത്തിൽ ഇന്ന് ഒരു ലിറ്റർ പെട്രോളിന് 82.15 രൂപയാണഅ വില. ഡീസലിന് 78.97 രൂപയും. അഞ്ച് ദിവസമായി ഇന്ധന വില മാറ്റമില്ലാതെ തുടരുകയാണ്. സംസ്ഥാനത്ത് 16 ദിവസത്തിനിടെ ഏഴ് തവണയാണ് ഡീസൽ വില ഉയർന്നത്. ഇതുവരെ 95 പൈസയുടെ വർധനയാണ് ഡീസൽ വിലയിൽ രേഖപ്പെടുത്തിയത്. അതേസമയം കഴിഞ്ഞ ഒരുമാസമായി പെട്രോൾ വില മാറ്റമില്ലാതെ തുടരുകയാണ്.

തിരുവനന്തപുരത്ത് ഇന്ന് ഒരു ലിറ്റർ പെട്രോളിന് 82.15 രൂപയും ഡീസലിന് 78.97 രൂപയുമാണ് വില. കൊച്ചിയിൽ പെട്രോളിന് 80.37 രൂപയാണ് വില. ഒരുലിറ്റർ ഡീസലിന് 77.22 രൂപയും. കോഴിക്കോട് ഡീസൽ ലിറ്ററിന് 77.58 രൂപയും പെട്രോളിന് 80.71 രൂപയുമാണ് വില.

Also Read: അയര്‍ലൻഡിലെ കിടിലൻ ജിൻ; ചേരുവകൾ ഇങ്ങു കേരളത്തിൽ നിന്ന്

ഡൽഹിയിൽ ഒരു ലിറ്റർ പെട്രോളിന് 80.43 രൂപയും ഡീസലിന് 81.94 രൂപയുമാണ് വില. രാജ്യതലസ്ഥാനത്ത് കഴിഞ്ഞദിവസം ഡീസലിന് 15 പൈസ ഉയർന്നത്. രാജ്യതലസ്ഥാനത്ത് കഴിഞ്ഞ ഒരുമാസമായി പെട്രോൾ വിലയും കടന്ന് ഡീസൽ വില കുതിക്കുകയാണ്. 81.94 രൂപയാണ് ഡൽഹിയിൽ ഒരു ലിറ്റർ ഡീലസിന് വില. പെട്രോളിന് 80.43 രൂപയും. മുംബൈയിൽ 14 പൈസ ഉയർന്ന് ഒരു ലിറ്റർ ഡീസലിന് 80.11 രൂപയാണ് വില. പെട്രോളിന് വില 87.19 രൂപയും.


ആഗോള വിപണിയിലെ ക്രൂഡ് ഓയിൽ വിലയും ഡോളർ രൂപ വിനിമയവും കണക്കാക്കിയാണ് രാജ്യത്തെ ഇന്ധനവില നിർണയിക്കുന്നത്. രാജ്യാന്തര വിപണിയിൽ ക്രൂഡ് ഓയിൽ വിലയും ഡോളർ നിരക്കും ഉയർന്നു. ഇന്ന് ഒരു ബാരൽ അസംസ്‌കൃത എണ്ണയ്ക്ക് (ക്രൂഡ് ഓയിൽ) 43.80 ഡോളറാണ് വില. ഇന്നലെ ക്രൂഡ് ഓയിലിന് 43.19 ഡോളറായിരുന്നു വില. 74.81 രൂപയിലാണ് ഇന്ന് ഡോളർ വിനിമയം നടക്കുന്നത്. 74.56 രൂപയിലായിരുന്നു ഇന്നലെ ഡോളർ വിനിമയം നടന്നത്.