Petrol Rate: സംസ്ഥാനത്ത് പെട്രോൾ വില കുറഞ്ഞു

തിരുവനന്തപുരം: സംസ്ഥാനത്ത് പെട്രോൾവില കുറഞ്ഞു. ആറ് പൈസയാണ് പെട്രോളിന് കുറഞ്ഞത്. ഡീസൽ വിലയിൽ മാറ്റമില്ല. പെട്രോള്‍ ലിറ്ററിന് 75.091 രൂപയും ഡീസൽ ലിറ്ററിന് 70.087 രൂപയുമാണ് ഇന്നത്തെ വില. കേന്ദ്ര എക്‌സൈസ്, സംസ്ഥാന സർക്കാർ നികുതികൾ ഇതിൽ ഉൾപ്പെടുത്തിയിട്ടുണ്ട്. അതേസമയം അന്താരാഷ്ട്ര വിപണിയിൽ ക്രൂഡ് ഓയിൽ വിലയിൽ മാറ്റമില്ല.

കഴിഞ്ഞ നാല് ദിവസമായി ഇന്ധനവിലയിൽ കുറവ് രേഖപ്പെടുത്തുന്നുണ്ട്. രണ്ടാം മോദി സര്‍ക്കാരിൻ്റെ ആദ്യ ബജറ്റിൽ എക്സൈസ് നികുതിയും സെസും വര്‍ധിപ്പിച്ചതിനെ തുടര്‍ന്ന് ഇന്ധനവില കുത്തനെ ഉയര്‍ന്നിരുന്നു. ഇന്ധന നിരക്കിൽ ഒരു രൂപ വീതം എക്സൈസ് നികുതിയും റോഡ് അടിസ്ഥാന സൗകര്യ സെസുമാണ് കേന്ദ്ര സർക്കാർ ചുമത്തിയിരിക്കുന്നത്.

Read More: പണപ്പെരുപ്പം പൂര്‍ണമായും നിയന്ത്രണ വിധേയം; നിര്‍മലാ സീതാരാമന്‍

തിരുവനന്തപുരത്ത് പെട്രോള്‍ ലിറ്ററിന് 75.09 രൂപയിലും ഡീസൽ ലിറ്ററിന് 70.09 രൂപയിലുമാണ് ഇന്ന് വ്യാപാരം നടക്കുന്നത്. കൊച്ചിയിൽ പെട്രോള്‍ ലിറ്ററിന് 73.78 രൂപയിലും ഡീസൽ 68.76 രൂപയിലുമാണ് വ്യാപാരം. കോഴിക്കോട് പെട്രോൾ ലിറ്ററിന് 74.1 രൂപയും ഡീസൽ ലിറ്ററിന് 69.08 രൂപയുമാണ് ഇന്നത്തെ നിരക്ക്.

രാജ്യതലസ്ഥാനമായ ഡൽഹിയിൽ പെട്രോളിന് 71.71 രൂപയും ഡീസലിന് 65.09 രൂപയുമാണ് നിരക്ക്. രാജ്യവ്യാപാര തലസ്ഥാനമായ മുംബൈയിൽ പെട്രോളിന് 77.4 രൂപയും ഡീസലിന് 68.25 രൂപയുമാണ് വിലനിലവാരം.

Read More: മാനുഫാക്ചറിങ് എളുപ്പമാക്കാന്‍ വെയറബ്ള്‍ റോബോട്ടുമായി ഹ്യൂണ്ടായി

വിവിധ നഗരങ്ങളിലെ ഇന്ധനവില അറിയാം:

നഗരം	പെട്രോൾ (രൂപ)	ഡീസൽ (രൂപ)
തിരുവനന്തപുരം	75.09	70.09
കൊച്ചി	73.78	68.76
കോഴിക്കോട്	74.1	69.08
ഡൽഹി	71.71	65.09
മുംബൈ	77.4	68.25

ആഗോള വിപണിയിലെ ക്രൂഡ് ഓയിൽ വിലയും ഡോളര്‍ രൂപ വിനിമയവും കണക്കാക്കിയാണ് രാജ്യത്തെ ഇന്ധനവില നിര്‍ണയിക്കുന്നത്. ഇന്ന് ഒരു ബാരൽ ക്രൂഡ് ഓയിലിന് 56.73 ഡോളറിലാണ് വ്യാപാരം നടക്കുന്നത്. അതേസമയം ഇന്ന് ഡോളര്‍ 71.65 രൂപയിലാണ് വിനിമയം നടക്കുന്നത്.