Petrol Price Today : ക്രൂഡ് ഓയിൽ വില കുത്തനെ ഇടിഞ്ഞെങ്കിലും വിൻഡ് ഫാൾ ടാക്സ് നിരക്ക് പരിഷ്കരിക്കാതെ ഇന്ത്യ

കൊച്ചി: ക്രെഡിറ്റ് സ്വീസ് വാങ്ങാൻ യുബിഎസ് ഒരു ഡീലുണ്ടാക്കുകയും ആഗോള സാമ്പത്തിക വിപണികൾക്ക് ഉറപ്പ് നൽകാനും സ്ഥിരത കൈവരിക്കാനും ലോകത്തിലെ ഏറ്റവും വലിയ ചില സെൻട്രൽ ബാങ്കുകൾ ശ്രമിച്ചതിനാലും മാസങ്ങൾക്കുള്ളിലെ ഏറ്റവും വലിയ പ്രതിവാര നഷ്ടത്തിന് ശേഷം തിങ്കളാഴ്ച എണ്ണ വില ഉയർന്നു. ബ്രെന്റ് ക്രൂഡ് ഫ്യൂച്ചറുകൾ 0.5% ഉയർന്നു. ഡിസംബറിന് ശേഷമുള്ള ഏറ്റവും വലിയ പ്രതിവാര ഇടിവ് നേരിട്ടത് കഴിഞ്ഞ ആഴ്‌ചയാണ്. ഇത് ഏകദേശം 12% അടുത്തായിരുന്നു.

എന്നാൽ ഇന്നും രാജ്യത്ത് ഇന്ധന വില മാറ്റമില്ലാതെ തുടരുകയാണ്. ഏകദേശം ഒമ്പത് മാസമായി ഇന്ധനവില മാറ്റമില്ലാതെ സ്ഥിരമായി നിലനിൽക്കുകയാണ്. മൂല്യവർധിത നികുതി (വാറ്റ്), ചരക്ക് ചാർജുകൾ, പ്രാദേശിക നികുതികൾ മുതലായ വിവിധ മാനദണ്ഡങ്ങളെ ആശ്രയിച്ച്, പെട്രോളിന്റെയും ഡീസലിന്റെയും വില സംസ്ഥാനങ്ങൾ അനുസരിച്ച് മാറുന്നു. കഴിഞ്ഞ വർഷം മെയ് 21 ന് പെട്രോളിന്റെ എക്‌സൈസ് തീരുവ ലിറ്ററിന് 8 രൂപയും ഡീസലിന് 6 രൂപയും ധനമന്ത്രി നിർമ്മല സീതാരാമൻ കുറച്ചതിനു ശേഷം രാജ്യവ്യാപകമായി ഇന്ധന നിരക്കിൽ ഇതുവരെ മാറ്റം വരുത്തിയിട്ടില്ല.

കഴിഞ്ഞ രണ്ടാഴ്ചയ്ക്കിടെ ക്രൂഡ് ഓയിൽ വില കുത്തനെ ഇടിഞ്ഞതിനാൽ വിൻഡ്‌ഫാൾ ടാക്‌സ് പരിഷ്‌കരണത്തെക്കുറിച്ചുള്ള അപ്‌ഡേറ്റ് സർക്കാർ നൽകേണ്ടതുണ്ട്. എന്നാൽ അതുണ്ടായിട്ടില്ല. അന്താരാഷ്ട്ര വിപണിയിൽ അസംസ്‌കൃത എണ്ണയുടെ വില കുറയുകയാണെങ്കിൽ പെട്രോളിന്റെയും ഡീസലിന്റെയും ചില്ലറ വിൽപ്പന വില കുറയ്ക്കാൻ ഒഎംസികളോട് ഓയിൽ മന്ത്രി ഹർദീപ് സിംഗ് പുരി അടുത്തിടെ ആവശ്യപ്പെട്ടിരുന്നു.

ക്രൂഡ് ഓയിൽ വിലയിടിവിന്റെ ഗുണഭോക്താവ് ഓയിൽ മാർക്കറ്റിംഗ് കമ്പനികളുടെ ഓഹരികളാണ്. ഇന്ത്യൻ ഓയിൽ, എച്ച്പിസിഎൽ, ബിപിസിഎൽ എന്നിവയുടെ ഓഹരികൾ കഴിഞ്ഞ ആഴ്ച 1-8 ശതമാനം വരെ നേട്ടമുണ്ടാക്കി.

ഇന്ധന വില
ഡൽഹിയിൽ പെട്രോളിന് 96.72 രൂപയും ഡീസൽ ലിറ്ററിന് 89.62 രൂപയുമാണ് വില. മുംബൈയിൽ പെട്രോൾ ലിറ്ററിന് 106.31 രൂപയും ഡീസൽ ലിറ്ററിന് 94.27 രൂപയുമാണ്. കൊച്ചിയിൽ ഒരു ലിറ്റർ പെട്രോളിന് 106.13 രൂപയും, ഡീസൽ ലിറ്ററിന് 95.04 രൂപയുമാണ്. കോഴിക്കോട് പെട്രോളിന് 106.40 രൂപയും, ഡീസലിന് 95.31 രൂപയുമാണ് ലിറ്ററിന്റെ വില. തിരുവനന്തപുരത്ത് ഒരു ലിറ്റർ പെട്രോളിന് 108 രൂപയും, ഒരു ലിറ്റർ ഡീസലിന് 96.79 രൂപയുമാണ് വില.

കഴിഞ്ഞ ഏതാനും ട്രേഡിംഗ് സെഷനുകളിൽ ക്രൂഡ് ഓയിൽ വില കുത്തനെ ഇടിഞ്ഞിട്ടും, വിൻഡ്‌ഫാൾ ടാക്‌സ് എന്നറിയപ്പെടുന്ന സ്‌പെഷ്യൽ അഡീഷണൽ എക്‌സൈസ് ഡ്യൂട്ടിയിൽ (എസ്‌എഇഡി) കേന്ദ്ര സർക്കാർ ഇതുവരെ പരിഷ്‌ക്കരണങ്ങളൊന്നും വരുത്തിയിട്ടില്ല. സാധാരണയായി, ഓരോ രണ്ടാഴ്ച കൂടുമ്പോഴും വിൻഡ്‌ഫാൾ ടാക്‌സ് പരിഷ്‌കരിക്കും, ഏറ്റവും പുതിയ അപ്‌ഡേറ്റ് മാർച്ച് 15-16 ന് ഇടയിലാണ് പ്രതീക്ഷിക്കുന്നത്. എന്നാൽ, സർക്കാരിൽ നിന്ന് ഇതുവരെ ഒരു അപ്‌ഡേറ്റും ഉണ്ടായിട്ടില്ല.

രൂപ
ഡോളറിനെതിരെ 82.53 എന്ന നിലവാരത്തിൽ നേരിയ നഷ്ടത്തിലാണ് രൂപയുടെ ഇപ്പോഴത്തെ വിനിമയനിരക്ക്.

Read Latest Business News and Business News