ആപ്പ്ജില്ല

കേരളത്തിലും പെട്രോൾ വില 100 കടന്നു, പ്രധാനനഗരങ്ങളിലെ ഇന്നത്തെ ഇന്ധന വില അറിയാം

കേരളത്തിലും പെട്രോൾ വില 100 കടന്നു. തിരുവനന്തപുരം പാറശാലയിലാണ് പെട്രോൾ വില സെഞ്ച്വറി അടിച്ചത്. ഒരു ലിറ്റർ പെട്രോളിന് 100.04 രൂപയാണ് വില. ഈ മാസം ഇത് 13-ാമത്തെ തവണയാണ് ഇന്ധന വില കൂട്ടുന്നത്.

Samayam Malayalam 24 Jun 2021, 9:56 am
കൊച്ചി: രാജ്യത്ത് പെട്രോൾ, ഡീസൽ വിലയിൽ ഇന്നും വർധന. വിവിധ നഗരങ്ങളിൽ പെട്രോളിന് 28 പൈസയും ഡീസലിന് 8 പൈസയുമാണ് വർധിച്ചത്. ഈ മാസം ഇത് 13-ാമത്തെ തവണയാണ് ഇന്ധന വില കൂട്ടുന്നത്. 13 ദിവസം കൊണ്ട് പെട്രോളിന് 3 രൂപ 58 പൈസയും ഡീസലിന് 3 രൂപ 45 പൈസയുമാണ് ഉയർന്നത്. കേരളത്തിലും പെട്രോൾ വില 100 കടന്നു.
Samayam Malayalam പാറശാലയിൽ പെട്രോൾ വില 100 കടന്നു, മറ്റ് ന​ഗരങ്ങളിലെ ഇന്നത്തെ ഇന്ധന വില അറിയാം
പാറശാലയിൽ പെട്രോൾ വില 100 കടന്നു, മറ്റ് നഗരങ്ങളിലെ ഇന്നത്തെ ഇന്ധന വില അറിയാം


വിവിധ നഗരങ്ങളിലെ ഇന്ധന വില

തിരുവനന്തപുരം പാറശാലയിലാണ് പെട്രോൾ വില സെഞ്ച്വറി അടിച്ചത്. ഒരു ലിറ്റർ പെട്രോളിന് 100.04 രൂപയാണ് വില. തിരുവനന്തപുരത്ത് ഒരു ലിറ്റർ പെട്രോളിന് ഇന്ന് 99.74 രൂപയാണ് വില. ഡീസലിന് 94.82 രൂപയും. തലസ്ഥാനത്ത് പെട്രോൾ വില സെഞ്ച്വറിയിൽ എത്താൻ 26 പൈസയുടെ വ്യത്യാസമാണുള്ളത്. കൊച്ചിയിൽ പെട്രോൾ ലിറ്ററിന് 97.58 രൂപയാണ് വില. ഡീസലിന് 92.72 രൂപയും. കോഴിക്കോട് പെട്രോളിന് 97.99 രൂപയും ഡീസലിന് 93.15 രൂപയുമാണ് ഇന്നത്തെ വില.

Also Read: നോട്ടു നിരോധനം; വീട്ടുമ്മമാരുടെ ഈ നിക്ഷേപത്തിന് നികുതി വേണ്ട

സെഞ്ച്വറി അടിച്ച് മുംബൈ

മെട്രോ നഗരമായ ഡൽഹിയിൽ ഒരു ലിറ്റർ പെട്രോളിന് 97.76 രൂപയാണ് വില. ഡീസലിന് 88.30 രൂപയും. മുംബൈയിൽ ഒരു ലിറ്റർ പെട്രോളിന് 103.89 രൂപയാണ് വില. ഡീസലിന് 95.79 രൂപയും. മെയ് 29 മുതലാണ് നഗരത്തിൽ പെട്രോൾ വില 100 രൂപ കടന്നത്.

നഗരംപെട്രോള്‍ (രൂപ)ഡീസല്‍ (രൂപ)
തിരുവനന്തപുരം99.7494.82
കൊച്ചി97.58 92.72
കോഴിക്കോട്97.5893.15
ന്യൂഡല്‍ഹി97.7688.30
മുംബൈ103.8995.79

പെട്രോൾ വില 100 കടന്ന സംസ്ഥാനങ്ങൾ

മഹാരാഷ്ട്ര, രാജസ്ഥാൻ, മധ്യപ്രദേശ്, കർണാടക, ആന്ധ്രപ്രദേശ്, ബിഹാർ, തെലങ്കാന,ജമ്മു കശ്മീർ, മണിപ്പൂർ, ലഡാക്ക്, ഒഡീഷ തുടങ്ങിയ 7 സംസ്ഥാനങ്ങളിലും പെട്രോൾ വില 100 രൂപയിൽ കൂടുതലാണ്. ഒഡീഷ, രാജസ്ഥാൻ എന്നീ സംസ്ഥാനങ്ങളിൽ ഡീസൽ വിലയും നൂറ് കടന്നിട്ടുണ്ട്. രാജസ്ഥാനിലെ ശ്രീ ഗംഗനഗർ ജില്ലയിലാണ് ഇന്ധനത്തിന് റെക്കോർഡ് വില. ഒരു ലിറ്റർ പെട്രോളിന് ഇവിടെ 108.38 രൂപയാണ് വില ഡീസലിന് 101.13 രൂപയും. മധ്യപ്രദേശിലെ ഭോപ്പാലിൽ പെട്രോളിന് 105.33 രൂപയാണ് വില.

സർവകാല റെക്കോർഡിൽ ഇന്ധന വില

കേരളം ഉൾപ്പടെയുള്ള സംസ്ഥാനങ്ങളിലെല്ലാം തന്നെ ഇന്ധന വില സർവകാല റെക്കോർഡിലാണ്. കൂടാതെ ചില്ലറ ഇന്ധന വില ഇപ്പോൾ 2018 ഒക്ടോബറിന് ശേഷമുള്ള ഏറ്റവും ഉയർന്ന നിരക്കിലുമാണ്. പെട്രോളിന് അന്ന് 85 രൂപ 99 പൈസ ആയിരുന്നു. ഈ സർവകാല റെക്കോർഡാണ് നിലവിലെ ഇന്ധന വില‌ മറികടന്നിരിക്കുന്നത്. കൊവിഡ് പ്രതിസന്ധിക്കിടെ മെയ് നാല് മുതലാണ് രാജ്യത്ത് ഇന്ധന വില കൂട്ടാൻ തുടങ്ങിയത്.

Also Read: വാക്‌സിനെടുത്തവർക്ക് നിക്ഷേപത്തിന് ഉയർന്ന പലിശ മാത്രമല്ല, വെറേയുമുണ്ട് ഒട്ടേറെ ആനുകൂല്യങ്ങൾ

മെയിൽ 15 തവണയാണ് ഇന്ധന വില കൂട്ടിയത്. 15 ദിവസംകൊണ്ട് പെട്രോളിന് മൂന്ന് രൂപ 95 പൈസയും ഡീസലിന് നാല് രൂപ 72 പൈസയുമാണ് വർധിച്ചത്. കഴിഞ്ഞ ആറ് മാസത്തിനിടെ 46 തവണയാണ് ഇന്ധനവില വർധിപ്പിച്ചത്. 180 ദിവസത്തിനിടെ പെട്രോളിന് 11.99 രൂപയും ഡീസലിന് 13.21 രൂപയും ഉയർന്നു.

ക്രൂഡ് ഓയിൽ വില

ആഗോള വിപണിയിലെ ക്രൂഡ് ഓയിൽ വിലയും ഡോളർ രൂപ വിനിമയവും കണക്കാക്കിയാണ് രാജ്യത്തെ ഇന്ധനവില നിർണയിക്കുന്നത്. അന്താരാഷ്ട്ര വിപണിയിൽ ആഗോള ക്രൂഡ് ഓയിൽ വില ഉയർന്നു. ഒരു ബാരൽ അസംസ്‌കൃത എണ്ണയ്ക്ക് (ക്രൂഡ് ഓയിൽ) ഇന്ന് 75.28 ഡോളറാണ് വില. അതേസമയം ഡോളർ വിനിമയ നിരക്ക് കുത്തനെ ഇടിഞ്ഞി. 74.26 രൂപയിലാണ് ഇന്ന് ഡോളർ വിനിമയം നടക്കുന്നത്.

ആര്‍ട്ടിക്കിള്‍ ഷോ

ട്രെൻഡിങ്