പ്രധാന നഗരങ്ങളിലെ പെട്രോൾ, ഡീസൽ വില അറിയാം

കൊച്ചി : പെട്രോൾ, ഡീസൽ വിലയിൽ ഇന്ന് മാറ്റമില്ല. ഇന്നലെയും ഇന്ധന വിലയിൽ മാറ്റമില്ലായിരുന്നു. തിങ്കളാഴ്ച വിവിധ നഗരങ്ങളിൽ പെട്രോൾ വില കൂടുകയും ഡീസൽ വില കുറയുകയും ചെയ്തിരുന്നു. 13 ദിവസത്തിനിടെ ഏഴ് തവണയാണ് പെട്രോൾ വില കൂട്ടിയത്. ഈ മാസം മൂന്ന് തവണയാണ് ഡീസൽ വില വർധിപ്പിച്ചത്. ഏഴ് ദിവസംകൊണ്ട് പെട്രോളിന് 2 രൂപ 15 പൈസയും മൂന്ന് ദിവസംകൊണ്ട് ഡീസലിന് 73 പൈസയുമാണ് കൂട്ടിയത്.

വിവിധ നഗരങ്ങളിലെ ഇന്ധന വില

കേരളം ഉൾപ്പടെയുള്ള സംസ്ഥാനങ്ങളിലെല്ലാം തന്നെ ഇന്ധന വില സർവകാല റെക്കോർഡിലാണ്. തലസ്ഥാന നഗരമായ തിരുവനന്തപുരമടക്കം കേരളത്തിൽ എല്ലായിടത്തും പെട്രോൾ വില 100 രൂപ കടന്നു. തിരുവനന്തപുരത്ത് ഒരു ലിറ്റർ പെട്രോളിന് 103.17 രൂപയാണ് വില. ഡീസലിന് 96.30 രൂപയും. ജൂൺ 26 മുതലാണ് ഇവിടെ പെട്രോൾ‌ വില 100 രൂപ കടന്നത്. കൊച്ചിയിൽ പെട്രോൾ ലിറ്ററിന് 100.94 രൂപയാണ് വില. ഡീസലിന് 94.16 രൂപയും.

കോഴിക്കോട് നഗരത്തിൽ ഒരു ലിറ്റർ പെട്രോളിന് ഇന്ന് 101.36 രൂപയാണ് വില. ഡീസലിന് 94.61 രൂപയും. മെട്രോ നഗരമായ ഡൽഹിയിൽ പെട്രോളിന് 101.19 രൂപയാണ് വില. ഡീസലിന് 89.72 രൂപയും. മുംബൈയിൽ ഒരു ലിറ്റർ പെട്രോളിന് 107.20 രൂപയാണ് വില. ഡീസലിന് 97.29 രൂപയും. മെയ് 29 മുതലാണ് നഗരത്തിൽ പെട്രോൾ വില 100 രൂപ കടന്നത്.



നിലവിൽ മധ്യപ്രദേശിലെ ഭോപ്പാൽ ആണ് ഇന്ധന വിലയിൽ മുന്നിൽ നിൽക്കുന്നത്. ഒരു ലിറ്റർ പെട്രോളിന് മധ്യപ്രദേശിൽ 108.09 രൂപയാണ് വില. ഡീസൽ ലിറ്ററിന് 98.86 രൂപയും. തൊട്ടുപിന്നിലായി രാജസ്ഥാനിലെ ശ്രീ ഗംഗനഗർ ജില്ലയുമുണ്ട്. ഒരു ലിറ്റർ പെട്രോളിന് ഇവിടെ 108.38 രൂപയാണ് വില ഡീസലിന് 101.13 രൂപയും.

ക്രൂഡ് ഓയിൽ വില

ആഗോള വിപണിയിലെ ക്രൂഡ് ഓയിൽ വിലയും ഡോളർ രൂപ വിനിമയവും കണക്കാക്കിയാണ് രാജ്യത്തെ ഇന്ധനവില നിർണയിക്കുന്നത്. അന്താരാഷ്ട്ര വിപണിയിൽ ക്രൂഡ് ഓയിൽ വിലയിൽ നേരിയ വര്‍ധന മാത്രം. ഒരു ബാരൽ ക്രൂഡ് ഓയിലിന് ഇന്ന് 76.37 ഡോളറാണ് വില. 74.57 രൂപയിലാണ് ഡോളർ വിനിമയം നടക്കുന്നത്.