സംസ്ഥാനത്ത് പെട്രോളിന് 87 രൂപയും ഡീസലിന് 80 രൂപയും കടന്നു

തിരുവനന്തപുരം: സംസ്ഥാനത്ത് പെട്രോൾ ഡീസൽ വില ഇന്നും വര്‍ധിച്ചു. പെട്രോളിന് തലസ്ഥാനത്ത് 87 രൂപ കടന്നു. . ‍തിരുവനന്തപുരത്ത് ഇന്ന് ഒരു ലിറ്റർ പെട്രോളിന് 87.25 രൂപയാണ് വില. ഡീസലിന് 80.53 രൂപയുമാണ്. കൊച്ചിയില്‍ പെട്രോളിന് 84.58 രൂപയും ഡീസലിന് 77.73 രൂപയുമാണ്.

കോഴിക്കോട് പെട്രോളിന് 86.10 രൂപയിലും ഡീസലിന് 79.37 രൂപയിലുമാണ് വ്യാപാരം പുരോഗമിക്കുന്നത്. സാംസ്കാരിക നഗരത്തിൽ പെട്രോളിന് 86.32 രൂപയിലാണ് വ്യാപാരം നടക്കുന്നത്. തൃശൂരിൽ ഡീസലിന് 79.56 രൂപയുമായി.

രാജ്യാന്തര വിപണിയിൽ എണ്ണവില വ്യതിയാനമുണ്ടാകുന്നതിന്‍റെ പ്രതിഫലനമായാണ് ഇന്ത്യയിലും പെട്രോൾ-ഡീസൽ വിലയിൽ മാറ്റമുണ്ടാകുന്നത്. കഴിഞ്ഞ ജൂലൈ ഒന്നിനു പെട്രോളിന് 78.63 രൂപയും ഡീസലിന് 72.14 രൂപയുമായിരുന്നു. ജൂണില്‍ ഒന്നിനു പെട്രോളിന് 81.44 രൂപയും ഡീസലിന് 74.05 രൂപയുമായിരുന്നു.