Petrol Price Today: രാജ്യത്തെ പെട്രോൾ-ഡീസൽ വില്പനയിൽ കുറവ്; പുതിയ ഇന്ധന വില നിലവാരം

കൊച്ചി: ക്രൂഡ് ഓയിൽ വില വർധിച്ചു. ബാരലിന് 83.48 ഡോളറാണ് ഇപ്പോഴത്തെ നിലവാരം. രാജ്യത്തെ പ്രധാന നഗരങ്ങളിലും, സംസ്ഥാനത്തും ഇന്ധന വിലയിൽ മാറ്റമില്ല.

2023 ജനുവരിയിൽ ഇന്ത്യയിലെ പെട്രോൾ-ഡീസൽ വില്പനയിൽ കുറവുണ്ടായതായി കണക്കുകൾ സൂചന നൽകുന്നു. ഡിമാൻഡ് കുറഞ്ഞതോടെയാണ് വില്പന താഴേക്കു പോയത്. രാജ്യത്തിന്റെ ചില ഭാഗങ്ങളിലെ തണുത്ത കാലാവസ്ഥ, വ്യാവസായിക മാന്ദ്യം എന്നിവ ചരക്കു നീക്കം കുറച്ചതാണ് പ്രധാന കാരണം. 2022 ഡിസംബർ മാസത്തിൽ പെട്രോൾ-ഡീസൽ വില്പന 9 മാസത്തെ ഏറ്റവും ഉയർന്ന നിലയിൽ എത്തിയിരുന്നു.

2023 ജനുവരിയിൽ രാജ്യത്തെ ഇന്ധന ഉപഭോഗം 18.7 ദശലക്ഷം ടണ്ണായിരുന്നു. ഇത് തൊട്ടു മുമ്പത്തെ മാസത്തേക്കാൾ 4.6% കുറവാണ്. ജനുവരിയിൽ ഡീസൽ വില്പന 7.6% താഴ്ന്ന് 7.18 ദശലക്ഷം ടണ്ണായി. അതേ സമയം പെട്രോൾ വില്പന 5.3% ഇടിഞ്ഞ് 2.82 ദശലക്ഷം ടണ്ണായെന്നും പെട്രോളിയം മന്ത്രാലയത്തിന്റെ കണക്കുകൾ വ്യക്തമാക്കുന്നു. എന്നാൽ വാർഷിക അടിസ്ഥാനത്തിൽ പരിശോധിക്കുമ്പോൾ ഇന്ധന ഉപഭോഗം 3.3% വർധിച്ചു. ഡീസൽ വില്പന 12.6%, പെട്രോൾ വില്പന 14.2% വർധിച്ചു.

ഇന്ധനവില
തിരുവനന്തപുരത്ത് ഒരു ലിറ്റർ പെട്രോളിന് 107.71 രൂപയും, ഡീസൽ ലിറ്ററിന് 96.52 രൂപയുമാണ് വില നിലവാരം. കോഴിക്കോട് ഒരു ലിറ്റർ പെട്രോളിന് ഇന്ന് 105.82 രൂപയും, ഡീസലിന് 94.82 രൂപയുമാണ് വില കൊച്ചിയിൽ പെട്രോൾ ലിറ്ററിന് 105.38 രൂപയും, ഡീസൽ ലിറ്ററിന് 94.38 രൂപയുമാണ് വില. മുംബൈയിൽ ഒരു ലിറ്റർ പെട്രോളിന് 106.31 രൂപയും, ഡീസൽ ലിറ്ററിന് 94.27 രൂപയുമാണ് വില. ന്യൂഡൽഹിയിൽ ഒരു ലിറ്റർ പെട്രോളിന് 96.72 രൂപയാണ് പുതുക്കിയ വില. ഡീസൽ ലിറ്ററിന് 89.62 രൂപയിൽ വിൽപ്പന നടത്തുന്നു.

കേന്ദ്ര സര്‍ക്കാര്‍ പെട്രോൾ, ഡീസൽ തീരുവ കുറച്ചതിന് ശേഷം നാളുകളായി രാജ്യത്ത് ഇന്ധന വിലയിൽ മാറ്റമില്ല. ക്രൂഡ് ഓയിൽ വില ഇടിഞ്ഞാലും ഇന്ത്യയിലെ എണ്ണക്കമ്പനികൾ പെട്രോൾ, ഡീസൽ വിലയിൽ നാളുകളായി മാറ്റം വരുത്തുന്നില്ല. രാജ്യാന്തര വിപണിയിലെ ക്രൂഡ് ഓയിൽ വിലക്കും രൂപയുടെ വിനിമയ നിരക്കിനും അനുസരിച്ചാണ് എണ്ണ കമ്പനികൾ ഇന്ധന വില നിശ്ചയിക്കുന്നത്.

രൂപ
ഡോളറിനെതിരെ 82.67 എന്ന നിലവാരത്തിൽ നേരിയ വർധനവിലാണ് രൂപയുടെ നിലവിലെ വിനിമയനിരക്ക്.

ഇന്ധനവില ഒറ്റ നോട്ടത്തിൽ
Read Latest Business News and Malayalam News