Petrol Price Today: ആ​ഗോള ഇന്ധനവില വർധിച്ചു

Petrol Diesel Rate : കൊച്ചി: അസംസ്കൃത എണ്ണവില വർധിച്ചു. ബാരലിന് 83.16 ഡോളറാണ് ഇപ്പോഴത്തെ നിലവാരം. ഇന്ത്യയിലെ പ്രധാന നഗരങ്ങളിലും, സംസ്ഥാനത്തും ഇന്ധന വിലയിൽ മാറ്റമില്ല.

യൂറോപ്യൻ യൂണിയൻ പ്രൈസ് ക്യാപ് ഏർപ്പെടുത്തിയെങ്കിലും, റഷ്യ ഇന്ധന കയറ്റുമതിയിലൂടെ വരുമാനം ഉണ്ടാക്കുന്നതായി റിപ്പോർട്ടുകൾ. 2022 ഡിസംബർ 5ന് പ്രൈസ് ക്യാപ് ഏർപ്പെടുത്തിയിരുന്നെങ്കിലും വില്പനയ്ക്കുള്ള പുതിയ മാർഗങ്ങൾ നടപ്പാക്കാൻ റഷ്യയ്ക്ക് സാധിക്കുന്നുവെന്നാണ് വിലയിരുത്തൽ. ഇതിനിടെ കഴിഞ്ഞ മാസം ഇന്ത്യ റഷ്യയിൽ നിന്ന് റെക്കോർഡ് നിലവാരത്തിൽ ക്രൂഡ് ഓയിൽ വാങ്ങിയിരുന്നു.

Also Read : രത്തൻ ടാറ്റയുടെ ലക്ഷ്വറി ലൈഫ് സ്റ്റൈൽ; സ്വന്തമായിട്ടുള്ള വിലപിടിച്ച വസ്തുക്കൾ
ഇന്ധനവില
ന്യൂഡൽഹിയിൽ ഒരു ലിറ്റർ പെട്രോളിന് 96.72 രൂപയാണ് പുതുക്കിയ വില. ഡീസൽ ലിറ്ററിന് 89.62 രൂപയിൽ വിൽപ്പന നടത്തുന്നു. മുംബൈയിൽ ഒരു ലിറ്റർ പെട്രോളിന് 106.31 രൂപയും, ഡീസൽ ലിറ്ററിന് 94.27 രൂപയുമാണ് വില.

കോഴിക്കോട് ഒരു ലിറ്റർ പെട്രോളിന് ഇന്ന് 105.82 രൂപയും, ഡീസലിന് 94.82 രൂപയുമാണ് വില. കൊച്ചിയിൽ പെട്രോൾ ഒരു ലിറ്ററിന് 105.38 രൂപയിലും, ഡീസൽ ലിറ്ററിന് 94.38 രൂപയിലുമാണ് വില്പന. തിരുവനന്തപുരത്ത് ഒരു ലിറ്റർ പെട്രോളിന് 107.71 രൂപയാണ്. ഒരു ലിറ്റർ ഡീസലിന് 96.52 രൂപയുമാണ്.

ക്രൂഡ് ഓയിൽ വില ഇടിയുമ്പോഴും ഇന്ത്യയിലെ എണ്ണക്കമ്പനികൾ പെട്രോൾ, ഡീസൽ വിലയിൽ മാറ്റം വരുത്തുന്നില്ല. മുമ്പുണ്ടായിരുന്ന നഷ്ടം നികത്തുക എന്ന ഉദ്ദേശത്തോടെയാണിത്.

Also Read : ഫേസ്ബുക്ക് മാതൃകമ്പനിയായ മെറ്റ കൂടുതൽ ജോലിക്കാരെ പിരിച്ചു വിടും
രാജ്യാന്തര വിപണിയിലെ ക്രൂഡ് ഓയിൽ വില, രൂപയുടെ വിനിമയ നിരക്ക് തുടങ്ങിയവയ്ക്കനുസരിച്ചാണ് രാജ്യത്ത് ഇന്ധന വില നിശ്ചയിക്കുന്നത്. കേന്ദ്ര സര്‍ക്കാര്‍, പെട്രോൾ, ഡീസൽ തീരുവ കുറച്ചതിന് ശേഷം ഏതാനും നാളുകളായി ഇന്ത്യയിലെ ഇന്ധന വില മാറ്റമില്ലാതെ തുടരുകയാണ്.

രൂപ
ഡോളറിനെതിരെ 82.92 എന്ന നിലവാരത്തിൽ നേരിയ ഇടിവിലാണ് രൂപയുടെ ഇപ്പോഴത്തെ വിനിമയനിരക്ക്.

ഇന്ധനവില ഒറ്റ നോട്ടത്തിൽ

Read Latest Business News and Malayalam News