ഇന്നത്തെ പെട്രോൾ, ഡീസൽ വില അറിയാം

കൊച്ചി: രാജ്യത്ത് തുടര്‍ച്ചയായ രണ്ടാം ദിവസവും മാറ്റമില്ലാതെ പെട്രോൾ, ഡീസൽ വില.കേരളത്തിൽ ഇന്ന് ഒരു ലിറ്റർ ഡീസലിന് 75.91 രൂപയും പെട്രോളിന് 82.89 രൂപയുമാണ് വില. കഴിഞ്ഞ രണ്ടാഴ്ച്ചക്കിടെ ഒരു രൂപ 50 പൈസയുടെ കുറവാണ് ഡീസൽ വിലയിൽ ഉണ്ടായത്. അതേസമയം രണ്ടാഴ്ച്ചക്കിടെ പെട്രോൾ വില 8 പൈസ മാത്രമാണ് കുറഞ്ഞത്.

തിരുവനന്തപുരത്ത് ഒരു ലിറ്റർ പെട്രോളിന് 82.89 രൂപയും ഡീസലിന് 75.91 രൂപയുമാണ് വില. കൊച്ചിയിൽ പെട്രോളിന് 81.01 രൂപയാണ് വില. ഡീസലിന് 74.23 രൂപയും. കോഴിക്കോട് 81.44 രൂപയാണ് ഒരു ലിറ്റർ പെട്രോളിന് ഇന്നത്തെ വില. ഡീസലിന് 74.58 രൂപയും.

രാജ്യതലസ്ഥാനത്ത് ഇന്ന് ഒരു ലിറ്റർ ഡീസലിന് 70.46 രൂപയാണ് വില. പെട്രോളിന് 81.06 രൂപയും. കഴിഞ്ഞ രണ്ടാഴ്ച്ചക്കിടെ ഒരു രൂപ 38 പൈസയാണ് കുറഞ്ഞത്. മുംബൈയിൽ ഒരു ലിറ്റർ ഡീസലിന് 76.86 രൂപയും പെട്രോളിന് 87.74 രൂപയുമാണ് ഇന്നത്തെ വില. കഴിഞ്ഞ ഒരാഴ്ച്ചയായി മുംബൈയിൽ ഒരു രൂപ 34 പൈസയുടെ കുറവാണ് ഡീസൽ വിലയിൽ ഉണ്ടായത്.

Also Read: ഇന്ത്യയിലെ ഏറ്റവും സമ്പന്നരായ യുവ സംരംഭകര്‍ ഇവരാണ്



ആഗോള വിപണിയിലെ ക്രൂഡ് ഓയിൽ വിലയും ഡോളർ രൂപ വിനിമയവും കണക്കാക്കിയാണ് രാജ്യത്തെ ഇന്ധനവില നിർണയിക്കുന്നത്. ഇന്ന് ഒരു ബാരൽ അസംസ്‌കൃത എണ്ണയ്ക്ക് (ക്രൂഡ് ഓയിൽ)40.13 ഡോളറാണ് വില. 73.14 രൂപയാണ് ഡോളറിനെതിരെ എതിരെ ഇന്ന് രൂപയുടെ മൂല്യം