ഇന്ധനവിലയിൽ നേരിയ ഇടിവ്; പെട്രോളിന് 82.38 രൂപ

തിരുവനന്തപുരം: സംസ്ഥാനത്ത് ഇന്ധനവിലയിൽ നേരിയ ഇടിവ് രേഖപ്പെടുത്തി. പെട്രോള്‍ ലിറ്ററിന് 20 പെസ ഇടിഞ്ഞ് 82.38 രൂപയിലെത്തിയപ്പോൾ ഡീസല്‍ ലിറ്ററിന് 12 പൈസ ഇടിഞ്ഞ് 78.82 രൂപയിൽ എത്തി.

കൊച്ചിയില്‍ പെട്രോളിന് 19 പൈസ ഇടിഞ്ഞ് 80.94 രൂപയും ഡീസലിന് 11 പൈസ ഇടിഞ്ഞ് 77.33 രൂപയും ആയി. കോഴിക്കോട് പെട്രോളിന് 81.29 രൂപയും ഡീസലിന് 77.69 രൂപയുമാണ് വില.

രാജ്യാന്തര വിപണിയില്‍ ക്രൂഡ് ഒായിന്‍റെ വിലയില്‍ ഉണ്ടാകുന്ന ഇടിവാണ് എണ്ണക്കമ്പനികള്‍ വില കുറയ്ക്കാനുള്ള കാരണം.

മുംബൈയില്‍ പെട്രോള്‍ വില 84.48 രൂപയും ഡീസലിന് 77.05 രൂപയും ഡല്‍ഹിയില്‍ പെട്രോളിന് 78.99 രൂപയും ഡീസലിന് 73.53 രൂപയുമാണ് വില.