കേരളത്തിലെ ഇന്നത്തെ പെട്രോൾ, ഡീസൽ വില അറിയാം

കൊച്ചി: രാജ്യത്ത് കഴിഞ്ഞ ഒരുമാസമായി പെട്രോൾ,ഡീസൽ വില മാറ്റമില്ലാതെ തുടരുകയാണ്. തുടർച്ചയായ വില വർധയ്ക്ക് ശേഷമാണ് ഇന്ധന വില മാറ്റമില്ലാതെ തുടരുന്നത്. കേരളത്തിൽ ഒരു ലിറ്റർ പെട്രോളിന് ഇന്ന് 85.72 രൂപയും ഡീസലിന് 79.65 രൂപയുമാണ് വില.

തിരുവനന്തപുരത്ത് ഇന്ന് ഒരു ലിറ്റർ പെട്രോളിന് 85.41 രൂപയും ഡീസലിന് 79.07 രൂപയാണ് വില. കൊച്ചിയിൽ പെട്രോളിന് 83.86 രൂപയാണ് വില. ഡീസലിന് 79.65 രൂപയും. കോഴിക്കോട് 84.22 രൂപയാണ് ഒരു ലിറ്റർ പെട്രോളിന് ഇന്നത്തെ വില. ഡീസലിന് 79.65 രൂപയും. രാജ്യതലസ്ഥാനമായ ഡൽഹിയിൽ പെട്രോൾ വില 83.71 രൂപയായി. ഡീസലിന് 73.87 രൂപയാണ് വില. മുംബൈയിൽ പെട്രോളിനും ഡീസലിനും തീവിലയാണ്. ഒരു ലിറ്റർ പെട്രോളിന് 90.34 രൂപയും ഡീസലിന് 80.51 രൂപയുമാണ് ഇന്നത്തെ വില.


അതേസമയം ഇന്ത്യയിലെ ചില്ലറ ഇന്ധന വില ഇപ്പോൾ 2018 ഒക്ടോബറിന് ശേഷമുള്ള ഏറ്റവും ഉയർന്ന നിരക്കിലാണ്. നവംബർ 19 മുതലാണ് എണ്ണ വിപണന കമ്പനികൾ പെട്രോളിന്റെയും ഡീസലിന്റെയും വില വർധിപ്പിക്കാൻ തുടങ്ങിയത്. അതിന് മുമ്പ് രണ്ട് മാസത്തോളം ഇന്ധന വില മാറ്റമില്ലാതെ തുടരുകയായിരുന്നു. ആഗോള അസംസ്കൃത എണ്ണയുടെ വിലക്കയറ്റവും പെട്രോളിയം ഉൽ‌പന്നങ്ങളുടെ ആവശ്യകത ഉയർന്നതും കൊവിഡ് -19 നുള്ള വാക്സിൻ ലഭിക്കാനുള്ള സാധ്യതയുമാണ് ഇന്ധന വില വർദ്ധിക്കാനുള്ള പ്രധാന കാരണങ്ങൾ.

Also Read: ദുരന്തങ്ങളെ നേരിടാൻ സര്‍ക്കാരിൻെറ പലിശരഹിത വായ്പാ പദ്ധതി

ആഗോള വിപണിയിലെ ക്രൂഡ് ഓയിൽ വിലയും ഡോളർ രൂപ വിനിമയവും കണക്കാക്കിയാണ് രാജ്യത്തെ ഇന്ധനവില നിർണയിക്കുന്നത്. ആഗോള ക്രൂഡ് ഓയിൽ വിലയും കുതിച്ചുയരുകയാണ്. ഇന്ന് ഒരു ബാരൽ അസംസ്‌കൃത എണ്ണയ്ക്ക് (ക്രൂഡ് ഓയിൽ) ഇന്ന് 51.04 ഡോളറാണ് വില. 73.36 രൂപയിലാണ് ഇന്ന് ഡോളർ വിനിമയം നടക്കുന്നത്.