ഇന്ധന വില ഉയര്‍ന്ന് തന്നെ! വിവിധ നഗരങ്ങളിലെ പെട്രോൾ, ഡീസൽ വില

കൊച്ചി: രാജ്യത്ത് പെട്രോൾ, ഡീസൽ വിലയിൽ വീണ്ടും വര്‍ധന.സംസ്ഥാനത്ത് പെട്രോൾ വിലയിൽ 31 പൈസയുടെ വര്‍ധനയാണുള്ളത്. ഡീസൽ വിലയിൽ 26 പൈസയുടേതാണ് വര്‍ധന. പെട്രോൾ വില രണ്ടു രൂപ 78 പൈസയും ഡീസൽ വിലയിൽ മൂന്ന് രൂപ 70 പൈസയുമാണ് ഇതുവരെ വർധിച്ചത്. .

കേരളത്തിൽ ഒരു ലിറ്റർ പെട്രോളിന് ഇന്ന് 85.72 രൂപയാണ് വില. ഡീസലിന് 79.38 രൂപയും. തിരുവനന്തപുരത്ത് ഇന്ന് ഒരു ലിറ്റർ പെട്രോളിന് 85.72 രൂപയും ഡീസലിന് 79.65 രൂപയാണ് വില. കൊച്ചിയിൽ പെട്രോളിന് 83.86 രൂപയാണ് വില. ഡീസലിന് 77.88 രൂപയും. കോഴിക്കോട് 84.22 രൂപയാണ് ഒരു ലിറ്റർ പെട്രോളിന് ഇന്നത്തെ വില. ഡീസലിന് 77.99 രൂപയും.

Also Read: 60 കഴിഞ്ഞാലും മെഡിക്കൽ ഇൻഷുറൻസ്

രാജ്യതലസ്ഥാനമായ ഡൽഹിയിൽ പെട്രോൾ വില 83.71 രൂപയായി. ഡീസലിന് 73.87 രൂപയാണ് വില. മുംബൈയിൽ പെട്രോളിനും ഡീസലിനും തീവിലയാണ്. ഒരു ലിറ്റർ പെട്രോളിന് 90.34രൂപയും ഡീസലിന് 80.51 രൂപയുമാണ് ഇന്നത്തെ വില. രാജ്യാന്തര വിപണിയിൽ അസംസ്കൃത എണ്ണയുടെ വിലക്കയറ്റമാണ് ഇന്ധനവില ഉയരാൻ കാരണം.



ആഗോള വിപണിയിലെ ക്രൂഡ് ഓയിൽ വിലയും ഡോളർ രൂപ വിനിമയവും കണക്കാക്കിയാണ് രാജ്യത്തെ ഇന്ധനവില നിർണയിക്കുന്നത്. ഇന്ന് ഒരു ബാരൽ അസംസ്‌കൃത എണ്ണയ്ക്ക് (ക്രൂഡ് ഓയിൽ) ഇന്ന് 49.05 ഡോളറാണ് വില. 73.79 രൂപയിലാണ് ഇന്ന് ഡോളർ വിനിമയം നടക്കുന്നത്.