അസംസ്കൃത എണ്ണവിലയിൽ വർധന

ക്രൂഡ് ഓയിൽ വിലയിൽ വർധന. ബാരലിന് 86.27 ഡോളർ ആണ് വില നിലവാരം. അതേസമയം രാജ്യത്തെ പ്രധാന നഗരങ്ങളിലും സംസ്ഥാനത്തും പെട്രോൾ, ഡീസൽ വിലകളിൽ മാറ്റമില്ല. തിരുവനന്തപുരത്ത് ഒരു ലിറ്റർ പെട്രോളിന് 107.71 രൂപയും, ഡീസൽ ലിറ്ററിന് 96.52 രൂപയുമാണ് വില. കൊച്ചിയിൽ പെട്രോൾ ലിറ്ററിന് 105.38 രൂപയാണ് വില. ഡീസൽ ലിറ്ററിന് 94.38 രൂപയാണ് വില. കോഴിക്കോട് ഒരു ലിറ്റർ പെട്രോളിന് ഇന്ന് 105.82 രൂപയും ഡീസലിന് 94.82 രൂപയുമാണ് വില. ന്യൂഡൽഹിയിൽ ഒരു ലിറ്റർ പെട്രോളിന് 96.72 രൂപയാണ് പുതുക്കിയ വില. ഡീസൽ ലിറ്ററിന് 89.62 രൂപയിൽ വിൽപ്പന നടത്തുന്നു. മുംബൈയിൽ ഒരു ലിറ്റർ പെട്രോളിന് 106.31 രൂപയും ഡീസൽ ലിറ്ററിന് 94.27 രൂപയുമാണ്.

റഷ്യയിലെ എൽഎൻജി പദ്ധതികളുമായി ബന്ധപ്പെട്ട് ജപ്പാനിലെയും, സൗത്ത് കൊറിയയിലെയും കമ്പനികൾ ദീർഘകാല കരാറുകൾ പുതുക്കി. സഖാലിൻ -2 എൽഎൻജി പദ്ധതിയുമായി ബന്ധപ്പെട്ടാണിത്.

Also Read : ആധാർ ഉപയോ​ഗിച്ച് കാശ് പിൻവലിക്കാം, നിക്ഷേപിക്കാം
കേന്ദ്ര പെട്രോളിയം, പ്രകൃതിവാതക മന്ത്രി ഹർദീപ് സിങ് പുരി ഓയിൽ മാർക്കറ്റിങ് കമ്പനികളുമായി കൂടിക്കാഴ്ച നടത്തി. രാജ്യത്തെ പ്രമുഖ ഓയിൽ കമ്പനികളൊന്നും കഴിഞ്ഞ 15 മാസമായി പെട്രോൾ, ഡീസൽ വിലകളിൽ പരിഷ്കരണം ഏർപ്പെടുത്തിയിട്ടില്ല. 2022 ലെ റെക്കോർഡ് നിരക്കിൽ നിന്ന് ആഗോള ഇന്ധനവില അടുത്ത കാലത്ത് കുറഞ്ഞിരുന്നു. പെട്രോളിന്റെ ലാഭം കുറഞ്ഞെങ്കിലും, ഡീസലിന്റെ വില്പനയിൽ കമ്പനികൾ നഷ്ടം നേരിടുന്നു. റഷ്യ-യുക്രൈൻ യുദ്ധത്തെ തുടർന്നുണ്ടായ പ്രതിസന്ധികൾക്കിടയിലും ഇന്ധനവില വർധിച്ചിട്ടില്ല.

ഭാരത് പെട്രോളിയം കോർപ്പറേഷൻ ലിമിറ്റഡ് ബിപിസിഎൽ, ഇന്ത്യൻ ഓയിൽ കോർപ്പറേഷൻ ലിമിറ്റഡ് (ഐഒസിഎൽ), ഹിന്ദുസ്ഥാൻ പെട്രോളിയം കോർപ്പറേഷൻ ലിമിറ്റഡ് (എച്ച്പിസിഎൽ) എന്നിവയുൾപ്പെടെ പൊതുമേഖലാ കമ്പനികൾ, അന്താരാഷ്‌ട്ര ക്രൂഡ് ബെഞ്ച്മാർക്ക് വിലകൾക്കും, വിദേശ വിനിമയ നിരക്കുകൾക്കും ആനുപാതികമായിട്ടാണ് ഇന്ധനവില പരിഷ്കരിക്കുന്നത്. ഡോളറിനെതിരെ 81.51 എന്ന തോതിൽ ഇടിവിലാണ് രൂപയുടെ ഇപ്പോഴത്തെ വിനിമയനിരക്ക്.

ഇന്ധനവില ഒറ്റ നോട്ടത്തിൽ

Read Latest Business Newsand Malayalam News