Petrol Diesel Rate Today :ക്രൂഡ് ഓയിൽ ഉല്പാദനം കുറയ്ക്കാൻ ഒപക് പ്ലസിന്റെ തീരുമാനം; ആ​ഗോള ഇന്ധനവില വർധിക്കാൻ സാധ്യത

Petrol Diesel Rate : കൊച്ചി: അന്താരാഷ്ട്ര ഇന്ധന വിലയിൽ വർധന. ബാരലിന് 85.12 ഡോളറാണ് ഇപ്പോഴത്തെ നിലവാരം. യുഎസിലെ ബാങ്കിങ് രംഗത്തെ തകർച്ച കാരണം 80 ഡോളറിന് താഴേക്ക് ക്രൂ‍ഡ് ഓയിൽ വില ഇടിഞ്ഞിരുന്നു.

ഇതിനിടെ ഇന്ധന ഉല്പാദനം കുറയ്ക്കാൻ ഒപക് പ്ലസ് കൂട്ടായ്മ തീരുമാനമെടുത്തു. പ്രതിദിനം 1.16 മില്യൺ ബാരലുകളുടെ ഉല്പാദനമാണ് കുറയ്ക്കുന്നത്. റഷ്യ-യുക്രൈൻ യുദ്ധം തുടങ്ങിയതിനു ശേഷവും, ഉല്പാദനം കുറയ്ക്കാൻ ഒപക് പ്ലസ് തീരുമാനിച്ചിരുന്നു. ഇതോടെ ആകെ പ്രതിദിന ഉല്പാദനത്തിൽ 3.66 മില്യൺ ബാരലുകളുടെ കുറവാണുണ്ടാവുക. ഉല്പാദനം കുറയുകയും, ഡിമാൻഡിൽ കുറവില്ലാതെ വരികയും ചെയ്യുന്ന സാഹചര്യത്തിൽ ഇന്ധനവില വീണ്ടും വർധിക്കാനാണ് സാധ്യതയെന്ന് വിദഗ്ധർ വിലയിരുത്തുന്നു.


അന്താരാഷ്ട്ര തലത്തിൽ ക്രൂഡ് ഓയിൽ വിലയിൽ ചാഞ്ചാട്ടങ്ങളുണ്ടെങ്കിലും, ഇന്ത്യയിലെ ഇന്ധന നിരക്കുകളിൽ എണ്ണക്കമ്പനികൾ ഇതുവരെ മാറ്റം വരുത്തിയിട്ടില്ല. എന്നാൽ സംസ്ഥാന സർക്കാർ കഴിഞ്ഞ ബജറ്റിൽ പ്രഖ്യാപിച്ച സെസ് ഇന്ധനത്തിന് ബാധകമായതോടെ, ഏപ്രിൽ 1 മുതൽ കേരളത്തിൽ ഇന്ധനവില വർധിച്ചു. ക്ഷേമ പെൻഷനുകൾക്ക് പണം കണ്ടെത്താനാണ് ഇത്തരത്തിൽ അധികമായി ലഭിക്കുന്ന തുക, സർക്കാർ വിനിയോഗിക്കുക.

Also Read : പുതിയ സാമ്പത്തിക വർഷം, ഒരു വിദേശ യാത്ര എങ്ങനെ പ്ലാൻ ചെയ്യാം
ഇന്ധനവില
കൊച്ചിയിൽ ഒരു ലിറ്റർ പെട്രോളിന് 107.77 രൂപയും, ഡീസൽ ലിറ്ററിന് 96.69 രൂപയുമാണ് വില.
കോഴിക്കോട് പെട്രോളിന് 108.28 രൂപയും, ഡീസലിന് 97.20 രൂപയുമാണ് ഒരു ലിറ്ററിന്റെ വില. തിരുവനന്തപുരത്ത് ഒരു ലിറ്റർ പെട്രോളിന് 109.73 രൂപയും, ഒരു ലിറ്റർ ഡീസലിന് 97.20 രൂപയുമാണ് വില നിലവാരം.

മുംബൈയിൽ ഒരു ലിറ്റർ പെട്രോളിന് 106.31 രൂപയും, ഡീസൽ ലിറ്ററിന് 94.27 രൂപയുമാണ് വില. ന്യൂഡൽഹിയിൽ ഒരു ലിറ്റർ പെട്രോളിന് 96.72 രൂപയും, ഡീസൽ 89.62 രൂപയുമാണ്.

Also Read : പബ്ലിക് പ്രോവിഡന്റ് ഫണ്ടിൽ ധൈര്യത്തോടെ നിക്ഷേപം നടത്താം; 5 നേട്ടങ്ങൾ ഇവയാണ്
ക്രൂഡ് ഓയിൽ വില ഇടിയുമ്പോഴും ഇന്ത്യയിലെ എണ്ണക്കമ്പനികൾ മാസങ്ങളായി ഇന്ധന വിലയിൽ മാറ്റം വരുത്താൻ തയ്യാറായിട്ടില്ല. മുമ്പുണ്ടായിരുന്ന നഷ്ടം നികത്തുക എന്ന ലക്ഷ്യത്തോടെയാണിത്. കേന്ദ്ര സര്‍ക്കാര്‍, പെട്രോൾ, ഡീസൽ തീരുവ കുറച്ചതിന് ശേഷം കഴിഞ്ഞ ഏതാനും മാസങ്ങളായി രാജ്യത്തെ ഇന്ധന വിലയിൽ മാറ്റമുണ്ടായിട്ടില്ല.

രാജ്യാന്തര വിപണിയിലെ ക്രൂഡ് ഓയിൽ വില, രൂപയുടെ വിനിമയ നിരക്ക് തുടങ്ങിയവയ്ക്കനുസരിച്ചാണ്, എണ്ണക്കമ്പനികൾ ഇന്ത്യയിലെ ഇന്ധന വില നിശ്ചയിക്കുന്നത്.

രൂപ
ഡോളറിനെതിരെ 82.14 എന്ന നിലവാരത്തിലാണ് രൂപയുടെ ഇപ്പോഴത്തെ വിനിമയനിരക്ക്.

ഇന്ധനവില ഒറ്റ നോട്ടത്തിൽ


Read Latest Business News and Malayalam News