Petrol Diesel Price Today:അന്താരാഷ്ട്ര എണ്ണവില ഇടിഞ്ഞു

ജർമ്മനിയിലെ ഫോസിൽ ഇന്ധന കമ്പനികൾക്ക് വിൻഡ്ഫാൾ ടാക്സ് ഏർപ്പെടുത്തും. 33% നികുതിയാണ് ഏർപ്പെടുത്തുന്നത്.

ക്രൂഡ് ഓയിൽ വില
ക്രൂഡ് ഓയിൽ വിലയിൽ കഴിഞ്ഞ വ്യാപാര ദിവസം ക്ലോസ് ചെയ്ത വിലയേക്കാള്‍ ഇടിവ്. രാജ്യാന്തര വിപണിയിൽ ക്രൂഡ് ഓയിൽ, ബാരലിന് 85.22 ഡോളറിലാണ് നിലവിൽ ഈ ലേഖനം തയ്യാറാക്കുമ്പോൾ വ്യാപാരം നടക്കുന്നത്.

ഉയരുന്ന പണപ്പെരുപ്പത്തെ നേരിടുന്നതിനായി മെയ് 21 നാണ് കേന്ദ്ര ധനമന്ത്രി നിർമലാ സീതാരാമൻ നികുതി ഇളവുകൾ പ്രഖ്യാപിച്ചത്. എക്സൈസ് തീരുവ കുറച്ചതോടെ പെട്രോൾ ലിറ്ററിന് എട്ട് രൂപയും, ഡീസൽ ലിറ്ററിന് ആറ് രൂപയും കുറഞ്ഞിരുന്നു. ഇതോടെ പെട്രോൾ ലിറ്ററിന് 9.50 രൂപ, ഡീസൽ ലിറ്ററിന് ഏഴു രൂപ എന്ന തോതിൽ വില കുറഞ്ഞിരുന്നു.

ഭാരത് പെട്രോളിയം കോർപ്പറേഷൻ ലിമിറ്റഡ് (ബിപിസിഎൽ), ഇന്ത്യൻ ഓയിൽ കോർപ്പറേഷൻ ലിമിറ്റഡ് (ഐഒസിഎൽ), ഹിന്ദുസ്ഥാൻ പെട്രോളിയം കോർപ്പറേഷൻ ലിമിറ്റഡ് (എച്ച്പിസിഎൽ) എന്നിവയുൾപ്പെടെ പൊതുമേഖലാ ഒഎംസികൾ അന്താരാഷ്‌ട്ര ബെഞ്ച്മാർക്ക് വിലകൾക്കും വിദേശ വിനിമയ നിരക്കുകൾക്കും അനുസൃതമായിട്ടാണ് ഇന്ധനവില എല്ലാ ദിവസവും പരിഷ്കരിക്കുന്നത്.

ക്രമാതീതമായി ഇന്ധനവില വർധിച്ചതിനെ തുടർന്ന് കേന്ദ്രത്തിനു പിന്നാലെ കേരളത്തിൽ സർക്കാരും ഇന്ധന നികുതി കുറച്ചിരുന്നു. പെട്രോൾ ടാക്സ് 2.41 രൂപയും, ഡീസലിന് 1.36 രൂപയുമാണ് കുറച്ചത്. ഇതോടെ സംസ്ഥാനത്ത് പെട്രോൾ ലിറ്ററിന് 10.52 രൂപയും, ഡീസൽ ലിറ്ററിന് 7.40 രൂപയും വില കുറഞ്ഞിരുന്നു.

പ്രധാന നഗരങ്ങളിലെ ഇന്ധനവില
കഴിഞ്ഞ ഏതാനും നാളുകളായി രാജ്യത്തെ പെട്രോൾ വിലയിൽ വലിയ മാറ്റമില്ല. ന്യൂഡൽഹിയിൽ ഒരു ലിറ്റർ പെട്രോളിന് 96.72 രൂപയാണ് പുതുക്കിയ വില. ഡീസൽ ലിറ്ററിന് 89.62 രൂപയിൽ വിൽപ്പന നടത്തുന്നു. മുംബൈയിൽ ഒരു ലിറ്റർ പെട്രോളിന് 106.31 രൂപയും ഡീസൽ ലിറ്ററിന് 94.27 രൂപയുമാണ്. തിരുവനന്തപുരത്ത് ഒരു ലിറ്റർ പെട്രോളിന് 107.71 രൂപയും ഡീസൽ ലിറ്ററിന് 96.52 രൂപയുമാണ് വില. കൊച്ചിയിൽ പെട്രോൾ ലിറ്ററിന് 105.38 രൂപയാണ് വില. ഡീസൽ ലിറ്ററിന് 94.38 രൂപയാണ് വില. കോഴിക്കോട് ഒരു ലിറ്റർ പെട്രോളിന് ഇന്ന് 105.82 രൂപയും ഡീസലിന് 94.82 രൂപയുമാണ് വില നിലവാരം.


Read Latest Business News and Malayalam News