ഇന്ത്യയിൽ ഇന്ധന ഉപഭോ​ഗം കുതിച്ചുയരുന്നു; പുതിയ ക്രൂഡ് ഓയിൽ വില അറിയാം

Today Petrol Diesel Price : ഇന്ത്യയിലെ ഇന്ധന ഉപഭോഗം കുതിച്ചുയർന്നതായി ഔദ്യോഗിക കണക്കുകൾ. ഇക്കഴിഞ്ഞ നവംബറിൽ 10.2% വർധനവാണ് ഉണ്ടായിരിക്കുന്നത്. കഴിഞ്ഞ വർഷം ഇതേ കാലയളവുമായി താരതമ്യം ചെയ്യുമ്പോഴുള്ള കണക്കാണിത്. ലോകത്തിൽ ക്രൂഡ് ഓയിൽ ഇറക്കുമതിയിൽ മൂന്നാം സ്ഥാനത്തു നിൽക്കുന്ന രാജ്യമാണ് ഇന്ത്യ.

ഇന്ത്യയിലെ ഗ്യാസൊലിൻ ഉപഭോഗത്തിൽ 8.1% വർധനവുണ്ട്. അതേ സമയം നാഫ്തയുടെ ഡിമാൻഡ് 18.2% താഴ്ന്നു. റോഡ് നിർമാണത്തിനുപയോഗിക്കുന്ന ബിറ്റുമിന്റെ ആവശ്യകത 30.3% വർധിച്ചു. ഇന്ത്യയിലെ ഫ്യുവൽ ഓയിൽ ഉപഭോഗം കഴിഞ്ഞ മാസം 8.4% വർധന രേഖപ്പെടുത്തി.

നവംബറിൽ ഒരു ദിവസം 1മില്യൺ ബാരൽ എന്ന തോതിൽ, റെക്കോർഡ് നിലവാരത്തിലാണ് ഇന്ത്യ, റഷ്യൻ ക്രൂഡ് ഓയിൽ ഇറക്കുമതി നടത്തിയത്.

ഡോളറിനെതിരായ വിനിമയ മൂല്യത്തിൽ രൂപ ഇടിവ് നേരിടുന്നു. നിലവിൽ, ഈ ലേഖനം തയ്യാറാക്കുമ്പോൾ, ഡോളറിനെതിരെ 82.42 എന്നതാണ് രൂപയുടെ മൂല്യം.

Also Read : റിപ്പോ നിരക്ക് വർധന; വായ്പാ നിരക്കുകൾ ഉയർത്തി പ്രമുഖ ബാങ്കുകൾ

ക്രൂഡ് ഓയിൽ വില
ക്രൂഡ് ഓയിൽ വിലയിൽ തൊട്ടുമുമ്പത്തെ വ്യാപാര ദിവസം ക്ലോസ് ചെയ്ത വിലയേക്കാള്‍ ഇടിവ്. രാജ്യാന്തര വിപണിയിൽ ക്രൂഡ് ഓയിൽ, ബാരലിന് 76.10 ഡോളറിലാണ് നിലവിൽ, ഈ ലേഖനം തയ്യാറാക്കുമ്പോൾ വ്യാപാരം നടക്കുന്നത്.

ഉയരുന്ന പണപ്പെരുപ്പത്തെ നേരിടുന്നതിനായി 2022 മെയ് 21 നാണ് കേന്ദ്ര ധനമന്ത്രി നിർമലാ സീതാരാമൻ, നികുതി ഇളവുകൾ പ്രഖ്യാപിച്ചത്. എക്സൈസ് തീരുവ കുറച്ചതോടെ പെട്രോൾ ലിറ്ററിന് 9.50 രൂപ, ഡീസൽ ലിറ്ററിന് ഏഴു രൂപ എന്ന തോതിൽ വില കുറഞ്ഞിരുന്നു.

ഇന്ധനവില വർധിച്ചതിനെ തുടർന്ന് കേന്ദ്രത്തിനു പിന്നാലെ കേരളത്തിൽ സർക്കാരും ഇന്ധന നികുതി കുറച്ചിരുന്നു. പെട്രോൾ ടാക്സ് 2.41 രൂപയും, ഡീസലിന് 1.36 രൂപയുമാണ് കുറച്ചത്. ഇതോടെ സംസ്ഥാനത്ത് പെട്രോൾ ലിറ്ററിന് 10.52 രൂപയും, ഡീസൽ ലിറ്ററിന് 7.40 രൂപയും വില കുറഞ്ഞിരുന്നു.

ഭാരത് പെട്രോളിയം കോർപ്പറേഷൻ ലിമിറ്റഡ് (ബിപിസിഎൽ), ഇന്ത്യൻ ഓയിൽ കോർപ്പറേഷൻ ലിമിറ്റഡ് (ഐഒസിഎൽ), ഹിന്ദുസ്ഥാൻ പെട്രോളിയം കോർപ്പറേഷൻ ലിമിറ്റഡ് (എച്ച്പിസിഎൽ) എന്നിവയുൾപ്പെടെ പൊതുമേഖലാ കമ്പനികൾ, അന്താരാഷ്‌ട്ര ബെഞ്ച്മാർക്ക് വിലകൾക്കും, വിദേശ വിനിമയ നിരക്കുകൾക്കും ആനുപാതികമായിട്ടാണ് ഇന്ധനവില എല്ലാ ദിവസവും പരിഷ്കരിക്കുന്നത്.

Also Read : ഇനി എല്ലാ വർഷവും വാഹന ഇൻഷുറൻസ് പുതുക്കേണ്ടതില്ല; പുതിയ നിർദേശങ്ങളുമായി ഐആർഡിഎഐ

പ്രധാന നഗരങ്ങളിലെ ഇന്ധനവില
കഴിഞ്ഞ ഏതാനും നാളുകളായി രാജ്യത്തെ പെട്രോൾ വിലയിൽ വലിയ മാറ്റമില്ല. ന്യൂഡൽഹിയിൽ ഒരു ലിറ്റർ പെട്രോളിന് 96.72 രൂപയാണ് പുതുക്കിയ വില. ഡീസൽ ലിറ്ററിന് 89.62 രൂപയിൽ വിൽപ്പന നടത്തുന്നു. മുംബൈയിൽ ഒരു ലിറ്റർ പെട്രോളിന് 106.31 രൂപയും ഡീസൽ ലിറ്ററിന് 94.27 രൂപയുമാണ്. തിരുവനന്തപുരത്ത് ഒരു ലിറ്റർ പെട്രോളിന് 107.71 രൂപയും ഡീസൽ ലിറ്ററിന് 96.52 രൂപയുമാണ് വില. കൊച്ചിയിൽ പെട്രോൾ ലിറ്ററിന് 105.38 രൂപയാണ് വില. ഡീസൽ ലിറ്ററിന് 94.38 രൂപയാണ് വില. കോഴിക്കോട് ഒരു ലിറ്റർ പെട്രോളിന് ഇന്ന് 105.82 രൂപയും ഡീസലിന് 94.82 രൂപയുമാണ് വില നിലവാരം.

Read Latest Business News and Malayalam New