ഇന്ത്യ റഷ്യൻ ഇന്ധനം വാങ്ങുന്നത് തുടരും; ഇന്നത്തെ ക്രൂഡ് ഓയിൽ വില അറിയാം

Today Petrol Diesel Price : റഷ്യൻ ഇന്ധനം വാങ്ങുന്നത് തുടരുമെന്ന് ഇന്ത്യ വ്യക്തമാക്കി. റഷ്യൻ ഇന്ധനത്തിനു മേൽ യൂറോപ്യൻ യൂണിയൻ നിശ്ചയിച്ച പ്രൈസ് ക്യാപ് ഡിസംബർ 5 മുതൽ നിലവിൽ വരാനിരിക്കെയാണ് ഇന്ത്യയുടെ പ്രതികരണം.ഒരു ബാരലിന് 60 ഡോളർ എന്ന നിരക്കിലാണ് പ്രൈസ് ക്യാപ് ഏർപ്പെടുത്തുക. പടിഞ്ഞാറൻ രാജ്യങ്ങളിലെ നിയന്ത്രണത്തിന്റെ പരിധിയിൽ രാജ്യം ഉൾപ്പെടുന്നില്ല. ഇന്ധന ഇറക്കുമതിയെ വളരെയധികം ആശ്രയിക്കുന്ന രാജ്യത്തെ സംബന്ധിച്ച് ഇറക്കുമതി തുടരുക എന്നതാണ് സാമ്പത്തികമായി യുക്തിപൂർവമായ കാര്യമെന്നും ഇന്ത്യ അറിയിച്ചു.

റഷ്യൻ ഇന്ധനത്തിന് യൂറോപ്യൻ യൂണിയൻ പ്രൈസ് ക്യാപ് നിശ്ചയിച്ചു. ഒരു ബാരലിന് 60 ഡോളർ എന്ന തോതിലാണ് പരിധി നിശ്ചയിച്ചിരിക്കുന്നത്.

ഡോളറിനെതിരായ വിനിമയ മൂല്യത്തിൽ രൂപയ്ക്ക് ഇടിവ്. നിലവിൽ, ഈ ലേഖനം തയ്യറാക്കുമ്പോൾ, ഡോളറിനെതിരെ 81.43 എന്നതാണ് രൂപയുടെ മൂല്യം.

ക്രൂഡ് ഓയിൽ വില
ക്രൂഡ് ഓയിൽ വിലയിൽ കഴിഞ്ഞ വ്യാപാര ദിവസം ക്ലോസ് ചെയ്ത വിലയേക്കാള്‍ ഇടിവ്. രാജ്യാന്തര വിപണിയിൽ ക്രൂഡ് ഓയിൽ, ബാരലിന് 85.57ഡോളറിലാണ് നിലവിൽ, ഈ ലേഖനം തയ്യാറാക്കുമ്പോൾ വ്യാപാരം നടക്കുന്നത്.

ഉയരുന്ന പണപ്പെരുപ്പത്തെ നേരിടുന്നതിനായി മെയ് 21 നാണ് കേന്ദ്ര ധനമന്ത്രി നിർമലാ സീതാരാമൻ, നികുതി ഇളവുകൾ പ്രഖ്യാപിച്ചത്. എക്സൈസ് തീരുവ കുറച്ചതോടെ പെട്രോൾ ലിറ്ററിന് 9.50 രൂപ, ഡീസൽ ലിറ്ററിന് ഏഴു രൂപ എന്ന തോതിൽ വില കുറഞ്ഞിരുന്നു.

Also Read : ജോലി നഷ്ടപ്പെട്ട നവംബർ: 38,000 ൽ അധികം ആളുകൾക്ക് തൊഴിൽ നഷ്ടപ്പെട്ടു

ഇന്ധനവില വർധിച്ചതിനെ തുടർന്ന് കേന്ദ്രത്തിനു പിന്നാലെ കേരളത്തിൽ സർക്കാരും ഇന്ധന നികുതി കുറച്ചിരുന്നു. പെട്രോൾ ടാക്സ് 2.41 രൂപയും, ഡീസലിന് 1.36 രൂപയുമാണ് കുറച്ചത്. ഇതോടെ സംസ്ഥാനത്ത് പെട്രോൾ ലിറ്ററിന് 10.52 രൂപയും, ഡീസൽ ലിറ്ററിന് 7.40 രൂപയും വില കുറഞ്ഞിരുന്നു.

ഭാരത് പെട്രോളിയം കോർപ്പറേഷൻ ലിമിറ്റഡ് (ബിപിസിഎൽ), ഇന്ത്യൻ ഓയിൽ കോർപ്പറേഷൻ ലിമിറ്റഡ് (ഐഒസിഎൽ), ഹിന്ദുസ്ഥാൻ പെട്രോളിയം കോർപ്പറേഷൻ ലിമിറ്റഡ് (എച്ച്പിസിഎൽ) എന്നിവയുൾപ്പെടെ പൊതുമേഖലാ കമ്പനികൾ, അന്താരാഷ്‌ട്ര ബെഞ്ച്മാർക്ക് വിലകൾക്കും, വിദേശ വിനിമയ നിരക്കുകൾക്കും അനുസൃതമായിട്ടാണ് ഇന്ധനവില എല്ലാ ദിവസവും പരിഷ്കരിക്കുന്നത്.

പ്രധാന നഗരങ്ങളിലെ ഇന്ധനവില
കഴിഞ്ഞ ഏതാനും നാളുകളായി രാജ്യത്തെ പെട്രോൾ വിലയിൽ വലിയ മാറ്റമില്ല. ന്യൂഡൽഹിയിൽ ഒരു ലിറ്റർ പെട്രോളിന് 96.72 രൂപയാണ് പുതുക്കിയ വില. ഡീസൽ ലിറ്ററിന് 89.62 രൂപയിൽ വിൽപ്പന നടത്തുന്നു. മുംബൈയിൽ ഒരു ലിറ്റർ പെട്രോളിന് 106.31 രൂപയും ഡീസൽ ലിറ്ററിന് 94.27 രൂപയുമാണ്. തിരുവനന്തപുരത്ത് ഒരു ലിറ്റർ പെട്രോളിന് 107.71 രൂപയും ഡീസൽ ലിറ്ററിന് 96.52 രൂപയുമാണ് വില. കൊച്ചിയിൽ പെട്രോൾ ലിറ്ററിന് 105.38 രൂപയാണ് വില. ഡീസൽ ലിറ്ററിന് 94.38 രൂപയാണ് വില. കോഴിക്കോട് ഒരു ലിറ്റർ പെട്രോളിന് ഇന്ന് 105.82 രൂപയും ഡീസലിന് 94.82 രൂപയുമാണ് വില നിലവാരം.

Read Latest Business News and Malayalam News