Today Petrol Diesel Price :ഇന്ത്യ ലോകത്തെ ഏറ്റവും വലിയ മൂന്നാമത്തെ കാർവിപണി; ആ​ഗോള ഇന്ധനവില അറിയാം

ഇന്ത്യ, ജപ്പാനെ മറികടന്ന് ലോകത്തിലെ ഏറ്റവും വലിയ മൂന്നാമത്തെ കാർ വിപണിയായി മാറി. 2022 ൽ 4.25 മില്യൺ യൂണിറ്റുകളാണ് രാജ്യത്ത് വിറ്റഴിച്ചത്. ഇതേ സമയം ജപ്പാനിൽ 4.2 മില്യൺ യൂണിറ്റ് വില്പനയാണ് നടന്നത്. 2021 ൽ നടന്ന വില്പനയിൽ നിന്ന് 5.6% ഇടിവാണ് ജപ്പാനിലെ വില്പനയിൽ നടന്നത്. ജനുവരി മുതൽ നവംബർ വരെയുള്ള കാലയളവിൽ 4.13 മില്യൺ പുതിയ വാഹനങ്ങളാണ് ഇന്ത്യയിൽ വില്പന നടന്നത്. ഇന്ത്യയിൽ നടന്ന ഇയർ എൻഡ് വില്പനയുടെ കണക്കുകളുടെ വ്യക്തമായ ചിത്രം ഇനിയും ലഭിക്കാനിരിക്കുന്നതേയുള്ളൂ.

ക്രൂഡ് ഓയിൽ വില 79 ഡോളർ നിലവാരത്തിലാണ് ഇപ്പോൾ വ്യാപാരം നടക്കുന്നത്.

ചൈനയിലെ ഓയിൽ ഡിമാൻഡ് വർധിക്കുന്നതായി റിപ്പോർട്ടുകൾ. രാജ്യത്തേക്കുള്ള ക്രൂഡ് ഓയിൽ ഇറക്കുമതിയിലും ഇതേ തുടർന്ന് വർധന രേഖപ്പെടുത്തി.

Also Read : ആമസോണിൽ 50-70% വിലക്കുറവ്; ഫാഷൻ, ബ്യൂട്ടി കെയർ ഉല്പന്നങ്ങൾ സ്വന്തമാക്കാം

സംസ്ഥാനത്തും രാജ്യത്തെ പ്രധാന നഗരങ്ങളിലും പെട്രോൾ, ഡീസൽ വിലയിൽ മാറ്റമില്ല. തിരുവനന്തപുരത്ത് ഒരു ലിറ്റർ പെട്രോളിന് 107.71 രൂപയും ഡീസൽ ലിറ്ററിന് 96.52 രൂപയുമാണ് വില. കൊച്ചിയിൽ പെട്രോൾ ലിറ്ററിന് 105.38 രൂപയാണ് വില. ഡീസൽ ലിറ്ററിന് 94.38 രൂപയാണ് വില. കോഴിക്കോട് ഒരു ലിറ്റർ പെട്രോളിന് ഇന്ന് 105.82 രൂപയും ഡീസലിന് 94.82 രൂപയുമാണ് വില. ന്യൂഡൽഹിയിൽ ഒരു ലിറ്റർ പെട്രോളിന് 96.72 രൂപയാണ് പുതുക്കിയ വില. ഡീസൽ ലിറ്ററിന് 89.62 രൂപയിൽ വിൽപ്പന നടത്തുന്നു. മുംബൈയിൽ ഒരു ലിറ്റർ പെട്രോളിന് 106.31 രൂപയും ഡീസൽ ലിറ്ററിന് 94.27 രൂപയുമാണ്.

ഏതാനും നാളുകളായി ഇന്ത്യയിൽ ഒരേ നിരക്കിലാണ് ഇന്ധനവില. കുതിച്ചുയരുന്ന പണപ്പെരുപ്പത്തെ നേരിടുന്നതിനായി 2022 മെയ് 21 ന് കേന്ദ്ര ധനമന്ത്രി നിർമലാ സീതാരാമൻ, നികുതി ഇളവുകൾ പ്രഖ്യാപിച്ചിരുന്നു. എക്സൈസ് തീരുവ കുറച്ചതോടെ പെട്രോൾ ലിറ്ററിന് 9.50 രൂപ, ഡീസൽ ലിറ്ററിന് ഏഴു രൂപ എന്ന തോതിൽ വില കുറഞ്ഞിരുന്നു. ഇതോടെ രാജ്യത്തെ ഇന്ധന വിലയുടെ കയറ്റം ഒരു പരിധി വരെ തടയിടാനായി. ഇന്ധനവില വർധിച്ചതിനെ തുടർന്ന് കേന്ദ്രത്തിനു പിന്നാലെ കേരളത്തിൽ സർക്കാരും ഇന്ധന നികുതി കുറച്ചിരുന്നു. പെട്രോൾ ടാക്സ് 2.41 രൂപയും, ഡീസലിന് 1.36 രൂപയുമാണ് കുറച്ചത്. ഇതോടെ സംസ്ഥാനത്ത് പെട്രോൾ ലിറ്ററിന് 10.52 രൂപയും, ഡീസൽ ലിറ്ററിന് 7.40 രൂപയും വില കുറഞ്ഞിരുന്നു.

ഭാരത് പെട്രോളിയം കോർപ്പറേഷൻ ലിമിറ്റഡ് ബിപിസിഎൽ, ഇന്ത്യൻ ഓയിൽ കോർപ്പറേഷൻ ലിമിറ്റഡ് (ഐഒസിഎൽ), ഹിന്ദുസ്ഥാൻ പെട്രോളിയം കോർപ്പറേഷൻ ലിമിറ്റഡ് (എച്ച്പിസിഎൽ) എന്നിവയുൾപ്പെടെ പൊതുമേഖലാ കമ്പനികൾ, അന്താരാഷ്‌ട്ര ക്രൂഡ് ബെഞ്ച്മാർക്ക് വിലകൾക്കും, വിദേശ വിനിമയ നിരക്കുകൾക്കും ആനുപാതികമായിട്ടാണ് ഇന്ധനവില പരിഷ്കരിക്കുന്നത്.

രൂപ
ഡോളറിനെതിരെ 82. 18 എന്ന നിലവാരത്തിലാണ് രൂപയുടെ വിനിമയനിരക്ക്. ‍നേരിയ ഇടിവാണ് പ്രകടമാകുന്നത്.

Read Latest Business News and Malayalam News