Today Petrol Diesel Price : ആ​ഗോള ഇന്ധനവിലയിൽ ഇടിവ്

ആഗോള തലത്തിൽ അസംസ്കൃത എണ്ണവിലയിൽ ഇടിവ്. ക്രൂഡ് ഓയിൽ ബാരലിന് 79.52 ഡോളർ നിലവാരത്തിലാണ് ഇപ്പോൾ വ്യാപാരം പുരോഗമിക്കുന്നത്.

അമേരിക്കൻ ക്രൂ‍ഡ് ഓയിൽ ഇൻവെന്ററികളിലുണ്ടായ അപ്രതീക്ഷിത വർധനവിനെ തുടർന്ന് യുഎസിലെ ഓയിൽവ വില ഇടിഞ്ഞു.

സംസ്ഥാനത്തും,രാജ്യത്തെ പ്രധാന നഗരങ്ങളിലും പെട്രോൾ, ഡീസൽ വിലയിൽ മാറ്റമില്ല. തിരുവനന്തപുരത്ത് ഒരു ലിറ്റർ പെട്രോളിന് 107.71 രൂപയും ഡീസൽ ലിറ്ററിന് 96.52 രൂപയുമാണ് വില. കൊച്ചിയിൽ പെട്രോൾ ലിറ്ററിന് 105.38 രൂപയാണ് വില. ഡീസൽ ലിറ്ററിന് 94.38 രൂപയാണ് വില. കോഴിക്കോട് ഒരു ലിറ്റർ പെട്രോളിന് ഇന്ന് 105.82 രൂപയും ഡീസലിന് 94.82 രൂപയുമാണ് വില. ന്യൂഡൽഹിയിൽ ഒരു ലിറ്റർ പെട്രോളിന് 96.72 രൂപയാണ് പുതുക്കിയ വില. ഡീസൽ ലിറ്ററിന് 89.62 രൂപയിൽ വിൽപ്പന നടത്തുന്നു. മുംബൈയിൽ ഒരു ലിറ്റർ പെട്രോളിന് 106.31 രൂപയും ഡീസൽ ലിറ്ററിന് 94.27 രൂപയുമാണ്.

Also Read : ആമസോണിൽ 50-70% വിലക്കുറവ്; ഫാഷൻ, ബ്യൂട്ടി കെയർ ഉല്പന്നങ്ങൾ സ്വന്തമാക്കാം

ഏതാനും നാളുകളായി ഇന്ത്യയിൽ ഒരേ നിരക്കിലാണ് ഇന്ധനവില. കുതിച്ചുയരുന്ന പണപ്പെരുപ്പത്തെ നേരിടുന്നതിനായി 2022 മെയ് 21 ന് കേന്ദ്ര ധനമന്ത്രി നിർമലാ സീതാരാമൻ, നികുതി ഇളവുകൾ പ്രഖ്യാപിച്ചിരുന്നു. എക്സൈസ് തീരുവ കുറച്ചതോടെ പെട്രോൾ ലിറ്ററിന് 9.50 രൂപ, ഡീസൽ ലിറ്ററിന് ഏഴു രൂപ എന്ന തോതിൽ വില കുറഞ്ഞിരുന്നു. ഇതോടെ രാജ്യത്തെ ഇന്ധന വിലയുടെ കയറ്റം ഒരു പരിധി വരെ തടയിടാനായി. ഇന്ധനവില വർധിച്ചതിനെ തുടർന്ന് കേന്ദ്രത്തിനു പിന്നാലെ കേരളത്തിലെ സർക്കാരും ഇന്ധന നികുതി കുറച്ചിരുന്നു. പെട്രോൾ ടാക്സ് 2.41 രൂപയും, ഡീസലിന് 1.36 രൂപയുമാണ് കുറച്ചത്. ഇതോടെ സംസ്ഥാനത്ത് പെട്രോൾ ലിറ്ററിന് 10.52 രൂപയും, ഡീസൽ ലിറ്ററിന് 7.40 രൂപയും വില കുറഞ്ഞിരുന്നു.

ഭാരത് പെട്രോളിയം കോർപ്പറേഷൻ ലിമിറ്റഡ് ബിപിസിഎൽ, ഇന്ത്യൻ ഓയിൽ കോർപ്പറേഷൻ ലിമിറ്റഡ് (ഐഒസിഎൽ), ഹിന്ദുസ്ഥാൻ പെട്രോളിയം കോർപ്പറേഷൻ ലിമിറ്റഡ് (എച്ച്പിസിഎൽ) എന്നിവയുൾപ്പെടെ പൊതുമേഖലാ കമ്പനികൾ, അന്താരാഷ്‌ട്ര ക്രൂഡ് ബെഞ്ച്മാർക്ക് വിലകൾക്കും, വിദേശ വിനിമയ നിരക്കുകൾക്കും ആനുപാതികമായിട്ടാണ് ഇന്ധനവില പരിഷ്കരിക്കുന്നത്.

രൂപ
ഡോളറിനെതിരെ 81.70 എന്ന നിലവാരത്തിലാണ് രൂപയുടെ വിനിമയനിരക്ക്. ‍നേരിയ ഇടിവാണ് പ്രകടമാകുന്നത്.

ഇന്ധനവില ഒറ്റനോട്ടത്തിൽ

Read Latest Business News and Malayalam News