ആ​ഗോള ക്രൂഡ് ഓയിൽ വില വർധിച്ചു

Petrol Diesel Rate : കൊച്ചി: അന്താരാഷ്ട്ര തലത്തിൽ ക്രൂഡ് ഓയിൽ വില വർധിച്ചു. ബാരലിന് 82.78 ഡോളറാണ് ഇപ്പോഴത്തെ നിലവാരം. ഇന്ത്യയിലെ പ്രധാന നഗരങ്ങളിലും, സംസ്ഥാനത്തും ഇന്ധന വില, നാളുകളായി മാറ്റമില്ലാതെ തുടരുകയാണ്.

സൗദി അറേബ്യയും, ഇറാനും നയതന്ത്ര ബന്ധം പുന:സ്ഥാപിക്കാൻ തീരുമാനിച്ചു. ഇതോടനുബന്ധിച്ച് എംബസികളുടെ പ്രവർത്തനം പുനരാരംഭിക്കാനും, പ്രത്യേക ലക്ഷ്യങ്ങൾക്ക് വേണ്ടി ഒരുമിച്ച് പ്രവർത്തിക്കാനും ധാരണയായി. നാളുകളായി ഇരു രാജ്യങ്ങളും തമ്മിൽ അഭിപ്രായ വ്യത്യാസം നിലനിന്നിരുന്നു.

ഇന്ധനവില
കൊച്ചിയിൽ ഒരു ലിറ്റർ പെട്രോളിന് 105.38 രൂപയാണ് വില. ഡീസൽ ലിറ്ററിന് 94.38 രൂപയുമാണ്. കോഴിക്കോട് ഒരു ലിറ്റർ പെട്രോളിന് ഇന്ന് 105.82 രൂപയും, ഡീസലിന് 94.82 രൂപയുമാണ്. തിരുവനന്തപുരത്ത് ഒരു ലിറ്റർ പെട്രോളിന് 107.71 രൂപയും, ഒരു ലിറ്റർ ഡീസലിന് 96.52 രൂപയുമാണ് വില.

Also Read : Bill Gates :ഇന്ത്യയിലെത്തി ഇ-ഓട്ടോ ഓടിച്ച് ബിൽ ​ഗേറ്റ്സ്; മത്സരയോട്ടം നടത്താൻ വെല്ലുവിളിച്ച് ആനന്ദ് മഹീന്ദ്ര
ന്യൂഡൽഹിയിൽ ഒരു ലിറ്റർ പെട്രോളിന് 96.72 രൂപയാണ് വില. ഡീസൽ ഒരു ലിറ്ററിന് 89.62 രൂപയിൽ വിൽപ്പന നടത്തുന്നു. മുംബൈയിൽ ഒരു ലിറ്റർ പെട്രോളിന് 106.31 രൂപയും, ഡീസൽ ലിറ്ററിന് 94.27 രൂപയുമാണ് വില.

കേന്ദ്ര സര്‍ക്കാര്‍, പെട്രോൾ, ഡീസൽ തീരുവ കുറച്ചതിന് ശേഷം ഏതാനും നാളുകളായി രാജ്യത്ത് ഇന്ധന വില മാറ്റമില്ലാതെ തുടരുന്നു. രാജ്യാന്തര വിപണിയിലെ ക്രൂഡ് ഓയിൽ വില, രൂപയുടെ വിനിമയ നിരക്ക് തുടങ്ങിയവയ്ക്കനുസരിച്ചാണ് ഇന്തയിലെ ഇന്ധന വില നിശ്ചയിക്കുന്നത്.

ക്രൂഡ് ഓയിൽ വില ഇടിയുമ്പോഴും ഇന്ത്യയിലെ എണ്ണക്കമ്പനികൾ നാളുകളായി ഇന്ധന വിലയിൽ മാറ്റം വരുത്തിയിട്ടില്ല. മുമ്പുണ്ടായിരുന്ന നഷ്ടം നികത്തുക എന്ന ലക്ഷ്യത്തോടെയാണിത്. ഇപ്പോഴും ഈ നില തുടരുകയാണ്.

രൂപ
ഡോളറിനെതിരെ 81.96 എന്ന നിലവാരത്തിൽ വർധനവിലാണ് രൂപയുടെ ഇപ്പോഴത്തെ വിനിമയനിരക്ക്.

ഇന്ധനവില ഒറ്റ നോട്ടത്തിൽ

Read Latest Business News and Malayalam News