Petrol Price Today : ചൈനീസ് സമ്പദ് വ്യവസ്ഥ ഉണരുന്നു; ഇന്ധന ഡിമാൻഡ് വർധിക്കുമെന്ന് വിലയിരുത്തൽ

Petrol Diesel Rate : കൊച്ചി: അസംസ്കൃത എണ്ണവില വർധിച്ചു. ബാരലിന് 84.37 ഡോളറാണ് ഇപ്പോഴത്തെ നിലവാരം. ഇന്ത്യയിലെ പ്രധാന നഗരങ്ങളിലും, സംസ്ഥാനത്തും നിലവിൽ ഇന്ധന വിലയിൽ മാറ്റമില്ല.

ചൈനയുടെ സമ്പദ് വ്യവസ്ഥ തിരിച്ചു വരുന്നതോടെ ഓയിൽ ഡിമാൻഡ് വർധിക്കുമെന്ന് വിലയിരുത്തൽ. ഉല്പാദനം, നിർമാണം, കയറ്റുമതി തുടങ്ങിയ മേഖലകളിൽ വലിയ വളർച്ചയാണ് ഫെബ്രുവരിയിൽ പ്രകടമായത്. ലോകത്തിൽ ഏറ്റവും കൂടുതൽ ക്രൂഡ് ഓയിൽ ഇറക്കുമതി ചെയ്യുന്ന രാജ്യമാണ് ചൈന. കോവിഡിനു ശേഷം പ്രതീക്ഷിച്ചതിലും വേഗത്തിലാണ് ചൈനീസ് സമ്പദ് വ്യവസ്ഥ തിരിച്ചു വരവിന്റ ലക്ഷണങ്ങൾ പ്രകടമാക്കുന്നത്. ഇതും ഓയിൽ ഡിമാൻഡ് വർധിപ്പിക്കുമെന്ന വിലയിരുത്തലിന് പ്രധാന കാരണമാണ്.

ന്യൂഡൽഹിയിൽ ഒരു ലിറ്റർ പെട്രോളിന് 96.72 രൂപയാണ് പുതുക്കിയ വില. ഡീസൽ ലിറ്ററിന് 89.62 രൂപയിൽ വിൽപ്പന നടത്തുന്നു. മുംബൈയിൽ ഒരു ലിറ്റർ പെട്രോളിന് 106.31 രൂപയും, ഡീസൽ ലിറ്ററിന് 94.27 രൂപയുമാണ് വില.

Also Read : LPG Cylinder Price: പാചകവാതക വിലയിൽ ഇരുട്ടടി; വില വർധന നിലവിൽ വന്നു
കൊച്ചിയിൽ പെട്രോൾ ഒരു ലിറ്ററിന് 105.38 രൂപയും, ഡീസൽ ലിറ്ററിന് 94.38 രൂപയുമാണ്. കോഴിക്കോട് ഒരു ലിറ്റർ പെട്രോളിന് ഇന്ന് 105.82 രൂപയും, ഡീസലിന് 94.82 രൂപയുമാണ് വില. തിരുവനന്തപുരത്ത് ഒരു ലിറ്റർ പെട്രോളിന് 107.71 രൂപയാണ്. ഒരു ലിറ്റർ ഡീസലിന് 96.52 രൂപയുമാണ് വില നിലവാരം.

ക്രൂഡ് ഓയിൽ വില ഇടിയുമ്പോഴും ഇന്ത്യയിലെ എണ്ണക്കമ്പനികൾ പെട്രോൾ, ഡീസൽ വിലയിൽ മാറ്റം വരുത്തിയിട്ടില്ല. മുമ്പുണ്ടായിരുന്ന നഷ്ടം നികത്തുക എന്ന ലക്ഷ്യത്തോടെയാണിത്.

കേന്ദ്ര സര്‍ക്കാര്‍, പെട്രോൾ, ഡീസൽ തീരുവ കുറച്ചതിന് ശേഷം ഏതാനും നാളുകളായി ഇന്ത്യയിലെ ഇന്ധന വില മാറ്റമില്ലാതെ തുടരുകയാണ്. രാജ്യാന്തര വിപണിയിലെ ക്രൂഡ് ഓയിൽ വില, രൂപയുടെ വിനിമയ നിരക്ക് തുടങ്ങിയവയ്ക്കനുസരിച്ചാണ് രാജ്യത്ത് ഇന്ധന വില നിശ്ചയിക്കുന്നത്.

രൂപ
ഡോളറിനെതിരെ 82.52 എന്ന നിലവാരത്തിൽ നേരിയ വർധനവിലാണ് രൂപയുടെ ഇപ്പോഴത്തെ വിനിമയനിരക്ക്.


ഇന്ധനവില ഒറ്റ നോട്ടത്തിൽ

Read Latest Business News and Malayalam News