Petrol Price Today : ഇന്ധനത്തിൽ‌ നിന്നുള്ള വരുമാനത്തിൽ ഇടിവ് നേരിട്ട് റഷ്യ

Petrol Diesel Rate : കൊച്ചി: ആഗോള എണ്ണവില വർധിച്ചു. ബാരലിന് 85.83 ഡോളറാണ് ഇപ്പോഴത്തെ നിലവാരം. രാജ്യത്തെ പ്രധാന നഗരങ്ങളിലും, സംസ്ഥാനത്തും നിലവിൽ ഇന്ധന വിലയിൽ മാറ്റമില്ല.

റഷ്യയുടെ, ഇന്ധനത്തിൽ നിന്നുള്ള നികുതി വരുമാനം ഫെബ്രുവരിയിൽ 48% ഇടിവ് രേഖപ്പെടുത്തിയതായി കണക്കുകൾ. യൂറോപ്യൻ യൂണിയന്റെ നിരോധനവും, പ്രൈസ് ക്യാപ്പുമാണ് ഇതിന് പ്രധാന കാരണങ്ങൾ. വാർഷികാടിസ്ഥാനത്തിൽ പരിശോധിക്കുമ്പോൾ, ഓയിൽ, നാചുറൽ ഗ്യാസ് എന്നിവയിൽ നിന്നുള്ള നികുതി വരുമാനത്തിൽ 6.9 ബില്യൺ യുഎസ് ഡോളറിന്റെ ഇടിവാണുള്ളത്. വെള്ളിയാഴ്ച, റഷ്യൻ ധനകാര്യ മന്ത്രാലയം പുറത്തു വിട്ട ഡാറ്റ പ്രകാരമുള്ള കണക്കുകളാണിത്.

തിരുവനന്തപുരത്ത് ഒരു ലിറ്റർ പെട്രോളിന് 107.71 രൂപയാണ്. ഒരു ലിറ്റർ ഡീസലിന് 96.52 രൂപയുമാണ് വില നിലവാരം. കൊച്ചിയിൽ പെട്രോൾ ഒരു ലിറ്ററിന് 105.38 രൂപയും, ഡീസൽ ലിറ്ററിന് 94.38 രൂപയുമാണ്. കോഴിക്കോട് ഒരു ലിറ്റർ പെട്രോളിന് ഇന്ന് 105.82 രൂപയും, ഡീസലിന് 94.82 രൂപയുമാണ് വില.

Also Read : അദാനി ഓഹരികൾ പകരം വെക്കാനില്ലാത്തവയെന്ന് വിലയിരുത്തൽ; 15,446 കോടി ഇറക്കി അ​ദാനിയെ 'രക്ഷിച്ച' രാജീവ് ജെയിൻ
ന്യൂഡൽഹിയിൽ ഒരു ലിറ്റർ പെട്രോളിന് 96.72 രൂപയാണ് പുതുക്കിയ വില. ഡീസൽ ലിറ്ററിന് 89.62 രൂപയിൽ വിൽപ്പന നടത്തുന്നു. മുംബൈയിൽ ഒരു ലിറ്റർ പെട്രോളിന് 106.31 രൂപയും, ഡീസൽ ലിറ്ററിന് 94.27 രൂപയുമാണ് വില.

ക്രൂഡ് ഓയിൽ വില ഇടിയുമ്പോഴും ഇന്ത്യയിലെ എണ്ണക്കമ്പനികൾ നാളുകളായി ഇന്ധന വിലയിൽ മാറ്റം വരുത്തിയിട്ടില്ല. മുമ്പുണ്ടായിരുന്ന നഷ്ടം നികത്തുക എന്ന ലക്ഷ്യത്തോടെയാണിത്.

രാജ്യാന്തര വിപണിയിലെ ക്രൂഡ് ഓയിൽ വില, രൂപയുടെ വിനിമയ നിരക്ക് തുടങ്ങിയവയ്ക്കനുസരിച്ചാണ് രാജ്യത്ത് ഇന്ധന വില നിശ്ചയിക്കുന്നത്. കേന്ദ്ര സര്‍ക്കാര്‍, പെട്രോൾ, ഡീസൽ തീരുവ കുറച്ചതിന് ശേഷം ഏതാനും നാളുകളായി ഇന്ത്യയിലെ ഇന്ധന വില മാറ്റമില്ലാതെ തുടരുകയാണ്.

രൂപ
ഡോളറിനെതിരെ 81.71 എന്ന നിലവാരത്തിൽ നേരിയ വർധനവിലാണ് രൂപയുടെ ഇപ്പോഴത്തെ വിനിമയനിരക്ക്.

ഇന്ധനവില ഒറ്റ നോട്ടത്തിൽ

Read Latest Business News and Malayalam News