Petrol Diesel Rate News : ഡോളർ കരുത്തു കാട്ടുന്നു; ആ​ഗോള ഇന്ധനവില ഇടിയുന്നു

Petrol Diesel Rate News : കൊച്ചി: ആഗോള എണ്ണവില ഇടിഞ്ഞു. ബാരലിന് 82.67 ഡോളറാണ് ഇപ്പോഴത്തെ വിലനിലവാരം.യുഎസിലെ ബാങ്കിങ് രംഗത്തെ തകർച്ച കാരണം 80 ഡോളറിന് താഴേക്ക് കഴിഞ്ഞ മാസം ക്രൂ‍ഡ് ഓയിൽ വില ഇടിഞ്ഞിരുന്നു. ‌

ഈയാഴ്ച്ച തുടർച്ചയായി ക്രൂഡ് ഓയിൽ വില ഇടിയുന്ന പ്രവണതയാണുള്ളത്. യുഎസ് ഡോളർ ശക്തി പ്രാപിക്കുന്നത് ഇന്ധനവിലയെ പ്രതികൂലമായി ബാധിക്കുന്നുണ്ട്. മെയ് ആദ്യവാരം നടക്കുന്ന യുഎസ് ഫെഡ് നയ തീരുമാനത്തെ സംബന്ധിച്ച ആശങ്കയാണ് ഡോളർ ശക്തി പ്രാപിക്കാൻ പ്രധാന കാരണം. ആഗോള ഇന്ധനവില ഇടിഞ്ഞതോടെ ഒപക് പ്ലസിന്റെ ഇന്ധന വരുമാനത്തിലും ഇടിവുണ്ടായി.


ഇന്ധനവില
കൊച്ചിയിൽ ഒരു ലിറ്റർ പെട്രോളിന് 107.77 രൂപയും, ഡീസൽ, ലിറ്ററിന് 96.69 രൂപയുമാണ്. തിരുവനന്തപുരത്ത് പെട്രോളിന് 109.73 രൂപയും, ഡീസലിന് 97.20 രൂപയുമാണ് വില നിലവാരം. കോഴിക്കോട് ഒരു ലിറ്റർ പെട്രോളിന് 108.28 രൂപയും, ഡീസലിന് 97.20 രൂപയുമാണ് വില.

മുംബൈയിൽ ഒരു ലിറ്റർ പെട്രോളിന് 106.31 രൂപയും, ഡീസൽ ലിറ്ററിന് 94.27 രൂപയുമാണ് ഇപ്പോഴത്തെ വില. ന്യൂഡൽഹിയിൽ ഒരു ലിറ്റർ പെട്രോളിന് 96.72 രൂപയും, ഡീസൽ 89.62 രൂപയുമാണ്.

Also Read : ഇന്ന് മുകേഷ് അംബാനിയുടെ ജന്മദിനം; കഴിഞ്ഞ 10 വർഷങ്ങളിൽ സമ്പത്ത് വർധിച്ചത് ഇങ്ങനെ
സംസ്ഥാന സർക്കാർ കഴിഞ്ഞ ബജറ്റിൽ പ്രഖ്യാപിച്ച സെസ്, ഇന്ധനത്തിന് ബാധകമായതോടെ,2023 ഏപ്രിൽ 1 മുതൽ കേരളത്തിൽ പെട്രോൾ-ഡീസൽ വില വർധിച്ചിരുന്നു. രാജ്യാന്തര വിപണിയിലെ ക്രൂഡ് ഓയിൽ വില, രൂപയുടെ വിനിമയ നിരക്ക് തുടങ്ങിയവയ്ക്കനുസരിച്ചാണ്, എണ്ണക്കമ്പനികൾ രാജ്യത്തെ ഇന്ധന വില നിശ്ചയിക്കുന്നത്.

കേന്ദ്ര സര്‍ക്കാര്‍, പെട്രോൾ, ഡീസൽ തീരുവ കുറച്ചതിന് ശേഷം കഴിഞ്ഞ ഏതാനും മാസങ്ങളായി രാജ്യത്തെ ഇന്ധന വിലയിൽ മാറ്റമുണ്ടായിട്ടില്ല. ക്രൂഡ് ഓയിൽ വില ഇടിയുന്ന സാഹചര്യങ്ങളിലും ഇന്ത്യയിലെ എണ്ണക്കമ്പനികൾ, മാസങ്ങളായി ഇന്ധന വിലയിൽ മാറ്റം വരുത്താൻ തയ്യാറായിട്ടില്ല. നേരത്തെയുണ്ടായിരുന്ന നഷ്ടം നികത്തുക എന്ന ലക്ഷ്യത്തോടെയാണിത്.

രൂപ
ഡോളറിനെതിരെ 82.25 എന്ന നിലവാരത്തിലാണ് രൂപയുടെ ഇപ്പോഴത്തെ വിനിമയനിരക്ക്.

ഇന്ധനവില ഒറ്റ നോട്ടത്തിൽ


Read Latest Business News and Malayalam News