Petrol Price Today : ആ​ഗോളതലത്തിൽ ക്രൂഡ് ഓയിൽ വില വർധിച്ചു

Petrol Diesel Rate : കൊച്ചി: രാജ്യാന്തര എണ്ണവില വർധിച്ചു. ബാരലിന് 83.24 ഡോളറാണ് ഇപ്പോഴത്തെ നിലവാരം. ഇന്ത്യയിലെ പ്രധാന നഗരങ്ങളിലും, സംസ്ഥാനത്തും ഇന്ധന വിലയിൽ മാറ്റമില്ല.

ന്യൂഡൽഹിയിൽ ഒരു ലിറ്റർ പെട്രോളിന് 96.72 രൂപയാണ് പുതുക്കിയ വില. ഡീസൽ ലിറ്ററിന് 89.62 രൂപയിൽ വിൽപ്പന നടത്തുന്നു. മുംബൈയിൽ ഒരു ലിറ്റർ പെട്രോളിന് 106.31 രൂപയും, ഡീസൽ ലിറ്ററിന് 94.27 രൂപയുമാണ് വില. തിരുവനന്തപുരത്ത് ഒരു ലിറ്റർ പെട്രോളിന് 107.71 രൂപയാണ്. ഒരു ലിറ്റർ ഡീസലിന് 96.52 രൂപയുമാണ്. കോഴിക്കോട് ഒരു ലിറ്റർ പെട്രോളിന് ഇന്ന് 105.82 രൂപയും, ഡീസലിന് 94.82 രൂപയുമാണ് വില. കൊച്ചിയിൽ പെട്രോൾ ഒരു ലിറ്ററിന് 105.38 രൂപയിലും, ഡീസൽ ലിറ്ററിന് 94.38 രൂപയിലുമാണ് വില്പന.

Also Read : വിമാനത്തിനുമുണ്ട് 'മൈലേജ്'; എത്രയാണെന്ന് അറിയാമോ?
ക്രൂഡ് ഓയിൽ വില ഇടിയുമ്പോഴും ഇന്ത്യയിലെ എണ്ണക്കമ്പനികൾ പെട്രോൾ, ഡീസൽ വിലയിൽ മാറ്റം വരുത്തിയിട്ടില്ല. മുമ്പുണ്ടായിരുന്ന നഷ്ടം നികത്തുക എന്ന ഉദ്ദേശത്തോടെയാണിത്.

കേന്ദ്ര സര്‍ക്കാര്‍, പെട്രോൾ, ഡീസൽ തീരുവ കുറച്ചതിന് ശേഷം ഏതാനും നാളുകളായി ഇന്ത്യയിലെ ഇന്ധന വില മാറ്റമില്ലാതെ തുടരുകയാണ്. രാജ്യാന്തര വിപണിയിലെ ക്രൂഡ് ഓയിൽ വില, രൂപയുടെ വിനിമയ നിരക്ക് തുടങ്ങിയവയ്ക്കനുസരിച്ചാണ് രാജ്യത്ത് ഇന്ധന വില നിശ്ചയിക്കുന്നത്.

രൂപ
ഡോളറിനെതിരെ 82.92 എന്ന നിലവാരത്തിൽ നേരിയ ഇടിവിലാണ് രൂപയുടെ ഇപ്പോഴത്തെ വിനിമയനിരക്ക്.

ഇന്ധനവില ഒറ്റ നോട്ടത്തിൽ


Read Latest Business News and Malayalam News