Petrol Diesel Price News : റഷ്യൻ ഇന്ധനം പാകിസ്ഥാൻ ചൈനീസ് കറൻസി നൽകി വാങ്ങും; നിലവിലെ ക്രൂഡ് ഓയിൽ വില

Petrol Diesel Price News : കൊച്ചി: ആഗോള തലത്തിൽ അസംസ്കൃത എണ്ണവില താഴ്ന്നു. ഒരു ബാരലിന് 73.82 ഡോളറാണ് ഇപ്പോഴത്തെ നിലവാരം.യുഎസ് ബാങ്കിങ് രംഗത്തെ തകർച്ച കാരണം ഏപ്രിലിലും 80 ഡോളറിന് താഴേക്ക് ക്രൂഡ് ഓയിൽ വില ഇടിഞ്ഞിരുന്നു. ചൈനീസ് യുവാൻ നൽകി റഷ്യൻ ഇന്ധനം ഇറക്കുമതി നടത്താൻ പാകിസ്ഥാൻ‌ ഒരുങ്ങുന്നു

റഷ്യയിൽ നിന്നും പാകിസ്ഥാൻ ടെസ്റ്റ് കാർഗോ വിഭാഗത്തിൽ ഉൾപ്പെടുത്തി വാങ്ങുന്ന 750,000 റഷ്യൻ ഓയിലിന്റെ വില ചൈനീസ് കറൻസിയായ യുവാനിൽ നൽകാനാണ് ആലോചന. ജൂണിൽ ഇറക്കുമതി നടത്തുന്ന ഇന്ധനത്തിന്റെ വിലയുടെ വിനിമയത്തിൽ ബാങ്ക് ഓഫ് ചൈന പങ്കു വഹിക്കുമെന്നാണ് റിപ്പോർട്ടുകൾ‌.


സാമ്പത്തിക പ്രതിസന്ധി നേരിടുന്ന പാകിസ്ഥാൻ സമ്പദ് വ്യവസ്ഥയ്ക്ക് ഡിസ്കൗണ്ട് നിരക്കിൽ കിട്ടുന്ന റഷ്യൻ ക്രൂഡ് ഓയിൽ സഹായകമാകുമെന്നാണ് വിലയിരുത്തൽ. റഷ്യൻ ഇന്ധനത്തിന് ഒരു ബാരലിന് 15 ഡോളറാണ് ഷിപ്പിങ് ചിലവ് . എന്നാൽ പാകിസ്ഥാനിലെ തുറമുഖത്തെത്തിയതിനു ശേഷമേ അന്തിമ വില നിശ്ചയിക്കൂ.

Also Read : രാജ്യത്തെ വിലക്കയറ്റത്തോത് കുറഞ്ഞു, പണപ്പെരുപ്പം 18 മാസത്തെ താഴ്ന്ന നിലയിൽ
അതേ സമയം പാകിസ്ഥാൻ ഒരു ബാരലിന് പാകിസ്ഥാൻ 50-52 ഡോളറുകൾ നൽകുമെന്ന് റിപ്പോർട്ടുകളുണ്ട്. യൂറോപ്യൻ യൂണിയൻ റഷ്യൻ ഇന്ധനത്തിന് നിശ്ചയിച്ചിരിക്കുന്ന പ്രൈസ് ക്യാപ് ഒരു ബാരലിന് 60 ഡോളർ എന്നതാണ്. ദീർഘകാലാടിസ്ഥാനത്തിലുള്ള കരാറുകളിലൂടെയാണ് സൗദി ഉൾപ്പെടെയുള്ള രാജ്യങ്ങളിൽ നിന്ന് പാകിസ്ഥാൻ ഇന്ധന ഇറക്കുമതി നടത്തുന്നത്. നിലവിൽ, ആഗോളവിപണിയിൽ വില താഴ്ന്നതാണ് ഇന്റർനാഷണൽ മാർക്കറ്റിൽ നിന്നു കൂടി ഇന്ധനം വാങ്ങാൻ പാകിസ്ഥാനെ പ്രേരിപ്പിക്കുന്നതെന്നാണ് വിലയിരുത്തൽ.

ഇന്ധനവില
കൊച്ചിയിൽ പെട്രോളിന് 107.77 രൂപയും, ഡീസൽ, ലിറ്ററിന് 96.69 രൂപയുമാണ് വില. കോഴിക്കോട്, ഒരു ലിറ്റർ പെട്രോളിന് 108.28 രൂപയും, ഡീസലിന് 97.20 രൂപയുമാണ് ഇപ്പോൾ നൽകേണ്ടത്. തിരുവനന്തപുരം ജില്ലയിൽ ഒരു ലിറ്റർ പെട്രോളിന് 109.73 രൂപയും, ഡീസലിന് 97.20 രൂപയുമാണ് വില.

Also Read : വ്യക്തി​ഗത വായ്പ; തിരിച്ചടവ് മുടങ്ങിയാൽ തിരിച്ചടി ഉറപ്പ്
ന്യൂഡൽഹിയിൽ ഒരു ലിറ്റർ പെട്രോളിന് 96.72 രൂപയും, ഡീസൽ ലിറ്ററിന് 89.62 രൂപയുമാണ് വില. മുംബൈയിൽ പെട്രോളിന് 106.31 രൂപയും, ഡീസൽ ലിറ്ററിന് 94.27 രൂപയുമാണ് നൽകേണ്ടത്.

രൂപ
ഡോളറിനെതിരെ രൂപയുടെ ഇപ്പോഴത്തെ വിനിമയമൂല്യം 82.21 നിലവാരത്തിലാണ്.

ഇന്ധനവില ഒറ്റ നോട്ടത്തിൽ


Read Latest Business News and Malayalam News