ആ​ഗോള എണ്ണവിലയിൽ ഇടിവ്

രണ്ട് ന്യൂക്ലിയർ പവർ പ്രോജക്ടുകളുടെ ലൈഫ് സ്പാൻ വർധിപ്പിക്കാൻ യുകെ തീരുമാനിച്ചു. അന്താരാഷ്ട്ര തലത്തിൽ ക്രൂഡ് ഓയിൽ വിലയിൽ ഇടിവ്. കുറച്ചു ദിവസങ്ങളായി വില ഇടിഞ്ഞാണ് നിൽക്കുന്നതെങ്കിലും സപ്ലൈ പ്രതിസന്ധി നിലവിലുണ്ടെന്നാണ് റിപ്പോർട്ടുകൾ. അതേ സമയം ആഗോള ഇന്ധനവില വർധിക്കാനാണ് സാധ്യതയെന്ന് പ്രമുഖ നിക്ഷേപ വിശകലന സ്ഥാപനമായ ഗോൾഡ്മാൻ സാക്സ് വിലയിരുത്തി.

ഡോളറിനെതിരെ രൂപയുടെ മൂല്യത്തിൽ ഇടിവ്. നിലവിൽ ഡോളറിനെതിരെ 81.67 എന്നതാണ് രൂപയുടെ മൂല്യം.

ക്രൂഡ് ഓയിൽ വില
ക്രൂഡ് ഓയിൽ വിലയിൽ ഇന്നലെ ക്ലോസ് ചെയ്ത വിലയേക്കാള്‍ ഇടിവ്. രാജ്യാന്തര വിപണിയിൽ ക്രൂഡ് ഓയിൽ ബാരലിന് 88.23 ഡോളറിലാണ് വ്യാപാരം നടക്കുന്നത്.പണപ്പെരുപ്പത്തെ നേരിടുന്നതിനായി കഴിഞ്ഞ മെയ് 21 നാണ് കേന്ദ്ര ധനമന്ത്രി നിർമലാ സീതാരാമൻ ഇളവുകൾ പ്രഖ്യാപിച്ചത്. എക്സൈസ് തീരുവ കുറച്ചതോടെ പെട്രോൾ ലിറ്ററിന് എട്ട് രൂപയും, ഡീസൽ ലിറ്ററിന് ആറ് രൂപയും കുറഞ്ഞിരുന്നു. ഇതോടെ പെട്രോൾ ലിറ്ററിന് 9.50 രൂപ, ഡീസൽ ലിറ്ററിന് ഏഴു രൂപ എന്ന നിലവാരത്തിലെത്തിയിരുന്നു.

ഇന്ധനവില വർധിച്ചതിനെ തുടർന്ന് കേന്ദ്രത്തിനു പിന്നാലെ സംസ്ഥാന സർക്കാരും ഇന്ധന നികുതി കുറച്ചിരുന്നു. പെട്രോൾ നികുതി 2.41 രൂപയും, ഡീസലിന് 1.36 രൂപയുമാണ് കുറച്ചത്. ഇതോടെ സംസ്ഥാനത്ത് പെട്രോൾ ലിറ്ററിന് 10.52 രൂപയും, ഡീസൽ ലിറ്ററിന് 7.40 രൂപയും കുറഞ്ഞിരുന്നു.

ഭാരത് പെട്രോളിയം കോർപ്പറേഷൻ ലിമിറ്റഡ് (ബിപിസിഎൽ), ഇന്ത്യൻ ഓയിൽ കോർപ്പറേഷൻ ലിമിറ്റഡ് (ഐഒസിഎൽ), ഹിന്ദുസ്ഥാൻ പെട്രോളിയം കോർപ്പറേഷൻ ലിമിറ്റഡ് (എച്ച്പിസിഎൽ) എന്നിവയുൾപ്പെടെ പൊതുമേഖലാ ഒഎംസികൾ അന്താരാഷ്‌ട്ര ബെഞ്ച്മാർക്ക് വിലകൾക്കും വിദേശ വിനിമയ നിരക്കുകൾക്കും അനുസൃതമായിട്ടാണ് ഇന്ധനവില ദിവസവും പരിഷ്കരിക്കുന്നത്.

പ്രധാന നഗരങ്ങളിലെ ഇന്ധനവില
കഴിഞ്ഞ ഏതാനും നാളുകളായി രാജ്യത്തെ പെട്രോൾ വിലയിൽ മാറ്റമില്ല. ന്യൂഡൽഹിയിൽ ഒരു ലിറ്റർ പെട്രോളിന് 96.72 രൂപയാണ് പുതുക്കിയ വില. ഡീസൽ ലിറ്ററിന് 89.62 രൂപയിൽ വിൽപ്പന നടത്തുന്നു. മുംബൈയിൽ ഒരു ലിറ്റർ പെട്രോളിന് 106.31 രൂപയും ഡീസൽ ലിറ്ററിന് 94.27 രൂപയുമാണ്. തിരുവനന്തപുരത്ത് ഒരു ലിറ്റർ പെട്രോളിന് 107.41 രൂപയും ഡീസൽ ലിറ്ററിന് 96.52 രൂപയുമാണ് വില. കൊച്ചിയിൽ പെട്രോൾ ലിറ്ററിന് 105.70 രൂപയാണ് വില. ഡീസൽ ലിറ്ററിന് 92.64 രൂപയാണ് വില. കോഴിക്കോട് ഒരു ലിറ്റർ പെട്രോളിന് ഇന്ന് 105.89 രൂപയും ഡീസലിന് 96.52 രൂപയുമാണ് വില നിലവാരം.ബ്രെക്സിറ്റുമായി ബന്ധപ്പെട്ട നടപടിക്രമങ്ങളിൽ കുടുങ്ങി യുകെയിൽ നിന്നും യൂറോപ്യൻ യൂണിയനിലേക്കുള്ള 33% കയറ്റുമതി കുറഞ്ഞതായി റിപ്പോർട്ടുകൾ.
Read Latest Business News and Malayalam News