ആ​ഗോള എണ്ണവില ഇടിഞ്ഞു

യൂറോപ്യൻ യൂണിന്റെ നേതൃത്വത്തിൽ നാച്ചുറൽ ഗ്യാസിന്റെ വിലനിലവാരത്തെപ്പറ്റി അവലോകനം നടത്തി. യുഎസിലെ ഇന്ധന ഡ്രില്ലിങ്ങിൽ ഈയാഴ്ച കുറവ് വന്നതായി റിപ്പോർട്ടുകൾ. ഗ്യാസ്-ഊർജ്ജ വില വർ‍ധനയെത്തുടർന്ന് ലോകത്തിലെ തന്നെ രണ്ടാമത്തെ വലിയ സ്റ്റീൽ നിർമാതാക്കളായ ആഴ്സലോ മിത്തൽ യൂറോപ്പിലെ പ്ലാന്റ് അടച്ചു പൂട്ടാൻ തീരുമാനിച്ചു. സൗദി അറേബ്യയിലെ വൻകിട ഗ്യാസ് സ്ഥാപനമായ അരാംകോ, ഫ്രാെഞ്ച് വാഹനനിർമാതാക്കളായ റെനോൾട്ടിന്റെ ഓഹരി പങ്കാളിത്തം നേടി.

ക്രൂഡ് ഓയിൽ വില
ക്രൂഡ് ഓയിൽ വിലയിൽ ഇന്നലെ ക്ലോസ് ചെയ്ത വിലയേക്കാൾ ഇടിവ്. രാജ്യാന്തര വിപണിയിൽ ക്രൂഡ് ഓയിൽ ബാരലിന് 95 ഡോളറിലാണ് ഇപ്പോൾ വ്യാപാരം നടക്കുന്നത്. കഴിഞ്ഞ ദിവസങ്ങളിൽ 100 ഡോളറുകളിലായിരുന്നു വ്യാപാരം നടന്നു കൊണ്ടിരുന്നത്. ഡോളറിനെതിരെ രൂപയുടെ മൂല്യത്തിൽ വർധന. 79.83 എന്ന നിലവാരമാണ് ഇപ്പോഴുള്ളത്.

പണപ്പെരുപ്പത്തെ നേരിടുന്നതിനായി മെയ് 21 നാണ് കേന്ദ്ര ധനമന്ത്രി നിർമലാ സീതാരാമൻ ഇളവുകൾ പ്രഖ്യാപിച്ചത്. എക്സൈസ് തീരുവയിലെ ഇടപെടലോടെ പെട്രോൾ ലിറ്ററിന് എട്ട് രൂപയും, ഡീസൽ ലിറ്ററിന് ആറ് രൂപയും കുറച്ചിരുന്നു. ഇതോടെ പെട്രോൾ ലിറ്ററിന് 9.50 രൂപയും, ഡീസൽ ലിറ്ററിന് ഏഴു രൂപ എന്ന നിലവാരത്തിലെത്തി.

ഇന്ത്യ ക്രൂഡ് ഓയിലിന്റെ കയറ്റുമതിക്കു മേലുള്ള വിൻഡ്ഫാൾ‌ ടാക്സ് വർധിപ്പിച്ചിരുന്നു. 4.41 ശതമാനമാണ് വർധന. രാജ്യത്തെ ഓയിൽ നിർമാണ കമ്പനികൾക്കും, ഓയിൽ റിഫൈനറികൾക്കും വിൻഡ് ഫാൾ ടാക്സ് ഏർപ്പെടുത്തിയത് കഴിഞ്ഞ ജൂലൈഒന്നിനായിരുന്നു. ഇന്ധനവില ഒരു ബാരലിന് 40 ഡോളറിന് താഴേക്കു പോയാൽ ഇത് പിൻവലിക്കുമെന്നാണ് സർക്കാർ അറിയിച്ചിരിക്കുന്നത്. കേന്ദ്രത്തിനു പിന്നാലെ സംസ്ഥാന സർക്കാരും നികുതി കുറച്ചു. പെട്രോൾ നികുതി 2.41 രൂപയും, ഡീസലിന് 1.36 രൂപയുമാണ് കുറച്ചത്. ഇതോടെ ഫലത്തിൽ സംസ്ഥാനത്ത് പെട്രോൾ ലിറ്ററിന് 10.52 രൂപയും, ഡീസൽ ലിറ്ററിന് 7.40 രൂപയും കുറഞ്ഞിരുന്നു.

പ്രധാന നഗരങ്ങളിലെ ഇന്ധനവില
കഴിഞ്ഞ ഏതാനും ദിവസങ്ങളായി രാജ്യത്തെ പെട്രോൾ വിലയിൽ മാറ്റമില്ല. ന്യൂഡൽഹിയിൽ ഒരു ലിറ്റർ പെട്രോളിന് 96.72 രൂപയാണ് പുതുക്കിയ വില. ഡീസൽ ലിറ്ററിന് 89.62 രൂപയിൽ വിൽപ്പന നടത്തുന്നു. മുംബൈയിൽ ഒരു ലിറ്റർ പെട്രോളിന് 106.31 രൂപയും ഡീസൽ ലിറ്ററിന് 94.27 രൂപയുമാണ്. തിരുവനന്തപുരത്ത് ഒരു ലിറ്റർ പെട്രോളിന് 107.41 രൂപയും ഡീസൽ ലിറ്ററിന് 96.52 രൂപയുമാണ് വില. കൊച്ചിയിൽ പെട്രോൾ ലിറ്ററിന് 105.70 രൂപയാണ് വില. ഡീസൽ ലിറ്ററിന് 92.64 രൂപയാണ് വില. കോഴിക്കോട് ഒരു ലിറ്റർ പെട്രോളിന് ഇന്ന് 105.89 രൂപയും ഡീസലിന് 96.52 രൂപയുമാണ് വില.