എച്ച് ഡി എഫ് സി ലയനം; മ്യൂച്വൽ പോർട്ട്ഫോളിയോകൾക്ക് എന്ത് സംഭവിക്കുമെന്ന് വിശദമായി അറിയാം

എച്ച്‌ഡിഎഫ്‌സി ബാങ്ക് സെപ്തംബർ പാദത്തിലെ കണക്കുകൾക്ക് ശേഷം, കുറച്ച് മാസങ്ങൾക്കുള്ളിൽ എച്ച്‌ഡിഎഫ്‌സി ലിമിറ്റഡുമായുള്ള ലയനം പൂർത്തിയാക്കുമെന്ന് പ്രതീക്ഷിക്കുകയാണ്. മാതൃ സ്ഥാപനത്തെ അതിന്റെ അനുബന്ധ ബാങ്കുമായി ലയിപ്പിക്കുന്ന പ്രക്രിയ 2023 പകുതിയോടെ അവസാനിക്കും എന്നാണ് കരുതുന്നത്. റിസർവ് ബാങ്ക് ഓഫ് ഇന്ത്യയുടെ (ആർ‌ബി‌ഐ) അന്തിമ അനുവാദത്തിനൊപ്പം ഓഹരി ഉടമകളുടെ അനുമതിയും (നവംബർ 25 ന് ഷെഡ്യൂൾ ചെയ്‌തത്) ലഭിക്കേണ്ടതുണ്ട്. രണ്ട് സ്ഥാപനങ്ങളുടെയും ലയന നിർദ്ദേശത്തിന് ഇതിനകം തന്നെ മറ്റു മിക്ക അനുമതികളും ലഭിച്ചു കഴിഞ്ഞു. അതിനാൽ, മ്യൂച്വൽ ഫണ്ട് പോർട്ട്‌ഫോളിയോകളെ ഈ ലയനം എങ്ങനെ ബാധിക്കുമെന്ന് നിക്ഷേപകർ മനസ്സിലാക്കുന്നത് നല്ലതായിരിക്കും.

2022 സെപ്റ്റംബർ 30 വരെ, മ്യൂച്വൽ ഫണ്ട് സ്‌കീമുകൾ വിവിധ പോർട്ട്‌ഫോളിയോകൾക്ക് കീഴിൽ 1.65 ലക്ഷം കോടി രൂപയുള്ള എച്ച്‌ഡിഎഫ്‌സി ബാങ്കിന്റെയും എച്ച്‌ഡിഎഫ്‌സി ലിമിറ്റഡിന്റെയും ഓഹരികൾ ഒരുമിച്ച് കൈവശം വച്ചിട്ടുണ്ട്. എച്ച്‌ഡിഎഫ്‌സി ബാങ്കിന് 496, എച്ച്‌ഡിഎഫ്‌സി ലിമിറ്റഡിന് 335 എന്നിങ്ങനെയാണ് ഹോൾഡിംഗ് കൗണ്ട് സ്‌കീമുകൾ. ഈ രണ്ട് സ്ഥാപനങ്ങളുടെയും സംയുക്ത വെയ്റ്റേജ് 13.75 ശതമാനമാണ്. എച്ച്ഡിഎഫ്‌സി ലിമിറ്റഡിന്റെ ഓരോ 25 ഓഹരികൾക്കും എച്ച്‌ഡിഎഫ്‌സി ബാങ്കിന്റെ 42 ഓഹരികൾ പകരമായി ലഭിക്കും. ലയനത്തിനുശേഷം, എച്ച്‌ഡിഎഫ്‌സി ബാങ്ക് ഒരൊറ്റ സ്ഥാപനമായി പ്രവർത്തിക്കുന്നത് തുടരും.

Also Read : പ്രായം മുപ്പത് കഴിഞ്ഞെങ്കിൽ സമ്പാദിക്കാൻ തുടങ്ങാം; സാമ്പത്തികം കൈകാര്യം ചെയ്യുന്നതിനുള്ള 6 വഴികൾ അറിഞ്ഞിരിക്കാം

നിലവിലെ മാനദണ്ഡങ്ങൾ

വൈവിധ്യമാർന്ന ഇക്വിറ്റി ഫണ്ടുകൾക്കായി ക്യാപിറ്റൽ മാർക്കറ്റ് റെഗുലേറ്ററായ സെബി വ്യക്തമാക്കിയ മാനദണ്ഡങ്ങൾ അനുസരിച്ച്, ഒരു കമ്പനിയുടെ ഇക്വിറ്റി ഷെയറുകളിലോ ഇക്വിറ്റി സംബന്ധിയായ സെക്യൂരിറ്റികളിലോ നിക്ഷേപിക്കുന്നത് പദ്ധതിയുടെ മൊത്തം ആസ്തിയുടെ 10 ശതമാനത്തിൽ കൂടരുത്. സെക്ടർ-നിർദ്ദിഷ്ട അല്ലെങ്കിൽ തീമാറ്റിക് ഫണ്ടുകൾക്ക് ഈ നിയന്ത്രണം ബാധകമല്ല.

മ്യൂച്വൽ ഫണ്ടുകൾക്ക് എന്തു സംഭവിക്കും?

ഇതുവരെ ലഭ്യമായ വിവരങ്ങൾ അനുസരിച്ച്, പോർട്ട്‌ഫോളിയോ കൈവശം വച്ചിരിക്കുന്ന എല്ലാ കമ്പനികളുടേയും സ്‌കീമുകളിൽ, എച്ച്‌ഡിഎഫ്‌സി ബാങ്കി‌ന് 10 ശതമാനത്തിലധികം അഥവാ 32 സ്കീമുകളും, എച്ച്‌ഡിഎഫ്‌സി ലിമിറ്റഡിന് 4 സ്‌കീമുകളുമാണ് ഉള്ളത്. അതിനാൽ, എച്ച്‌ഡിഎഫ്‌സി ബാങ്ക്-എച്ച്‌ഡിഎഫ്‌സി ലയനം പൂർത്തിയാകുമ്പോൾ, ഒരൊറ്റ കമ്പനിയായി ഇവ രണ്ടും നിലനിൽക്കും. പരമാവധി ഹോൾഡിംഗ് ശതമാനം 10 ശതമാനത്തിന് തുല്യമോ അതിൽ കുറവോ ആയി കുറച്ചുകൊണ്ട്, വൈവിധ്യമാർന്ന ഇക്വിറ്റി സ്കീമുകളുള്ള പോർട്ട്‌ഫോളിയോകളിൽ ആവശ്യമായ മാറ്റങ്ങൾ അതത് മ്യൂച്വൽ ഫണ്ട് മാനേജർമാർ വരുത്തുമെന്ന് പ്രതീക്ഷിക്കുന്നു. അതിനാൽ ലയനത്തിന് ശേഷം, മ്യൂച്വൽ ഫണ്ടുകൾ അവരുടെ പോർട്ട്ഫോളിയോകൾ പുനഃക്രമീകരിച്ചേക്കാം.

Also Read : പുതുതലമുറ നിക്ഷേപകർക്കായി വെൽത്ത്ടെക് സ്റ്റാർട്ടപ്പകുൾ; ഡിജിറ്റലായി നിക്ഷേപിക്കാം, വരുമാനം നേടാം

എൻഎസ്ഇയിൽ എന്തു സംഭവിക്കും?

ഇപ്പോൾ നിഫ്റ്റിയുടെ 13 ശതമാനത്തിലധികം ആധിപത്യം പുലർത്തുന്ന എച്ച്‌ഡിഎഫ്‌സി ബാങ്ക്, എച്ച്‌ഡിഎഫ്‌സി ലിമിറ്റഡ് എന്നീ സ്ഥാപനങ്ങളുടെ ലയനത്തിലൂടെ സാധ്യമാവുന്ന ഫണ്ട് ഒഴുക്കിൽ നിഫ്റ്റിയിൽ കനത്ത ഏറ്റക്കുറച്ചിലുകൾ സ്റ്റോക്ക് മാർക്കറ്റ് വിദഗ്ധർ പ്രതീക്ഷിക്കുന്നുണ്ട്. ഇന്ത്യയിലെ പ്രധാന സൂചികയിലെ ഒരു വലിയ ഭാഗം എച്ച്ഡിഎഫ്സി സ്ഥാപനങ്ങളുടേതായതിനാൽ, സൂചികയെ ബാധിക്കുന്ന ലയനത്തിന്റെ കാര്യങ്ങളെക്കുറിച്ചും എച്ച്ഡിഎഫ്സിയെ ഒഴിവാക്കി പകരം ഒറ്റ സ്റ്റോക്ക് ഉൾപ്പെടുത്തിയതിനെക്കുറിച്ചും എൻഎസ്ഇ ഒരു കൺസൾട്ടേഷൻ നോട്ട് പുറത്തിറക്കിയിട്ടുണ്ട്.

നിക്ഷേപകർ എന്താണ് ചെയ്യേണ്ടത്?

ലയനത്തോടെ എച്ച്ഡിഎഫ്സി ബാങ്ക് ലിമിറ്റഡ് ബിഎസ്ഇ, എൻഎസ്ഇ ലിസ്റ്റിൽ നിന്ന് പുറത്താകും. എച്ച്‌ഡിഎഫ്‌സി ലിമിറ്റഡിന്റെ എല്ലാ ഓഹരി ഉടമകൾക്കും എച്ച്‌ഡിഎഫ്‌സിയുടെ ഓരോ 25 ഓഹരികൾക്കും എച്ച്‌ഡിഎഫ്‌സി ബാങ്കിന്റെ 42 ഓഹരികൾ ലഭിക്കുമെന്നതിനാൽ നിക്ഷേപകർക്ക് ആശ്വസിക്കാം. എച്ച്‌ഡിഎഫ്‌സി ഇരട്ടകളുടെ ലയനം മ്യൂച്വൽ ഫണ്ട് മേഖലയിൽ ഒരു വലിയ നീക്കമാണ്. 454 മ്യൂച്വൽ ഫണ്ട് സ്കീമുകൾ 1.01 ലക്ഷം കോടി രൂപയുടെ എച്ച്‌ഡിഎഫ്‌സി ബാങ്ക് ഓഹരികൾ കൈവശം വച്ചിട്ടുണ്ട്. ഇത് മ്യൂച്വൽ ഫണ്ട് വ്യവസായത്തിന്റെ മൊത്തം ഇക്വിറ്റി ആസ്തിയുടെ 5.35% ആണ്.
നിഷ്ക്രിയ ഫണ്ടുകൾ സ്റ്റോക്ക് മാർക്കറ്റ് സൂചികകൾ ട്രാക്ക് ചെയ്യുന്നത് തുടരുകയും ഓഹരി വിപണി സൂചികയിൽ പുതിയ സ്ഥാപനം ഉൾപ്പെടുത്തിയതിന് ശേഷം അലോക്കേഷനുകൾ ക്രമീകരിക്കുകയും ചെയ്യും. ലയനം മൂലമുള്ള ക്രമീകരണങ്ങൾ മറ്റ് സ്കീമുകൾക്ക് എളുപ്പത്തിൽ ഉൾക്കൊള്ളാൻ കഴിയുമെന്നതിനാൽ, ഓഹരി വിൽപ്പനയെക്കുറിച്ച് നിക്ഷേപകർ അമിതമായി ആശങ്കപ്പെടേണ്ടതില്ല.

(മുകളിൽ പറഞ്ഞിരിക്കുന്ന കാര്യങ്ങൾ ഏതെങ്കിലും തരത്തിലുള്ള നിക്ഷേപ നിർദേശമല്ല, നിക്ഷേപകരുടെ അറിവിലേക്കു നൽകിയ വിവരങ്ങൾ മാത്രമാണ്. നിലവിൽ ലഭ്യമായ വിവരങ്ങളാണ് ഇവിടെ നൽകിയിരിക്കുന്നത്. ഓഹരി വിപണി / മ്യൂച്വൽ ഫണ്ട് നിക്ഷേപങ്ങൾ ലാഭ-നഷ്ട സാധ്യതകൾക്ക് വിധേയമാണ്. നിക്ഷേപകർ എപ്പോഴും സ്വന്തം ഉത്തരവാദിത്തത്തിൽ മാത്രം നിക്ഷേപങ്ങൾ നടത്തേണ്ടതാണ്)


Read Latest Business News and Malayalam News